هويته (6

رغمآ عنه فقد كان لا ينوى بها خيرآ وأقصى طموحاته معها أن يجعلها تحبه ثم يكشف لها عن حقيقته ويتركها ټصارع المۏت بعشقه الذي سيقتلها وحدها ولكن إنقلب السحر على الساحر.
كارم ممكن تهدى وتفهمينى حصل إيه
ظلت نيللي تشرح له وتحكى ماحدث.
نيللي أنا مش قادرة أفهم إيه السبب فى اللى عمله ده هل هو شخص ضميره سيئ ومابيظنش بالناس خير ولا مر بتجارب مع سكرتيرات تانيه إنهم كانوا بيتصرفوا تصرفات وحشه مع الرجاله فى الشركه بس كان لازم يفهم إنى مش زيهم.
كارم مش يمكن يكوووون.
نيللي يمكن يكون إيه
كارم يمكن يكون بيحبك.
نيللي بعدم تصديق ودهشه من إقتراحه إيه! لا لا طبعآ إزاى يعنى
كارم عادى بتحصل.
نيللي هو طريقته كانت غريبه معايا من البدايه وكتير شكيت إنه.......
كارم إنه إيه
نيللي شبهك.
صدم كارم مما قالته فهى قالت له أكثر من مرة أنها تشعر بأنها رأته من قبل ولكن لم يكن ليعتقد أنها ستجمع بينهم فى ذلك.
كارم بتوتر بجد! شبهي!
نيللي مش بالظبط بس صوتك يشبه لصوته كتير وعينيه وبعض الملامح.
كارم ومش شبهه فى الفلوس والأملاك ليه مش عارف أنا طول عمرى فقرى.
نيللي هههههههه إيه يانبيل ده حسد
كارم لا ده حقد بس.
نيللي إن شاء الله تبقى أحسن منه كمان.
كارم هو لو إتقدملك إتنين واحد فى ظروفه وواحد فى ظروفى هتختارى مين الغنى
نيللي مابتتحسبش كده خالص.
كارم أمال إزاى
نيللي الأخلاق الشخصيه الدين الحب.
كارم طب كل ده وفهمناه بس الحب يعنى إيه
نيللي يعنى مين قلبى دقله فيهم.
كارم طب لو الفقير مش حلو ممكن قلبك يدقله
نيللي طبعا ممكن لإن عنده أخلاق وشخصيه ودين مش عند الغنى مثلآ ولو تاخد بالك إنى ماقولتش لا شكل ولا فلوس لإنهم فعلآ مايهمونيش.
إبتسم كارم وهو يقول أمال ليه ماحبتنيش مثلآ
نيللي عشان ببساطه معرفكش كويس بس أعرف عنك إنك محترم وجدع وبتشتغل شغله شريفه عشان تدبر أمورك أما الدين فانت بصراحه نيله.
كارم الله يكرمك.
نيللي متزعلش منى يانبيل أنا بكلمك بصراحه وبرضو هرجع واقولك إن حياتى مفيهاش الإستقرار اللي يدى قلبى فرصه إنه يحب.
كارم ليه بس يا أستاذة مانتى حياتك زى الفل أهو.
إبتسمت پألم وأجابته ده اللى بيبان قدام الناس عننا كلنا بنبان زى الفل وحياتنا حلوة مفيهاش مشاكل وسعداء ومحدش زينا بس اللى جوانا وبنعيشه حاجه تانيه خالص حاجه مليانه ۏجع وعذاب.
كارم طب إفتحيلى قلبك زى مافتحتيه وحكيتى عن اللي حصل فى الشغل النهاردة.
نيللي مش كل اللى بنحسه ينفع يتحكى أو يتوصف أنا أغلب اللى واجعنى وتاعبنى مش فهماه ولا عارفه سببه إيه حاسه إنى بمر بأزمه وبحاول أتجاهلها بس محتاجه إيد تطبطب عليا أتمنى تستحمل تخبطاتى وإنى فجأة أكلمك وفجأة أبعد أنا نفسي مش فاهمه بعمل كده ليه وأتمنى كمان متاخدش عنى فكرة وحشه و....
