سكريبت نحن والقمر جيران بقلم ريم خالد

_ضيعت عليه العمر يابويا دا أنا ليا معاه حكايات أه والله حكايات ..
قولتلها وأنا بمسك التريكوه بتاعي عشان أكمله وصوت عبد الحليم شغاله ورايا وأنا بردد وراه من لحظه للتانيه بأندماج لحد ما الباب خبط سيبت اللي في أيدي وقومت فتحت بترقب بما أني عايشه لوحدي أول ما فتحت ظهرت قدامي ست كبيره بتأخد نفسها بالعافية ..
_ أنتي مين ..!
بصيتلها بعدم فهم لثواني ورديت بهدوء .
_ حضرتك اللي مين ..!
بدأت تبص حواليها ورجعت بصتلي تاني وهي بتقولي .
_أبني مأجر الشقه دي .!
بصتلها بأستغراب كنت لسه هرد عليها أتفتح باب الشقة اللي قدامي وظهر من وراه شاب وأبتسم أول ما شافنا ..
_ تعالي يا أمي هنا ..
بصتلي وضحكت بأحراج وهي بتقولي ..
_ لامواخذه يابنتي .
.أبتسمت بهدوء وأنا بقولها .
_ ولا يهمك مفيش حاجه انتوا السكان الجداد هنا ..!
قرب الشاب مننا بخطوات هادئه وهو بيقولي .
_ أيوه لسه جايين ..
طبطبت مامته علي كتفه وهي بتقولي ..
_ عمر أبني صحفي في جريده هنا ..
_ أتشرفت بمعرفتكوا ..
أبتسمت الست بحنيه وهي بتسألني ..
_ أسمك أي بقا ..
_ أنا ريم ..
سألت بترقب_ وعايشه لوحدك يا ريم ..!
كح أبنها بأحراج وهو بيقولها ..
_ أمي مينفعش كدا ..! معلش أمي عشريه زياده ..
بصتلي بأحراج أبتسمت بهدوء وأنا بقولها ..
_لا أنا متزوجه هنا بس هو مسافر برا ..
بصولي بتفهم وسندها عمر عشان يروح شقتهم بعد ما أتعرفنا والست بينتلي فرحتها بوجودي معاها في نفس الدور قفلت الباب وأنا بسند عليه بتوتر ..
بعد كام يوم صحيت علي خبط هادي علي الباب فتحت الباب بالعافيه وقع نظري عليها وهي واقفه قدامي شايله صنيه عليها فطار ..
_ أنا بايني صحيتك من النوم ..!
بصيت في الساعه اللي متعلقه كان وقت صحياني عدي هزيت رأسي وأنا بقولها ..
_ لا انا كنت زماني صاحيه من بدري بس أمبارح شغل التريكوه بتاعي خد وقت أتفضلي تعالي ..
وسعتلها الباب دخلت وهي بتسمي الله قعدت علي الكنبه وهي بتقولي بأحراج .
_ عمر نزل من بدري عشان شغله وانا معرفتش أفطر لوحدي لقيت رجلي جيباني وجيالك معلش أعذريني ..
قعدت جنبها وأنا بطبطب علي رجليها ..
_ أنتي تيجي في أي وقت آخيرا لقيتلي ونس في العماره ..
أبتسمتلي بهدوء قمت غسلت وشي وعلقت علي الشاي وطلعتلها كانت قاعده ماسكه الشال الصوف اللي أنا عملاه وبتبص عليه بحب ..
_ أي رأيك في شغلي ..!
أنتبهتلي وهي بتقولي بأعجاب ..
_ ماشاءالله ذوقك جميل ..
قعدت جنبها وأنا بقولها ..
_ أتعلمتها من ماما كانت بتحب تعمل الحاجات الصوف دي وحببتني فيها وبقت شغلانه ليا في نفس الوقت ..
حطيته جنبها وهي بتعبر عن أعجابها بيه ..
_ جميل بصراحه أنا كمان بحب الحاجات دي بس مليش صبر أعملها ..
أبتسمتلها وبدأنا نفطر مع بعض وكل واحده فينا بتحكي شويه عن حياتها وبنتعرف علي بعض كانت شخصيتها مريحه وتلقائيه تشبه أمهاتنا كلنا بعد الفطار حطيت الشاي قدامنا وأنا بقولها ..
_وبس من فتره كدا أتجوزت هو سافر برا عشان شغله وبنتكلم في التلفون كل يوم نطمن علي بعض ..!
ردت بهدوء_ الغربه صعبه عليكي وعليه أنا عارفه بس خليكي في ضهره الدنيا دي عايزه كدا منك شويه ومنه شويه علي مع تعملوا حاجه للزمن أنتي شايفه الحياه صعبه وعايزه الزق عشان
تمشي .
أبتسمت بتوتر وأنا بقولها ..
_ إنشاء الله ربنا يعدي الفتره دي علي خير ..
ناولتها كوباية الشاي بعد فتره من السكوت