سكريبت نحن والقمر جيران بقلم ريم خالد

بياع بليله ..!
بصتله وأنا بسأله بهدوء _ بجد عرفت ازاي ..!
رد بهدوء وهو بيبص في عيني _ بحثت عنك بغرض أني أعرف مين هتبقي ساكنه قدامنا وماما هتتعامل معاها وأتفجأت انك مش متجوزه فضلت وراكي لحد ما فهمت أنك أتفقتي مع البواب عشان أصحاب العماره ميزهقوكيش بتركيزهم الزياده مع خطواتك بالذات أنهم مش بيقبلوا أن حد أعزب يسكن لوحده وأنا احترمت رغبتك وأتعاملت معاكي ولا كأني أعرف حاجه ..
رديت بسخريه_ دا أي البحث المكثف دا ماشاء الله ..!
ضحك وهو بيقولي _ لازم عشان كنت أعرف أثق فيكي وأعرف أمان أنك تدخلي بيتي ولا لأ ..!
كنت ببصله بضيق وهو بيبصلي بأبتسامه هاديه لحد ما طنط ثريا سألتني بأستغراب ..
_ طب وأنتي ليه توقفي حالك كدا ..!
أخدت نفس عميق وأنا بقولها_ كدا كان أحسن ليا وكان أسهل حل رغم صعوبته برده انا أتعرضت لمضايقات كتير بسبب الموضوع وآني بنت وعايشه لوحدي والاسطوانه دي وكنت كل شويه أغير مكان سكن ليا لحد ما لقيت الحل دا عشان أريح دماغي وأستقر في مكان بدل البهدله دي ..!
طبطبت علي كتفي وهو بتقولي ..
_ حتي أنا خۏفتي مني ..!
_مش حكايه خۏفت يعني هكون مفهمه العماره كلها أني متجوزه وأقول لحضرتك أني مش متجوزه وبعدين حضرتك برده كنتي معاكي أبنك ..
بصتلي بخبث وبصت لعمر اللي بيبصلي بأهتمام ..
_ ما هو عشان معايا أبني كنت همشي حالك ..
_ هو كدا كدا هيمشي يا أمي متقلقيش ..
بصتله بأستفزاز وأنا بقوله ..
_ بتحلم ولا أي ..!
بصلي ورفع حاجبه وهو بيقولي بلؤم ..
_بحلم أه وأنا متعودتش أسيب حلم محققوش ..!
ضحكت طنط وهي بټضرب كفها في كفه وهو بيغمزلها بعدت نظري عنهم وأنا بتريق عليه ..
_ سكر اوي ..
ضحك عمر بسخريه وهو بيقولي بمشاكسه..
_ ولسه لما تعرفيني أكتر ..
هزيت رأسي بيأس منه قرب وشه مني وهو بيقولي ..
_ الدبلة اللي في أيدك دي تتشال ..!
بصيتله بأندهاش مصتنع وأنا بقوله ..
_ عايزني أخلع دبله جوزي ..!
بصلي بش ر وغمض عينيه جامد أبتسمت بجنب بأستفزاز وأنا بقوله بهدوء ..
_ وبعدين أنا لازم أروح عشان جوزي حالف عليا متأخرش برا ..
_ ريم أظبطي الكلام.
رفع حاجبه وهو بيبصلي بغيظ وأنفعال سندت علي الترابيزة وأنا بقوله ..
_ ما أنا ظبطاه هو أنت شايف غير كدا ..!
سندت قدامي وهو بيبص في عيني ..
_ أنا مش شايف غيرك هنا ..!
بعدت وأتوترت وأنا ببص لطنط بكسوف..
_ بتبصيلي كدا ليه ما أنا كيس جوافه قاعد من ساعتها ..
ضحكت وأنا ببص في الأرض ضحك عمر وهو بيقولها ..
_هو في كيس جوافه مسكر كدا ..!
ردت بضحك وهي بتضربه في كتفه..
_ بس يا واد يا بكاش أنت ..
مسك أيديها باسه وهو بيبصلها بحنيه كنت ببصلهم بفرحة أني قابلتهم من تاني وسندت خدي علي أيدي وأنا متابعه هزارهم مع بعض جت عينه في عيني كان بيبصلي بنظره حب بتلمع في عينيه بعدت نظري عنه وأنا بفرك في أيدي بكسوف ..
تاني يوم كنت قاعده في شقتي بعمل التريكوه بتاعي وأغنيني المفضلة لعبد الحليم شغاله من راديو صغير جنبي سمعت خبط علي الباب سيبت اللي في أيدي بأستغراب وأنا بفتح بترقب لقيت طنط ثريا واقفه قصادي وهي لابسه شال الصوف اللي أنا عملاه وبتقولي بأستغراب مصتنع ..
_ أنتي مين ..!
ضحكت وأنا بربع أيدي وبقولها بضحك ..
_حضرتك اللي مين ..!
_ أنا جايه لخطيبة أبني أنتي مين ..!
بصتلها پصدمه
كنت لسه هرد فتح عمر الباب اللي قصادي وقرب مننا وهو شايل بوكيه ورد وبيقولي ..
_ يا أمي مش كدا معلش أمي عشريه زياده ..
ضحكت وأنا ببصلهم الأتنين لحد ما قالت طنط ..
_ هتسيبينا نتكلم علي الباب كدا ..!
أنتبهت لوقفتهم ووسعت طريق وأنا بدخلهم ميل عمر عليا وهو بيقولي بخبث..
_انا المره دي داخل بأدبي أهو ومحدش ورايا..
سألت بضحك_ عايز أي يا عمر ..!
رفع أكتافه وهو بيقولي بغمزه..
_ جاي أوقف حالك ..
ضحكت وأنا بضړب كف علي كف قرب عليا وهو بيقولي .
_ أنتي عارفه فيروز قالت أي ..!
أبتسمت وأنا بقوله بسرحان _قالت أي .!
رد بحب _ نحن والقمر جيران وهي والله ما كدبت..
ضحكت بكسوف وكنا بنبص في عيون بعض وأبتسامه مرسومه علي وشوشنا وصوت فيروز بيظهر واحده واحده وهي بتغني ..
نحن والقمر جيران ..بيته خلف تلالنا
بيطلع من قبالنا... يسمع الألحان ..
.. نحن والقمر جيران ..
ريم_خالد