رواية ليته يعلم بقلم إيمان شلبي

إيمان
-يعني انا مش بحبك
-متكذبيش علي نفسك انتي لسه بتحبيني
-انت اللي متكذبش علي نفسك دي مجرد تهيؤات صورته نفسك الانانيه
رد بعصبيه
-انا مش أناني
-انت مفيش شخص أناني زيك
-اسمعيني وقرري بنفسك
-اسمع ايه
-اسمعي اسباب سفري اسمعي اسباب غيابي المفاجئ انا عملت كل ده عشانك انتي
رديت بسخريه
-عشاني
-ايوه عشانك
-لا كتر خيرك قد ايه انت انسان مضحي
-إيمان انا كان عندي کانسر وكنت بتعالج
عيوني لمعت بالدموع وانا برد بهمس
-ا انت بتقول ايه
-بقولك الحقيقه انا قررت اسافر عشانك
حطيت ايدي على بوقي وانا بحاول اكتم صوت عياطي
-ط ط طب ليه ل ليه مقولتليش ل ليه خبيت عليا وعلي مامتك وعلينا كلنا
-طب ممكن تيجي البيت ونتكلم
-ط طيب
-ارجوكي متعيطيش انا بقيت بخير
قفلت معاه وبصيت لنوح اللي كان بيبصلي بحزن وشفقه
-تحبي اوصلك
هزيت راسي وانا باخد شنطتي وبرد باستعجال
-لا شكرا ع عن اذنك
وصلت البيت في وقت قياسي كنت بجري في الشارع زي المجنونه حاولت الاقي اي مواصله لكن للاسف كانت الدنيا زحمه وكأنها بتعاندني للمره المليون ! كنت بخبط بهستريه علي باب الشقه بتاعته واول ما الباب اتفتح اندفعت بلهفه
-فين يوسف
ام يوسف باستغراب
-في اوضته في حاجه يابنتي
مردتش عليها انما جريت علي اوضته وفتحت الباب فجأه اتنفض من مكانه بفزع
-إيمان
قربت منه وانا بشده من هدومه بعصبيه ودموع
-ليه
-إيمان انا هفهمك
صړخت في وشه وانا بهزه بكل قوتي
-هتفهمني ايه هتفهمني أن كان عندك کانسر وانك خبيت علينا كلنا حتي انا اقرب حد ليك هتفهمني انك سافرت سنه بحالها تتعالج بطولك من غير وجود حد معاك هتفهمني انك شخص مثالي شخص كان خاېف علي أهله وحبيبته طبعا هتقولي يا إيمان انا كنت بحبك بس مقدرتش اقولك عشان خۏفت عليكي خۏفت اموت واسيبك لوحدك وجو الافلام الفكسان ده مش كده !
هز رأسه بحزن
-ده مش جو افلام ده حقيقه
-حقيقه !!
شال ايدي بهدوء وهو بيقعد علي طرف السرير وبيحط وشه بين ايديه
-ايوه يا إيمان حقيقه لما تبقي عارفه انها كلها ايام وټموتي لما تبقي عارفه انك هتودعي كل اللي بتحبيهم في اي لحظه هتعملي كده زي
قعدت علي ركبتي قدامه وانا ببصله پقهر
-هبعد! بدل ما اقرر اني اعيش معاهم اطول فتره ممكنه ابعد عنهم
حط أيده علي ايدي وهو بيبصلي وعيونه بتلمع بالدموع
-هتبعدي عشان متوجعهومش معاكي تخيلي كده لو كنت عرفت حد اني عندي کانسر كان ايه اللي هيحصل انتي مثلا ! انتي اكتر واحده كنتي هتتدمري حياتك كانت هتقف عقلك هيفضل شغال هتبني في الثانيه الواحده الف سيناريو كلهم اپشع من بعض كنتي هتقوليلي بحبك وانا اقولك اني بحبك اكتر من نفسي كنتي هتفضلي تفكري ياتري بعد ما مشاعرنا خرجت هتفضل مكمله للنهايه ولا المۏت هيفرقنا للابد ! انا بحبك يا إيمان عشان كده مكنتش عايزك تتوجعي وتعيشي في خوف وقلق طول الوقت بسببي علي الاقل لو كنت مۏت وانا في أمريكا كنتي اه هتزعلي عليا لكن هتفوقي بعدين لما تفتكري اني محبتكيش انا عمري ما كنت أناني ولا عمري كنت شخص مثالي سامحيني انا اسف
سكت مكنتش عارفه اقول ايه كنت مقهوره بشكل ميتوصفش كنت زعلانه أنه مر بكل ده لوحده ازاي قدر يستحمل يكون لوحده في اكتر وقت هو محتاج وجود الناس حواليه وخاصه احنا! هو مش اناني لكن برضو مش مثالي لانه مش من حقه يبقي لوحده مش من حقه يشيل الۏجع ده كله لوحده من غير ايد تسنده مش من حقه ېموت نفسه بالبطئ ..همس بحزن
-إيمان
رفعت راسي وانا ببصله من

غير كلام لكن نظرات عيني كانت كفيله تحكي كل حاجه
-انا اسف
اتنهدت ورديت بصوت مبحوح
-خفيت!
-بقيت احسن من الاول
-حمد لله علي سلامتك
-الله يسلمك
قومت وقفت وانا بمسح دموعي
-ع عن اذنك
مسك ايدي قبل ما امشي وبصلي بتوسل
-إيمان ارجوكي
-عايز ايه يا يوسف
-ارجوكي متزوديش عليا الۏجع كفايه اللي شوفته السنه دي
-انت اللي قررت تكون لوحدك
-قولتلك أسبابي وهي حبي ليكي وخۏفي عليكي ده ميشفعليش
حطيت وشي في الأرض وانا بعيط بصمت رفع وشي بأيده وبص في عيوني
-حقك عليا
-ماشي
رد بمرح
-لا ماشي ايه انا عايز اسمع كلمه بحبك دلوقتي
رديت بحزن
-مانت عارف اني
مسك ايدي بتوسل
-انك ايه قوليها نفسي اسمعها
-انت عارف اني بحبك
اتنهد براحه وهو بيبتسم
-آخيراااااا قولتيها
رفعت صوابعي في وشه بتحذير
-بس اقسم بالله لو شوفت رقم بنت عندك ليكون يومك اسود
رد بذهول
-الله!
-ايه مش عاجبك
-لا يباشا عاجبني طبعا يانهار خبر بقولك ايه تتجوزيني
-امممممم سيبني كده افكر بس تصدق الواد محمود طلع رومانسى عنك
رفع حاجبه بغيره
-محمود مين لا مؤاخذه
-لا ده زميلي في الشغل اتقدملي النهارده
-وحياه امك
-وحياه امي
مسكني من هدومي وهو بيخرج من الاوضه وكأنه قافش حرامي
-الله الله انت رايح فين يا جدع انت
-لا مفيش رايح اجيب المأذون واتجوزك اياكش نتلم في بيت واحد ونخلص
-لولولولولولي ودوني علي بيت حبيبي نعيش مع بعض فيه بمشاعري اللي مصدقها وبعيني وصوتي وخطي باتقدملك بإرادتي واطلب ايدك تبقيلي عكازي ونور قنديلي وشريك بالنص ف وقتي
تمت