سكريبت بقلم آية موسى

فرح تعبت ومعرفش ليه الناس بتقول عليا كدا.. أنا معملتش حاجة تخليهم يفكروا فيا كدا..والله ما عملت
مسحت دموعي وأنا ببص للصنية وقولتلها
_هطلع الأكل لحمزة يمكن أشوفه وحشني أوي يا فرح ونفسي أطمن عليه أوي.
دخلت بثينة شالت الصنية وطالعه بيها بس وقفتها وسألتها
_رايحه فين..
_ست الحجة قالتلي متخليش رهف تجيب الصنية وهاتيها أنت
خدت الصنية ومشت فبصيت لفرح وقولتلها بكسرة
_شوفتي عمايل أمك يا فرح..!
سبتها واقفة وخرجت روحت أوضتي مغلوبة على أمري والدنيا ليلت والكل نام وفرح خدت ولادها ونامت في أوضتها القديمة فوق اتسحبت وطلعت بالراحة فتحت الباب شوفته على ضوء القمر اللي داخل الأوضة نايم بصيت في باقية الأوضة ملقتش حماتي حمدت ربنا وقربت منه قعدت جمبه ووطيت على رأسه بوستها ورفعت ايده وبوستها وهمستله
_وحشتني
_سايبه رجلك كل ده لحاله ليه يا رهف..!!
مصدقتش وداني إنه صاحي وبيتكلم بصيتله تاني لقيته اتعدل في قعدته وبيبصلي بصمت قربت منه أكتر وقولتله
_حمد لله على سلامتك يا حمزة..إن شا الله أنا
حط ايده على بؤقي وقال بصوت حاد
_عبيطة أنت إياك...سدي خشمك يا رهف
دموعي نزلت على كفه اللي على بؤقي فشدني ليه وحضني وقعد يربت على ظهري فقولتله وهو لسه حاضني
_أنت متعرفش بيقولوا عليا بره إيه يا حمزة..متعرفش قد أي أنا محتاجلك دلوقتي مش عايزة أبعد عنك ثانية تاني حمزة أنا مستحيل أضرك..مستحيل دا أنا أقبل الضرر لنفسي ومقبلهوش ليك..حمزة أنا بحبك...بحبك أوي أوي..أكتر من نفسي حتى
ضمني ليه أكتر وقال بهدوء تام..تام جدا لدرجة إني استغربت إنه منفعلش
_نامي يا رهف..نامي يا نبض حمزة
قومت الصبح فتحت عيوني ملقتهوش جمبي والأغرب إني مش في البيت..حمزة طلقني أول جملة جات في بالي قومت بسرعة جري أدور عليه نزلت لتحت وأنا مش عارفه بيت مين ده أو أروح فين لحد ما سمعت صوت قربت من الجنينة لقيته بيلعب ضغط بره حطيت ايدي على صدري وارتحت وقربت منه وناديته
_حمزة.!!
قعد وشاورلي وقال
_تعالي يا نبض حمزة
قربت قعدت قدامه وقولتله
_احنا فين..!!
_في الجنة
اتنهدت وهمست بصدق
_ياريت كان زمانا في راحة دلوقتي
شد ايدي وباسها بعمق وقال
_أسف
فتحت عيوني بذهول وهمستله بتعجب
_حمزة..!!!
مد ايده يوقفني عن الكلام وقال
_اسمعيني زين يا رهف أني عرفت بكل حاجة أمي أذتك فيها وأنت كنت عتسكتي وشوفت بعيني أذيتك وضربتك إزاي وأني راقد يعلم ربنا إني سيطرت على نفسي بالعافية ساعتها وعرفت إني أمي كانت متفقة مع سعاد بنت خالتي تحطلي سم ضعيف المفعول في الليلة اللي كنا لوحدينا فيها والبيت كلايته فاضي وأنت اللي عامله الوكل برضك عرفت قد إيه أنت اتحملتي على قلبك وسكتي علشاني بس لإهنه وحسم الأمر من النهاردة ده بيتك لوحديك يا رهف ملكيش علاقة بالبيت اللي هناك ولا بللي فيه ملكيش غير حمزة صوح مش اكده..!!
قعدت نص قعدة واترميت في حضنه وهمستله
بصدق
_مليش غير حمزة وحب حمزة..حمزة نور عيوني وهدى قلبي حمزة كل ما ليا...بس..بس مش عايزاك تخسرها
شدد على حضنه ليا أكتر وقال
_بعض الچروح محتاجة وقت عشان تداوى خاصة لو چرح من حد قريب لينا..سيبي كل حاجة وخليك ويايا
_عيوني ليك يا حبيبي
_إتوحشتك