حكاية ياسين وسدرة بقلم ندى حداد

بغل من الداهيه اللي جيتي منها.
سيبتها ومشيت.
بلاوي وبتتحدف علينا آه والله قال وأنا بقول هبدأ من جديد.
منها لله ضيعت مودي.
قعدت قدام البحر عشان بحب انكد على نفسي.
هي ليه الدنيا صعبة كده لية أي حاجة نعوذها مانخدهاش ببساطة.
ليه لازم نتعب عشان نوصل للشيء اللي عايزينه.
ليه بنحب بكل سهولة ومنقدرش ننسي بنفس السهولة اللي حبينا بيها.
هو الإنسان كده مكتوب عليه إن يعيش يتعذب ولا الإنسان اللي بيعذب نفسه بنفسه.
بسأل نفسي ألف سؤال ومفيش ولا إجابه سؤال واحد حتى مش لاقيه له إجابه.
العيب بيكون مننا من الأول عشان بنثق وبنحب الناس بسرعة.
ولا العيب بيكون منهم هما عشان غدارين ومش بيبانوا على أصلهم من الأول.
طب أنا بسأل نفسي ليه المفروض اسأل بني آدم تاني عشان الاقي إجابه على كل اسئلتي.
بصيت للسما وانا بقول يارب!
مش عايزة غير جبر لخاطري وفرحة تنسيني كل اللي عيشته.
يارب محتاجك فكون جمبي.
ضميت رجلي وانا بعيط وبصيت حواليا!
يارب انا حاسه نفسي وحيدة هي الدنيا مبقاش فيها بشړ.
عياطي زاد وخۏفي زاد أكتر وأكتر يارب بجد محتاجة حد يكون جمبي خاېفه وحيدة مش حواليا أي شيء غير الأماكن اللي كلها ضلمة ونور بسيط.
خلصتي.
إلتفت للصوت وانتي أي دخلك انتي بعدين جايه ورايا ليه.
لقيتها بتقرب مني وبتحضني وبتطبطب على ضهري.
ياه قد أي كنت محتاجه الحضن والطبطبة دي كنت محتاجه ليهم حقيقي.
عيطت فحضنها قوليلي كل ده بيحصلي ليه انا عملت أي ذنب عشان أتعذب كل العڈاب ده وأشوف الكم من الآلم ده كل ذنبي إني حبيته ياربي حبيت شخص ماحبنيش وماحسنيش.
ضميني وماتسبينيش خليكي جمبي حاسه بروحي بتتسحب مني آه ياني.
حضنتني وانا اتعلقت فيها بقوة عيطنا احنا الاتنين الظاهر نفس الشعور والۏجع.
قالت وهي بټعيط قوليلي أنا اي ذنبي إن هو يلعب بيا كده.
وانا انا أي عملته عشان يروح يحب غيري.
عيطنا وصرخنا وخرجنا كل اللي كان جوانا.
كان كل شيء صعب عياطنا كان بيخلي نفسنا تصعب علينا.
صراخنا كان بيدبح روحنا مش بس صوتنا.
يكفي إننا قدرنا نخرج كل الطاقه السلبية اللي جوانا.
من البداية محبتنيش
بوستها من خدها بعد مامسحت دموعها
بس خلاص بطلي عياط.
وانتي كمان بطلي عياط.
مسحت وشي بكم الدريس مفيش عياط تاني.
عملت المثل مفيش عياط تاني.
قومي نجري.
والشنطة دي.
كرشت فشعرها وقالت بتفكير أممم تجري معانا بردو.
ضحكت طب يلا بقى.
هونت عليا كتير للصراحة كانت صدفتها حلوة ومخانقتها أحلى.
بنوته طيوبة انا ظلمتها احنا الاتنين بنعاني من نفس المشكله بس فرق الشخص هي ابن خالها وانا ابن عمي ياه الچرح فعلا بيكون من قريبك مش من الغريب أبدا.
بصتلي وابتسمت عصير قصب أي رأيك.
يععع مش بحبه خالص لايمكن أشربه.
مدت العلبة اللي فيها العصير جربي مش هتندمي.
لا لا مش حلو.
في تلج طعمة تحفهه جربي بس.
اترددت
يوه مش حابه.
قالت بمحايلة أشربي حبه صغيرة يلا.
مسكت العلبة ماشي عشانك بس.
انا بردو.
اتشاركنا حاجات كتير فالكام دقيقه اللي عدوا دول عيطنا سوا وضحكنا سوا شربنا العصير سوا وأكلنا سوا شوف ياخي حتى نفس الۏجع سوا ربنا يديم القبول.
ده بيتك.
آه حلو مش كده.
بيت بسيط جدا ودافى أوي الوانه هاديه زوقها حلو.
جميل أوي بجد حد عايش معاكي.
آه.
بصتلها بإستغراب وقولت مين
انتي.
تؤ مانتي فعلا هتعيشي هنا.
حدفتها بالمخده اللي كانت على الكنبة والله! مانا عارفه ياختي انا بقصد في حد غيرنا هنا موجود.
لا ياست سدرة.
ماشي ياختي أوضتي بقى فين.
البيت بيتك ياحلو اختاري الاوضه اللي تعجبك.
ماشي ماشي اكيد هاخد الاوضه اللي فيها بلكونه.
انا موافقه أصل هنقعد فيها سوا.