قاطعها كارم متكمليش الفكرة عنك فى أجمل صورة ليها لإنك أجمل حد شافته عينيا الفكرة الحلوة والمكانه الحلوة ماتليقش إلا بيكى خلينى فى حياتك ومتبعديش تانى لإنى مابقتش هقدر أعيش غير وانتى موجودة وبسمع صوتك وبقرب منك.
نيللي كلامك على قد ماهو حلو ودخل قلبى على قد ماهو مايطمنش للمراحل الجايه بس أنا مش هديك وعد بحاجه لإنى زى ماقولتلك مشاعرى ومزاجى متقلبيين يوم تلاقينى بكلمك ويوم مش هقدر أعمل كده وعليك إنك تتفهم ده يانبيل.
كان قلبه سعيدآ يتراقص لأنه أباح لها بجزء صغير جدآ من مشاعره ولكن عندما نادته بإسم نبيل أفاق مصدومآ أنا كل ماقاله لها وكل ما ردت عليه هى كان للسائق نبيل وليس كارم العاشق الذي يتمنى لو يحبه قلبها ويثق به كما يثق بنبيل عاد لحزنه وأمنيته أن يستطيع التحدث معها بهويته الحقيقيه ليستقر نبض قلبه بدقات الحب الهادئه.
فأنا عاشق لا أرغب سوى بقلبك ليشعر بي.
أنا ضائع فى بحور هواكى لا أحلم سوى بإسمى وهو يخرج من بين شفتاكى معلنآ عن حداثة مولدى.
فكل مامضى كان هراء ولعبآ من دونك يامن ملكت الفؤاد وعذبته.
وصل إلى المنزل فوجدها تجلس پغضب يطل من عينيها كعادتها التى لا تفارقها.
دخل وهو يتأفف من حالها الذي لا تمله.
حاول أن يدخل غرفته دون أن يتحدث معها فيضطر إلى الدخول فى نقاشات متلاحقه ستنتهى بصداعه وحړق أعصابه فى اللا شئ.
ولكنها أوقفته بصوتها الغاضب سااااامى إنت مش شايفنى قاعدة!!
أدار وجهه لينظر لها بملل قائلآ شوفتك خير
دينا ياسلام!! هو إيه اللى خييير.
سامى بإنفعال وصوت حاد هو أنا كل مابقى راجع من شغلى تعبان وهلكان هتقابلينى على الباب وتعملى مشاكل!
دينا فين المشاكل دى اللى أنا عملتها
جذبها من يدها بعصبيه ووقف بها أمام المرآه بصي كده ده وش هادى وفيه ريحة السعادة تقابلى بيه جوزك! طب ده منظر واحده عايزة جوزها يحبها ومايشوفش غيرها.
ثم سحب يده منها بشده وهو يستطرد ياشيخه قرفتينى وكرهتينى فى عيشتى.
ثم تركها ودخل إلى غرفته فجرت خلفه وهى تتحدث بصوت مرتفع عايزنى أقابلك إزاى وأنا بتصل بيك بالعشرين مرة ومابتردش عليا وجاى تدخل أوضتك من غير سلام إنت واحد يستاهل إنى أبتسم فى وشه ولا أوضبله نفسي وأرسم الوش السعيد!!
سامى محاولآ أن يبدو هادئآ لا أنا واحد مايستاهلش إتفضلى إطلعى برا بقااااااا.
دينا وأخرتها إيه فى عيشتك الزفت دى
سامى حطيلها الأخر اللى يريحك وإبعدى عن وشي دلوقتى حالآ.
قوست دينا فمها بغيظ وخرجت بخطوات عصبيه وهى تسب وټلعن اليوم الذي عرفته به.
