سكريبت بقلم آية موسى

كأنها عارفه إني محتاجة أبقى لوحدي شويه..غمضت عيني وأنا بفتكر أول جيت فيها هنا مع عمي اللي وصلنا لهنا ومشى تاني بعد ۏفاة أهلي كنت عايشة عند عمي ولما الحمل زاد عليه قرر يبعتني عند بيت خالي كان عندي 17 سنة لما جيت هنا وحمزة كان عنده 25 سنة أول ما دخلت البيت عرفت من النظرة الأولى إن مرات خالي مش هتحبني أو مش بتحبني أصلا..صدق كلامي لما مر وقت ومعاملتها ليا قليلة بس وحشة.
وعرفت سبب معاملتها ليا أكتر لما حمزة قالها إنه عايز يتجوزني وهي رفضت كتير وقالتله إنها كانت ناوية تجوزه بنت خالته بس لما لاقيته مصر وافقت ڠصب عنها علشان ميسبهاش ويمشي وساعتها فكرت إنها هتعاملني كويس وإنها وافقت علشان سعادة ابنها مكنتش أعرف إنها وافقت بالڠصب.
قفلت الشباك لما المطر زاد وروحت قعدت على السرير وأنا بدعيله من جوايا إنه يكون بخير..بخير وبس نمت وأنا دموعي مصحباني وصحيت الصبح على صوت مرات خالي وهي بتقول للغفير
_شهل يا ولدي وادبح عجلين تلاتة لأجل إن العمدة قام بالسلامة
سمعت الخبر وحطيت ايدي على قلبي وحسيت براحة مصدرها هو طلعت بسرعة علشان أشوفه وأطمن عليه بس لقيت حماتي في وشي على السلم بصيتلي بصة سخرية واحتقار عمري ما هنساها وقالتلي
_على فين العزم إن شاء الله..!!
رديت بإرتباك
_طالعة..طالعة أطمن على حمزة
حطت ايديها في خصرها وقالت بشړ
_حمزة ولدي عيكون بخير لما تبعدي عنيه طول ما أنت قريبة منه بيكون حاله في النازل..كبدي عليك يا ولدي
_بس دا جوزي ومن حقي أطمن عليه
رفعت حاجبها وقالت بنفور
_شوف يأخي ټقتل القتيل وتمشي في جنازته.!
_أنا والله معملتش حاجة ليه الكل حاططني في موقع إتهام..دا أنا أموت لو صاب حمزة حاجة يبقى ازاي يا ناس أسمه..!!
_طب روحي اعمليله حاجة يأكلها
فرحت ونزلت جري أعمله حاجة يأكلها..وطالما هعمله أكل يبقى عندي أمل أشوفه بدأت أتحرك هنا وهناك لحد ما عملت الأكل ولسه طالعه من باب المطبخ بالصنية لقيت بثينة الشغالة التانية اللي في البيت بتقولي إن مرات خالي قالت حمزة عايز أكل تاني غير ده وبدأت أعمل فيه فعلا وتعبت بس مش مشكلة أهم حاجة أشوفه قدام عينيا وأطمن عليه وبعد ما عملت الأكل لقيت أخت حمزة جات هي وعيالها ودخلت المطبخ
_رهف إيه الحديت اللي أهل البلد بيقولوه ده..معقولة أنت يا رهف ټأذي حمزة بالطريقة دي.!
سبت اللي في ايدي والتفتت ليها وسألتها بحسرة
_حتى أنت يا فرح..معقولة تصدقي إني ممكن أضر حمزة ضرر زي ده..!!
قربت مني وحضنتني وكأني كنت مستنية إشارة فبكيت بكيت جامد أوي فرح طول عمرها صديقتي الوحيدة من ساعة ما جيت هنا طبطبت عليا وقالتلي بهدوء
_أني أدرى واحدة بقد إيه رهف بتعشق حمزة أخوي
خرجت من حضنها وأنا بقول بحزن
_تعبت يا