نتشارك فالاوضة..نتشارك فالاوضة.
كانت ألطف فراشه اتعرفت عليها شاركتها بيتها وأوضتها وأكلها واحيانا لبسها حزنها وفرحها خنقتها واكتئابها
تقريبا كل حاجه بقينا نشاركها سوا.
ربنا بياخد الۏحش وبيدينا الحلو والحلو كان عائشة.
صاحبة تتسحد على جدعنتها بجد مش هقابل زيها لو قابلت فمفيش غير عائشة.
حضنها ليا وقت زعلي ووقت ماكنت محتاجه حد جمبي ده عندي بالدنيا ومافيها.
طلبت ونولت أحلى صاحبة فالدنيا.
عيشة.
عيونها.
انا بحبك أوي أوي.
وانا بحبك أوي أوي.
عشت ف بيتها وأشتغلت مكان مابتشتغل.. ف محل هدوم.
اتعرفنا على بعض وبقينا عارفين كل حاجه عن بعض احنا الاتنين الشعور اللي جوانا متبادل اتجرحنا واتوجعنا من أكتر حد حبناه.
عائشة سامعه صوت الأغاني جاي منين.
قالت بتأفف في ولد سكن جديد فالشقة اللي جمبنا.
أممم جديد وجمبنا لازم يتربى.
نامي يابت وبلاش شغل أحلام لأنه ولد واصل أوي وباين عليه حد كبير ف البلد.
اتكلمت بسخريه سايب كل ده وجاي يقرفنا.
اتقلبت ناحيتي بس سيبك الولد باين عليه مز أوي.
شديت ودنها بغل مش عيب في حاجه اسمها غض البصر.
فركت مكان ودنها الحركه دي بټعصبني وبعدين بدون قصد لمحته كده عيل رياضي جدا.
والله!
خرجت ليه واتخانقت معاه كان شخص مستفز وكلح كنت بقول مش هلاقي حد مستفز زيي أبدا ولكن طلعت غلطانه لقيته هو شخص مستفز وكلح وسمج وبارد هه.
يا صباح يا عليم يا رزقا يا كريم.
ضړب بإيديه على بعض اصبحنا واصبح الملك لله اصتباحه زينه.
نينيني كلح ولسانه طويل ومشافش تربية ليه مش جاي مؤدب زي اللي بنشوفهم فالروايات كده قال وانا أحبه.. ايي أحبه لا لا مستحيل أنا سدرة أحب البني آدم المستفز الكلح ده أبو لسان طويل.
رفع حاجبه بتبرطمي تقولي أي.
كشرت فوشه وأنت مالك أنت هو بؤي ولا بؤك.
شكلك لسانك طويل وهتغلبيني معاكي.
إنه مضحك هاهاها أنا فكرتك اخدت الفكره دي عني من امبارح وقت ما هزأتك.
ضيق عيونه بإبتسامة أممم مش أوي يعني بس دلوقتي عرفت إن لسانك أطول منك.
ده بيبتسم زينا عادي امال أي الخلقة اللي كان عليها امبارح استغفر الله العظيم.
اتكلمت بقوة قصدك انا قصيرة.
شاور بصباعة على نفسه ببراءة انا ماقولتش كده أبدا.
امال تقصد أي.
مشي ووقف عند أول السلم ما أقصدش حاجه أبدا قولتلك.
ياربي على التناحه يا خړابي على الاستفزاز.. انا هستفزه بردو.
يا أستاذ يا أسمك أي.
قال وهو نازل على السلم ببرود الاحترام حلو بردو اسمي زين ياطفلة.
قومت وانا بفرك ف ايدي بعصبيه أنا..أنا يقولي الاحترام حلو
بمعني كده إني مش محترمه ويقولي يا طفلة أنا طفلة يا عائشة.
خلاص يا سدرة موضوع وراح لحاله ده ولد واحنا مش قده ف سيبك منه بلاش نجادل معاه نبقي نقدم شكوى لصاحب العماره.
قولت بعصبيه مش هسكت غير لما أخد حقي وأعرفه مين هي سدرة.
قعدتني جمبها واتكلمت بهدوء سدرة الولد باين عليه إنه مش سهل ف احنا نفكنا منه وإن كان على حقك فحقك عليا انا بس بلاش لحسن يأذيكي.
هديت شوية واتكلمت طب في خطة شيطانية كده كنت عايزة أنفذها.
بصتلي ب إنتباه خطة وشيطانية! احكيلي هتعملي أي.
مسكت ايدها ووقفت تعالي معايا كده.
اخدت كوباية فيها صابون.
وقفت قدام باب شقته وكبيته.
قولت وانا بكب آخر شوية بشړ عشان تبقى تاني تقول علي مش محترمه وطفلة.
سيبت الكوبايه وحطيت ايديا فوسطي وابتسمت بخبث شديد
شوف بقى الطفلة هتعمل فيك أي يا كلح يا مستفز.
كده هو مش هيعرف إن انتي اللي عملتيها.
ششش اكتمي انتي هيعرف منين يعني.
متأكدة.
آه متأكدة..
سمعت صوته وهو بيكلم حد من الجيران.
بصيت من السلم لتحت لقيته طالع.
بصيت عليها وابتسمت بإنتصار اوعي بقى جه فالوقت المطلوب تخمينه جامدة ربتت على كتفي
ربنا يحفظني