رواية ليته يعلم بقلم إيمان شلبي

عياطي امبارح نمت من غير ما ا احس كانت اپشع نومه نمتها في حياتي لكن انا راضيه ومؤمنه بقضاء ربنا اكيد خير ليا مفيش حاجه في حياتنا بتحصل إلا بترتيب منه وبحكمه منه حتي لو مكانتش علي هوانا في وقتها لكن في النهايه هنفهم حكمته ونشكره أنه رحمنا من شيئ مكانش خير شيئ كان هيتعبنا العمر كله وياخد من روحنا وطاقتنا ومشاعرنا هو حب يختصر علينا الطريق من قبل ما نخطي فيه!
قومت لبست هدومي وجهزت نفسي عشان اروح الكليه خرجت من اوضتي كانت ماما لسه نايمه وبابا في الشغل واختي في المدرسه فتحت الباب ولسه هخرج رجلي خبطت في حاجه بصيت عليها لقيت بوكس كبير وملفوف بشكل يخطف القلب والعقل! نزلت اخدته من الارض باستغراب وذهول وانا بلفه يمين وشمال بحاول افهم ايه ده فتحته واول ما شوفت اللي جواه قلبي اتنفض بړعب وانا برميه علي الارض وپصرخ
- يامامي
الباب اللي في وشنا اتفتح وكل الجيران اتلمت حوليا بفزع
-ايه يابنتي فيه ايه
شاورت علي القطه اللي كانت علي الارض پخوف
-قطه قطه قطه
واحده من الجيران بسخريه
-كل ده عشان قطه هه عجايب
قرب مني وهو بيرفع حاجبه وبيشاورلي علي البوكس اللي كانت جواه
-ايه ده
بلعت ريقي بتوتر
-م معرفش ا انا فتحت الباب لقيته قدامي فتحته لقيت جواه القطه
في اللحظه دي الفون بتاعه رن طلعه من جيبه ورد وهو بيدخل البيت مره تانيه بصيت لآثره بحزن وبعدها بصيت للكل وانا بعتذرلهم عن اللي حصل ونزلت وانا في العربيه الفون رن وللاسف كان هو
-الو
-انتي فين
-نزلت الكليه
-امممم مقولتليش يعني
رديت بعصبيه
-وانا محتاجه اخد الآذن من حضرتك!
-انتي بتتكلمي كده ليه
-مفيش يا يوسف لو سمحت بعد اذنك انا مضطره اقفل عشان مشغوله
رد پحده
-قسما بالله لو قفلتي في وشي زي امبارح ليكون يوم مهبب
-انت عايز ايه يا يوسف
-عايز افهم مالك من امبارح
-مفيش انا كويسه ياسيدي ارتحت كده
-لا مرتحتش وأسلوبك ده انا هعدلهولك
-لا بقولك ايه انت ملكش حكم عليا من أساسه لا انت اخويا ولا خطيبي ولا جوزي انت مجرد جاري وبس فاهم
-لا حلو حلو اوي الكلام ده
رديت ببرود
-عارفه مش محتاج تقول
جز علي أسنانه بغيظ
-طب اقفلي
شيلت الفون من علي ودني وانا برطن بعصبيه
-قال مالك قال غبي مبيحسش
واحده قاعده جنبي بغيظ
-عندك حق والله ما في حد فيهم بيحس
بصيت لها ورديت بعصبيه
-بكرهه بكرهه هو والبنت اللي مرتبط بيها
شهقت پصدمه
-كمان بيخونك يابجاحته
هزيت راسي بحزن
-لا
-اومال ايه
-انا بحبه وهو بيحب واحده غيري يرضيكي
-بصراحه لا
بصيت يمين وشمال باستغراب
-انتي بتقلدي صوته ازاي
-بقلد صوت مين يابنتي
-صوته صوت البأف اللي بحبه
-كمان بأف
-الاه
-احم أعتقد أنك نسيتي تقفلي الفون يا انسه
قالها واحد من الركاب بأحراج برقت وبصيت في الفون وبكل أسف لقيته مفتوح والاسبيكر مفتوح بلعت ريقي وانا بلطم علي خدي
-ياسوادك ياقرمط غطيني وصوتي يامااااااا
رجعت من الكليه وانا بتلفت يمين وشمال بتوتر وخوف رفعت ايدي لفوق
-يارب ما يشوفني يارب انا غلبانه وعبيطه
-اكيد كنتي عارفه صح
بصيت علي باب الشقه اللي اتفتح واللي خرجت منه ام يوسف قربت منها باستغراب
-كنت عارفه ايه بالظبط
-كنتي عارفه ان يوسف مسافر ومقولتليش
يوسف سافر!
-للاسف
-امتي وازاي وليه مقالش لحد
ردت بذهول
-يعني انتي مكنتش عارفه
-والله العظيم لا ازاي يسافر
-للاسف السفر جه فجأه
-فجأه ازاي يعني ازاي فجأه ولازم في إجراءات تتعمل
ردت مامته بحزن
-كان مرتب كل حاجه ومقالش لحد
بصيتلها وسكت في الحقيقه مكانش في كلام يتقال هقول ايه وهلوم مين دخلت بيتنا من غير ما انطق حرف زياده وقفلت الباب وانا بجري علي اوضتي قربت من السرير