اسكريبت حب الصدفة بقلم شروق حسام

اسكريبت بقلم شروق حسام
" بحبك "
" وانا مش بحبك ولا عمري هحبك انتي اختي الصغيرة ومينفعش احب اختي "
" بس انا بحبك يا آسر ومستحيل اسيبك لوحدة غيري "
آسر بعصبية " افهمي بقي افهمي انا مستحيل احبك انتي اختي يا ملاك اختي "
شيماء پغضب وهي بتقفل الرواية " دي آخره اللي يقرأ روايات زي كده اديه هيقولها مش بحبك وبعدين لما يشوفها مع واحد غيره هيرجع يبوس ايديها وهي زي الهبلة عديمة الكرامة هترجعله "
" انا همشي من المكتبة دي احسن ما اټجنن اكتر من كده "
شيماء فضلت تكلم نفسها وهي بتعدي الطريق
" روايات القاسې وفهد الفهود اسد الأسود بجد الروايات دي عايزة ابطل اقراها انا لولا مستنية الكاتبة اللي بتابعها تنزل رواية جديدة بالفصحى مكنتش قرأت القرف ده استغفر الله العظيم "
شيماء بصت للعربية اللي كانت قربت منها بحدة ورفعت ايدها بمعني استني اعدي
" السيدات اولا يا جماعة ايه ده "
" انا اصلا مش طايقة حد بس اطيق نفسي عادي "
شيماء بإستغراب " هو انا ليه حاسة ان الكل بيبص لي "
بصت حواليها لقت الكل بيبص لها بحزن
" لا حول ولا قوة الا بالله البت اټجننت وبتكلم نفسها "
" يلا منك ليه ده انتم المجانين مش انا اقول ايه بس ما احنا في مصر وكل حاجة هنا ممكنة مش مستحيلة "
خلصت كلامها وسابتهم ومشيت وهي بتكلم نفسها وهي حاسة پغضب من كل حاجة حواليها
" اوووف بقي ما تحاسب يا جدع هو يوم باين من أوله "
" انتي اللي بصي قدامك يا عامية "
شيماء برفعة حاجب " انت يا اسمك ايه انت هتقلب علي رواية فهد الفهد اسد الأسود نمر النمور بص انا مش ناقصة شغل البطل القاسې المغرور اللي مفيش منه اتنين وعنده اكبر شركة في الشرق الأوسط"
" انتي عرفتي ازاي "
شيماء بإستغراب " مش فاهمة قصدك عرفتي ايه في ايه "
" ان عندي شركة من أكبر الشركات في الشرق الأوسط "
" اووووبا صلاة النبي أحسن وانت اسمك ايه بقي إياك يطلع اللي في بالي "
آسر بغرور " آسر العثماني "
شيماء ببلاهة " هو انت طلعت من الرواية ولا ايه ده انا لسه قرأه رواية والبطل كان اسمه كده انت بقي شغال في الماڤيا ولا في الشرطة ولا في المخابرات "
آسر پصدمة " انتي عرفتي عني كل المعلومات دي منين انتي شكلك جاسوسة "
" يا عم جاسوسة ايه هو ده شكل جاسوسة "
آسر أداها حقنة منومة من غير ما تحس فوقعت بين ايده مغمي عليها وكل ده ومحدش في الشارع لاحظ حاجة
حب الصدفة
شروق حسام
الجزء الثاني بقلم شروق حسام
" اه يا دماغي اه الصداع مش سايبني في حالي "
شيماء بصت حواليها لقت آسر واقف في زاوية بعيد مش مرئية اوي
شيماء بسخرية " واقف ليه هناك يا شبح لتكون دراكولا وانا معرفش وبتحب تقف في الظلمة "
آسر بص بها بقرف وقال ببرود " عرفتي كل المعلومات عني دي منين "
شيماء بضحكة عالية " يااااا يعني انت خاطفني عشان كده انت ذكائك محدود اوي يا با "
آسر بص لها پغضب وحدة وهي كملت بضحكة أعلي " كله شغل روايات يا عم الحج "
شيماء بضيق وهي بتعقد حواجبها " انا عارفة في الآخر هنحب بعض ونتجوز "
كملت پذعر " يا خرااابي هو اللي كنت بقراه هيحصل فيا ولا ايه لااا يا عم