سكريبت نحن والقمر جيران بقلم ريم خالد

وشه باين عليه التعب وقالي بأسف
_ آسف أني خرجت بس محتاج أشرب وماما نايمه تعبانه..
هزيت رأسي بلهفه وجريت شديت كرسي من بتوع المطبخ قعدته عليه وجبتله مايه ..
_ أنت حاسس بأيه دلوقت ..!
_ أنا متجاهل أي حاجه دلوقتي في سبيل أني أخلص الموضوع دا ..
هزيت رأسي بهدوء ومتكلمتش رفع عينيه ليا وهو بيقولي ..
_ أقتحمنا هدوء حياتك وقلبناها معلش ..
ضحكت وأنا بقوله_ شويه أكشن ينعكش الهدوء دا مش هيحصل حاجه ..
ضحك علي كلامي بهدوء وهو مستمر في تركيزه عليا أتوترت منه وأستأذنت منه وأنا بدخل أوضتي بسرعه وأبتسامه غريبه أترسمت علي وشي وأنا بحط أيدي علي وشي بكسوف..
تاني يوم صحيت عديت علي الأوضه اللي هما فيها خبطت وأستنيت رد مكنش فيه اي رد فتحت الباب بسرعه لقيت الأوضة فاضيه ومحدش فيهم موجود والأوضه متظبطه كأن محدش كان فيها أول ما قربت علي السرير لقيت ورقه غريبه قربت مسكتها وأنا بقرأها بلهفه ..
_ شكرا علي أستحمالك لينا اليومين دول وأسفين لو عملنالك أي مشكلة بدون قصد والدتي هتفتقدك جدا لأنها بالفعل أعتبرتك بنتها والحقيقي أن مش أمي بس اللي هتفتقدك أسف ليكي مره تانيه علي أي لحظه خوف عشتيها ومتنسيش تلبسي دبلتك عشان محدش يضايقك علي ما نتقابل تاني ... عمر
أتصدمت من آخر جمله وبصيت علي أيدي مكنش فيها الدبله فعلا بقالي يومين ملبستهاش حطيت أيدي علي قلبي وأنا بطلع للصاله بصيت حواليا وحسيت بالغربه من جديد بصيت علي الشال الصوف اللي طنط كانت ماسكاه وعاجبها أبتسمت بحزن وأنا بقول بتنهيده ..
_ طب ليه كدا .!
دخلت الأوضه اللي كانوا فيها من تاني أول ما دخلت شميت ريحته غمضت عيني بأستمتاع بيها وقربت مسكت الرساله من تاني اللي كانت مكتوبه بخط أيده واللي بينلي أنه أكتشف سري فيها أتنهدت بضيق وأنا بفرد ضهري علي السرير مكانه بحزن ..
عدي شهر وشويه مكنتش أعرف عنهم حاجه وبدأت أندمج مع وحدتي من جديد كنت قاعده بشتغل أكتر حاجه بتعدي معايا الوقت التريكوه بتاعي حسيت بتلفوني وهو بيرن برقم غريب مسكت وفضلت باصه للرقم لحد ما فصل كنت لسه هسيب التلفون رن تاني سيبت اللي في أيدي ورديت بهدوء ..
_ ريم ..!
_ أيوه مين معايا ..!
_ أنا شوفت شغل ليكي علي النت وعجبني جدا وحابه أطلبك منك شويه حاجات ممكن ..!
أتعدلت في قعدتي بفرحه وأنا بقولها ..
_طبعا اتفضلي ..!
طلبت شال صوف وكوفيه شبابي عشان الشتاء علي وصول أتفقت معاها علي المعاد وقفلت وأنا مبسوطه وآخيرا أوردر جديد ليا بعد مده بدأت أعملهم بحب وفرحه عدي أسبوع وكنت خلصتهم رنيت عليها وأنا متوتره ..
_ الحاجه جهزت حضرتك تحبي تستلميها أمتي ..!
_ دلوقتي لو تحبي ..!
أبتسمت وأنا بقولها_ أحب جدا ..
أتفقنا أننا نتقابل في كافيه عشان تأخدهم وهي بتعبر عن فرحتها أني خلصتهم بسرعه كدا قفلت معاها
وأنا بتنطط في مكاني من الفرحه دخلت غيرت هدومي بسرعه أخدت الحاجه ونزلت أول ما نزلت حسيت بلسعه برد مسكت الشال بتاعي لفيته عليا وأنا ماشيه..
وصلت الكافيه وفضلت قاعده مستنياها ومتحمسه أشوف رأيها فيهم سندت علي الترابيزة ومسكت تلفوني لحد ما حسيت بحد بيقعد قصادي رفعت عيني بأبتسامه وفجأه برقت بخضه وأنا ببصلهم..
_ مش شكل أسقبال بعد غيبه دا ..!
كان صوت عمر وهو بيقعد كنت ببصلهم بخضه أني شوفتهم تاني قومت وقفت وأنا بشيل الشنطه اللي حاطه فيها الحاجه مسك عمر أيدي