اوعدني بقلم جهاد اشرف

جملته
بصتله بتحبها
ملك حبي الاول والاخير ملك دي احلي حاجة حصلتلي
دنيتي
ابتسمت بحزن واتكلمت بثقة
للأسف إنت مكنتش مخلص في حبك ليها..لو كنت بتحبها زي ما بتقول مكنتش كأفتها بجوزاك مرة تانية
مستنتش يرد ورجعت بصيت في شباك العربية تاني وسرحت..
طب ليه انا مليش من الحب جانب ليه متحبتش زي ملك ليه اعيش فترة بإحساس الذنب اللي ملازمني وانا مليش ذنب في كل اللي بيحصل..
عدي اسبوع وانا وملك بقينا اصحاب وبقينا نطمن علي بعض كل يوم....
صحيت الصبح تعبانة ومش قادرة اقف..اتصلت بملك الوحيدة اللي اعرفها هنا اهلي عايشين في محافظة تانية ومحمود مش عايزة اعرفه اي حاجة عني تاني...
ملك جاتلي وخدتني وروحنا للدكتور
مبروك المدام حامل في الشهر الاول
كلمة خلت قلبي يقف وعقلي مش قادر يفكر..خرجنا من عند الدكتور
مبروك يا مريوم هيبقا عندك بيبي
لا لا الطفل دا لازم ينزلانا لازم اتطلق..لو جه هيتظلم معايا
بطلي هبل يا مريم المفروض تبقي فرحانة عشان انتي حامل
بصتلها بإستغراب وصدمة
فرحانة! فرحانة ازاي وكمان اللي مستغربة منه لحد دلوقتي انتي..انتي ازاي قادرة تتعاملي عادي كدا وكأني جوزك مش متجوز ولا كأني في حاجة حصلت..اكيد وراء ابتسامتك دي مخبية حاجة
اتنهدت وابتسمت بحزن تعالي يا مريم نروح اي كافيه نقعد فيه ونتكلم
عندك القلب!من امتي
من سنتين واكتشفت متأخر وانا في اخر مرحلة فيه
طب ومحمود عارف
لا محمود مش عارف.. اليوم اللي هو قالي فيه علي جوازه كنت المفروض هقوله علي مرضي بس هو موتني بجوازه وانا عايشة ف قررت اللي انا اعيش الايام الفاضلة ليا عشان بنتي وبس
انتي ليه مطلبتيش الطلاق لما قالك ان هو هيتجوز تاني كان ممكن يرجع عن قراره كان ممكن ساعتها ميتجوزش
انا يتيمة واهلي متوفيين كنت هعيش فين ومش هقدر اربي نور لوحدي
انا اسفة
دلوقتي انا طالبة منك طلب
اكيد طبعا
انا مش عايزاكي تطلقي
اټصدمت من طلبها ازاي يعني!انا مقدرش اعيش معاه وكمان هو لازم يرجعلك
محمود لما كان بيحكيلي عنك واللي انتي كويسة وطيبة وحنينة ساعتها اطمنت علي نور اتاكدت ان هيبقا عندها ام تانية مش مرات اب..مريم انا بوصيكي علي نور لو حصلي حاجة عايزاكي انتي اللي تربيها
ملك بالله ما تقولي كدا نور مش هتتربي في حضڼ غير حضنك وهتعيش لحد ما تجوزيها كمان وتشوفي اولادها
ابتسمت وشالت نور بنتها وقعدتها علي رجليها وكلمتها
مين دي يا نور..يلا قولي ماما مريم
مممم
ماما مريم
مامم
نور فضلت تكلم بتلعثم اطفال لسه مش بتعرف تكلم..طب انا ليه زعلانة دلوقتي..انا تايهة تايهة ومش عارفة اعمل ايه..رجعت البيت وكان محمود هناك
مريم كنتي فين واتأخرتي ليه
محمود
واخيرا نطقتي اسمي فكرتك نستيه
انا عايزة اقولك علي حاجة
اقوله علي ملك وان هي تعبانة والمفروض يقعد معاها ولا هي هتزعل مني
قولي يا مريم سرحتي في ايه
اتكلمت ببرود انا حامل
ابتسم وقام حضڼي
مبروك انتي فرحتيني اوي
حطيت ايدي عليه وبعدته عني
ايه يا مريم انتي مش فرحانة
اعتقد كنت هبقا فرحان لو في وضع احسن من كدا او متجوزة واحد غيرك
مريم انتي ليه بتعامليني كدا انا مش وحش والله
ليه بعاملك كدا!! تعرف إن واحدة غيري مكانتش قعدت معاك ثانية واحدة . انت اللي ليه عملت معايا كدا هو انا اذيتك في حاجة ليه كدبت عليا
انتي حبتيني يا مريم
اتكلمت بسخرية حتي لو حبيتك فا انا دلوقتي محدش بيكرهك قدي.. اي ذرة احترام كنت بكنها ليك فا هي طارت مع الهواء كنت مفكرة نفسي الاختيار الاول في حياتك طلعت التاني وكمان بالڠصب.. انت دلوقتي هتروح تقعد مع ملك وبنتك عشان هما محتاجينك
اكتر مني وتعوض
الشهرين اللي