سكريبت نحن والقمر جيران بقلم ريم خالد

قالتلي .
_ عمر بقا جابني هنا بسبب شغله كان صعب عليا أسيبه لوحده وبالذات أني مليش غيره سيبت كل حاجه ورايا وبقيت معاه مكان ما يروح..
_ بس أكيد كان صعب عليكي تسيبي أهلك وناسك وتيجي في مكان متعرفيش حد فيه ..
_ عمر هو أهلي وناسي مليش أهل وناس غيره دا أنا عايشه عشانه ومكان ما هيروح أنا معاه هو يشبع مني وأنا أشبع منه لحد ما ربنا يسترد أمانته ..
طبطبت عليها وأنا بقولها بهدوء .
_ ربنا يبارك في عمرك وتفرحي بأحفادك كمان ..
طبطبت علي أيدي وهي بتبتسم وفضلنا مع بعض لحد ما عمر وصل وخبط علي شقتي فتحت الباب وسمعتهم وهو بيهزر معاها وهي بتضحك بفرحه وأشتياق أنها شافته وكأنه كان غايب بقاله سنين ..
_ تصبحي علي خير يا ريم ..
_ وأنتي من أهله يا طنط ..
بصلي عمر وهز رأسه بتحيه وأنا أبتسمت بهدوء وأنا مركزه معاه ومع غمزاته اللي ظاهره من أبتسامته بعد ما دخلوا قفلت الباب بالمفتاح وبصيت علي الدبله اللي في أيدي وأنا بخلعها وبحطها في جيبي وببص قدامي بسرحان..
عدي أسبوع علي وجودهم قصادي كنت طول النهار مع طنط ثريا بنفطر مع بعض وبنقعد نحكي علي ما عمر يجي بقت جزء أساسي من يومي وملت الفراغ اللي كان مالي حياتي وحسيت في وجودها بوجود أمي كنت قاعده في شقتهم شغاله بالتريكوه بتاعي وطنط في المطبخ خبط الباب خبطتين وبعدها أتفتح وظهر عمر وهو وشه تعبان وقفت بخضه وأنا بقوله ..
_ عمر مالك .!
سيبت اللي في أيدي وأنا بقرب منه بقلق وهو بيبصلي بتعب علي طلعت مامته من المطبخ وهي بتجري عليه ..
_ مالك يا عمر ..!
_ ح ادثه بسيطه يا أمي متقلقيش.
_ مقلقش أي بسم الله عليك يابني ..
سند عليها وهو بتأخده لأوضته وبتحاول تفهم منه اللي حصل وانا متبعاهم بعيني جات عينه في عيني كنت عايزه أقرب بس أتراجعت علي آخر لحظة بدأت ألم حاجاتي عشان ميحصلهمش أحراج من وجودي شميت ريحه حاجه بتتح رق جريت علي المطبخ وطلعت الكيكه من الفرن اللي كان تقريبا قلبت فحم علي دخلتها وهي بتحط أيديها علي دماغها ..
_ لا إله إلا الله دماغي مبقتش فيا ..
رديت بمهاوده_معلش حصل خير مش مهم ..
قربت بصت عليها وهي بتقولي بحزن ..
_ كانت حلوه والله ومكلفاها جامد لا إله إلا الله..
شدت كرسي من بتوع المطبخ وقعدت عليه وهي بټعيط ..
_ أهدي بس بټعيطي ليه محصلش حاجه في داهيه أهم حاجه أنتي وأن مفيش حاجه حصلت في البيت ..
رفعت عينيها ليا طبطبت عليها وأنا بقولها ..
_ طمينيني بس علي عمر عامل اي ..
ردت بتوتر _ تعبان الحاډثه كانت جامده باين ..
_ ألف سلامه عليه ربنا يطمنك..
كنت عماله بظبطلها المطبخ من البهدله اللي حصلت فيه وهي بتحاول تبعدني بس كنت حاسه برعشه جسمها وأنها مش قادره تتحكم في أعصابها ..
_ والله ما أنتي عامله حاجه ..
_ متحلفيش عليا خلاص أنا خلصت ..
بعد شويه استأذنت مني تقوم تصلي ثواني وكنت خلصت ولسه هطلع من المطبخ علي دخلت عمر خبطنا في بعض رجع لورا وهو پيتألم..
_ أنا أسفه .. أنت كويس ..
غمض
عيونه بۏجع وهو بيقولي ..
_ كويس متقلقيش..
بصيت عليه كان لابس بنطلون بيتي ولافف بطنه بحاجه كأن فيها چرح ومش لابس تيشيرت عليها بعدت نظري عنه بسرعه ..
_ هو دا چرح ..
أتوتر وهو بيرد عليا_ حاجه بسيطه