اسكريبت حب الصدفة بقلم شروق حسام

روحني لأمي زمانها عاملة محشي ورق عنب وكرنب وكل الأصناف "
شيماء بثرثرة " مش عايزة اتمرمط انا واتجوز وتيجي تقولي راحة فين وجاية منين لابسة ده ليه اقلعي ده طب البسي ده كلي ده متاكليش ده اغسلي لي رجلي ادعكي لي رأسي روحي امسحي السلم طب روحي امسحي القبو وانا عارفة القبو ده فيه ايه فيه فيران وصراصير وعناكب وهترميني هناك وهتعذبني زي روايات أنا عارفة ظاااالم قتال قتلة ومفتري روووحني لاااامي "
" انا مش حمل الشرير بتاع الروايات انا عايزة اروح وأفضل مستنية شروق تنزل باقي رواية ميراث الشيطان احسن حساها مكسلة تنزل عايزة اعرف اللي هيحصل في الرواية تيجو انا بحبه اوي هو و الثلاثي المرح شذا وصبا وسهي ههههه وكمان هفضل مستنية باقي الكاتبات اللي بتابعهم ينزلوا "
" يلا بقي يا عم اخلص عايزة اروح هو انت ساكت ليه "
" اه هتلاقيك عمال تفكر في طريقة تعذبني فيها ما انا فاهمة وعارفة حوارات الروايات دي قول قول متتكسفش "
آسر بشړ " قصدك بفكر في طريقة اخرسك بيها ايه رايك اخيط لك بؤك "
شيماء بصت له پذعر وحطت ايدها علي بؤها پخوف " تف من بؤك انا هسكت لوحدي بس الا الطريقة دي بتفكرني بالشرير اللي كان في جودا أكبر "
" يبقي اخرسي بقي واسمعي انا عايز منك ايه يا حلوة "
شيماء بإبتسامة بلهاء " سمعتك يا كبير قول كل اللي عندك وانا هعمل اللي انت عايزه "
كملت بهمس " اهم حاجة اروح انا تعبت عايزة اترمي علي السرير واحلم بأمير أحلامي ياااااا علي الراحة ساعتها"
شيماء فاقت من شرودها بخضة علي صوت طرقعة صوابع آسر " حد يخض حد كده بردوه "
" سيبك من احلامك البمبي دلوقتي وركزي في كل كلمة هقولها لأنك مش هتروحي غير لما تنفذي كل كلمة هقولها فاهمة "
شيماء بتنهيدة " فاهمة اشجيني وارغي بسرعة عايزة اروح "
آسر بص لها بقرف من طريقتها وبدأ يحكي لها كل اللي هو عايزه
حب الصدفة
شروق حسام
الجزء الثالث بقلم شروق حسام
" كنتي فين كل ده يا صايعة "
شيماء بمرح " هلوووز بالموز يا ست الكل "
" ردي عليا كنتي فين "
" توهت ومعرفتش اروح وناس اتبنوني واهو بعد 25 سنة غياب رجعت لك رجعت عشان اشوفك "
نادية برفعة حاجب وتمثيل " ولا اعرفك اصلا معنديش بنات يلا برا وسيبيني في حالي "
" اوتش وجعتيني بس انا مكنتش متخيل انك تسيبيني يا فريدة اععع "
نادية بضحكة عالية " هههههه فريدة مين يا هبلة "
شيماء بمرح " ده تريند طالع جديد علي التيك توك "
" اه قصدك التطبيق اللي دايما بتتفرجي عليه ولحس عقلك "
" ههههه الله ينور عليكي "
كملت بتعب " أنا داخلة انا سلامات يا حب تصبحي علي جنة "
" وانتي من اهل الجنة "
شيماء بهمس " تمت المهمة بنجاح لقد نجوت كنت هتشلوح ربنا عداها علي خير "
نادية بصت لها بحنان وكانت نسيت هي هتقولها ايه وبعدين افتكرت بسرعة
نادية بصوت عالي " استني يا بت لسه مقولتليش وكمان احنا العصر حد ينام دلوقتي "
نادية ملقتش إجابة وراحت ناحية اوضة شيماء لقيتها راحت في نوم عميق وباين عليها التعب فمردتش تقلقها وسابتها ومشيت
بعد كام يوم
في فيلا في حي راقي
" انتي مين وعايزة ايه "
" محسوبتك شيماء الخدامة الجديدة للبيه "
الحارس بجدية " تمام طلعي بطاقتك عشان اتأكد "
شيماء