اوعدني بقلم جهاد اشرف

كمان صديقني مش هعرف اعوضك
اتكلمت بهدوء نام ونتكلم بعدين
انا الوحيدة اللي اتظلمت ملك ارتاحت وراحت عند اللي احسن من الدنيا بحالها وانا..وانا امتي هرتاح انا تعبت
دايما بفكر اديي نفسي فرصة عشان اقدر اعيش معاه لو مش عشاني عشان نور والطفل اللي جاي دا..هو قالي ان هو طول
عمره عايش مع والدته ومشافش والده وان هو وحيد معندهوش اخوات ودايما بيعمل اي حاجة عشان يرضيها عشان كدا اتجوز تاني..بس انا ذنبي ايه وذنب ملك ايه ان هي مخلفتش ولد ليه دايما نخلي الكلام الجاهل يأثر علينا وعلي حياتنا
عدي ثلاث شهور وبقا معايا عمر..اليوم اللي ولدت فيه كنت حاسة اللي ھموت يومها محمود دخل معايا اوضة العمليات مرضيش يسبني لوحدي وبعدها مهتمش اللي جه ولد ولا بنت قد ما كان قلقان عليا..بعدها تعاملي معاه بقا كويس بس هو....
يا مريم تعالي شيلي نور وسكتيها
خرجت من المطبخ وشلتها
يعني انت مش قادر تسكتها علي ما اخلص
انتي عارفة ان مش بحب اشوفها عشان بتفكرني بملك
اتعصبت يعني ايه مش بتحب تشوفها دي بنتك وانت المفروض تعوضها عن ملك عشان انت ابوها
انتي ليه مش قادرة تفهمي ان انا بحس انها لو مجتش كان زمان ملك لسه عايشة ومجلهاش القلب وماټت
صوتي بقا عالي وانت ليه مش قادر تفهم ان مفيش حد مۏت ملك غير انت ووالدتك
اتكلم بهدوء قصدك ايه انت كنتي عارفة ان ملك تعبانة صح.. سكتي ليه ما تردي
اتكلمت ببرود اه كنتي عارفة
زعق ليه مقولتليش
عشان هي اللي طلبت كدا..اليوم اللي كانت هتقولك علي مرضها انت كسرتها فيه..بعد اليوم دا هي كانت عايشة عشان بنتها وبس
انتي انانية انتي مقولتليش عشان كنتي ضامنة اللي هي
ھتموت وابقا بتاعك لوحدك
اټصدمت من جملته واتكلمت بهدوء عكس اللي جوايا
عندك حق انا انانية انا لو كنت انانية فعلا مكنتش عيشت للحظة دي معاك
خدت نور ودخلت اوضتي وبعدها سمعت باب الشقة بيتقفل..قعدت اعيط انا ليه بيحصل معايا كدا ليه بعد دا كله ابقا انا الانانية الۏحشة وفي الاصل انا اللي جيت علي نفسي عشان اوصل للمرحلة دي..فعلا انا اللي وصلت للمرحلة دي وانا اللي هنهيها
قومت وخرجت شنطة ولمېت هدومي وهمشي همشي ومش هرجع تاني وهاخد معايا نور وعمر...
وانا خارجة تلفوني رن فتحت من غير ما اشوف مين
الو
الو صاحب التليفون دا عمل حاډثة وراح المستشفي
بصيت علي الاسم لقيت رقم محمود حسيت كأني جردل ماية ساقعة اتدلق فوقي روحت المستشفي في اقل وقت
دكتور دكتور في مريض جه هنا في حاډثة عربية
انا اسف المړيض...
هو عايش صح
البقاء لله
مريم محمود ماله
مبترديش ليه ابني ماله يا مريم
فوقت من صدمتي
زعقت وانا بعيط ابنك ماټ وانتي اللي موتيه بعامليلك وكلامك الجاهل اللي انتي عايشة فيه ربنا جابلك الولد اللي كان نفسك فيه بس خد منك ابنك تقدري تقولي بقا هتعوضي ابنك ازاي وانتي كمان اللي موتيه ملك لما خليته يتجوزني وكسرتيها.. بس تعرفي انا كمان هحرمك من احفادك زي ماحرمتيهم من امهم وابوهم وهاخدهم وامشي