اوعدني بقلم جهاد اشرف

قعدتهم معايا وخلي بالك من ملك واوعي تزعلها كفاية اللي انت عملته فيها
وانتي هتقعدي لوحدك
اتكلمت بسخرية وانت مهتم ليه شكلك حبتني
رد بهدوء مش شرط اكون حبيتك بس انتي مراتي ولازم اتقي ربنا فيكي وكمان حامل في ابني
انت كل يوم بتثبتلي انك انسان ژبالة..كنت اتقيت ربنا في مراتك الاولي الاول ومكسرتهاش..وبالنسبة ليا فا انا هروح عند اهلي اقعد فترة علي ما اعصابي تهدي
انا تعبت انا ليه لحد دلوقتي جاية علي نفسي كنت المفروض اول ما عرفت انه متجوز كنت مشيت ايه اللي خلاني استني لحد ما قلبي يتكسر اكتر من الاول!...
لمېت هدومي ومحمود كان مصر ان هو يوصلني..طول الوقت كنت ساكتة وسارحانة بفكر في كلام ملك وايه اللي لازم اعمله واقول ل محمود ولا لا
مريم انزلي وصلنا
كنت نمت في الطريق واول ما وصلنا صحاني..نزلت وهو نزل ورايا
مريم استني
وقفت وهو قرب عليا وحضني وباس راسي
خلي بالك من نفسك ومن ابننا
اتكلمت بهدوء تعرف انا بتمني الطفل دا يبقا بنت عشان اشوف ردة فعلك انت ومامتك ايه..سلام
هو خاېف علي ابنه مش عليا..مين انا اصلا عشان ېخاف عليها ولا يحبها انا يدوبك واحدة متجوزها بالڠصب عشان يجيب منها ولد..طلعت عند اهلي ورحبوي بيا جدا بعد شهرين جواز وفرحوا بحملي بس هما فرحانين وميعرفوش ان بنتهم مکسورة...
يعني انتي متأكدة يا مريم اللي انتي ومحمود مش مټخانقين
لا مش مټخانقين يا ماما هو بس مشغول شوية
طب انتي بقالك شهر ونص قاعدة هنا وكل ما يتصل بيتصل بيا عشان يطمن عليكي ليه مش بتفتحي تليفونك
يا ماما مش مټخانقين انا بس عايزة اقعد فترة لوحدي
ماشي يا مريم اللي تشوفيه
بقالي شهر ونص قاعدة معاهم وقفلت تليفوني وحبيت ابعد فترة وكل فترة محمود يتصل بماما يطمن عليا احياتا برد واحيانا لا وماما كل شوية تسألني انتوا مټخانقين
مقدرتش اقولها ان هو طلع متجوز...
دخلت فتحت تليفوني ولقيت رسايل كتير منه ومن ملك اتصلت بيها
مريم ازيك وحشتيني
وانتي كمان عاملة ايه
الحمدلله..مريم انا عايزاكي ترجعي انا عارفة اللي انتي عايزة تقعدي فترة لوحدك بس انا بعتبرك اختي الصغيرة وعايزاكي تبقي معايا الفترة دي وانتي عارفة ان مليش حد
ملك اوعي تقولي كدا تاني كمان انا هرجع بكرا
مهما كان انا اتكسرت بس قلبها اتكسر اكتر مني مقدرتش اكرهها ولا اعاملها وحش وهي لو كرهتني فا دا حقها محدش له ذنب في حاجة مننا..لو حد المفروض يتعاقب فا هو محمود ومامته وكلامها الجاهل اللي في ناس كتير لسه عايشين عليه...
وحشتيني كدا تسيبيني وتمشي وانتي عارفة اللي انا تعبانة
معلش انتي عارفة اللي انا كنت محتاجة ابعد
اتنهدت حاسة بيكي...مريم!ممكن تسامحيه
سرحت شوية وبعدين توهت الموضوع
نور وحشتني اوي هي فين
نايمة في اوضتها
ضحكت طب انا هقوم اصحيها عشان الصراحة عايزة اتوحم عليها
ابتسمت ماشي
سبتها ودخلت اوضة نور اعيط براحتي انا مش مصدقة اللي انا رجعت تاني انا هنا فاقدة الاحساس بالامان حاسة اللي انا وحيدة ومليش حد..انا مش عارفة اواسي نفسي ولا اواسي ملك..
قضيت اليوم مع ملك ومحمود جه واستغرب اللي انا هنا ورجعت من غير ما يعرف
عدت فترة وكنت شبه مقيمة مع ملك كنت بروح لها كل يوم وارجع البيت بليل..صحيت النهاردة جهزت وخرجت من اوضتي عشان رايحة لملك خرجت من الاوضة لقيت محمود برا عشان كان بايت معايا كان بيجهز وماشي علي شغله
ايه دا انتي صاحية بدري ليه
رايحة لملك
اشمعنا
هو ايه اللي اشمعنا
انتي بقيتي شبه يوميا عند ملك وبترجعي هنا علي
النوم..انتي في سر بينك وبينها
اه
ايه
هو