فما رأيكم فى تصرف كل منهم
بعدما أغلقت مكالمتها مع كارم (نبيل كما تعتقد) سمعت صوت دق باب المنزل فقامت لترى من الذي أتاها.
صدمت بشده عندما فتحت الباب ووجدته جاسر.
نيللي بتوتر وعدم إستيعاب آاااهلآ أستاااااذذذ...
أجابها بإبتسامته الواثقه جاسر.
نيللي أهلآ أهلآ أستاذ جاسر.
جاسر ممكن أتكلم معاكى شويه
نيللي طبعآ طبعآ بس والدتى نايمه وأنا مش هقدر أقعد مع حضرتك فالشقه لوحدنا.
جاسر طب إلبسي وأنا هستناكى تحت فى عربيتى لازم نتكلم مع بعض يا نيللي.
نيللي طب هو حضرتك عرفت عنوانى منين
جاسر طب ممكن نقعد ونسيب الباب مفتوح إيه رأيك
نيللي وقد إقتنعت بالفكرة تمام إتفضل.
جلسوا وبالفعل كان الباب مفتوح.
جاسر جبت عنوانك من ملفك فى الشركه ومعايا رقمك كمان بس مارضيتش أتصل قولت أجيلك أحسن لإن اللى هقوله مهم يكون وجهآ لوجه مش فى التليفون.
نيللي خير يا أستاذ جاسر أستاذ كارم بعتك
جاسر لأ كارم مايعرفش أى حاجه عن زيارتى دى ولا لازم يعرف أصلآ.
نيللي أنا ملاحظه إنك بتقول كارم عادى كده هو وظيفتك ايه فالشركه بالظبط
جاسر أنا أخو كارم ويعتبر أنا الآمر الناهى فى غياب والدنا عن الشركه وده مهم تعرفيه برضو عشان تعرفى حجمى وحجم كلمتى ولما أطلب ترجعى الشغل ترجعى بدون نقاش.
تفاجئت نيللى عندما علمت ذلك وهى كانت تعتقده مجرد موظف!! فتحت فمها بذهول.
جاسر مش عايزك تزعلى إنى كذبت عليكى بس ده كان هزار وأظن إننا تجاوزنا النقطه دى النهارده الصبح قبل ما كارم يدخل ويعمل اللى عمله بس اللى عمله ده خلانى أكتشف حاجه مهمه جدآ.
نيللي إيه هى
جاسر هقولك بس أرجو إنك تفهمينى ومترفضيش.
نيللي طب وضحلى لإنى مابقتش فاهمه حاجه.
جاسر ............
فريدة مش عايزة أى غلطه ينتهوا لازم ينتهوا بس نبدأ بأمه.
سيد عايزانا ننفذ إمتى
فريدة فى أقرب وقت مش بيحبها أوى كده خليه بقى يشرب عليها قهوة سادة ويدوق الڼار اللى دوقهالى بكلامه اللى قاله مش أنا أبدآ اللى يتعمل فيها كده أبدآ.
سيد طالما حضرتك زعلانه أوى كده يبقى لازم نزود المبلغ شويه ده احنا هنخلصك من أعدائك واحد ورا التانى ده غير إنى عرفت إن الشاب اللى هنخلصلك عليه لا مؤاخذه هيورث مع إبن حضرتك لما نذيحه الورث كله هيبقا ليكم يبقى نستحق نزيد شويه ولا لأ
فريدة مايستاهلوش يتدفع فيهم ولا جنيه بس عشان أخلص من الموضوع ده أنا موافقه على الزيادة اللى تطلبها بس تخلصونى بسرعه.
سيد إتفقنا ياهانم.
تركها وغادر وهى تبتسم وهى تتخيل شكل رؤوف عندما يرى زوجته التى يعشقها وفضلها عليها غارقه فى دمائها أمامه مفارقه للحياة وإبتسمت مرة أخرى وهى ترى نفسها وولدها كارم يأخذون كل الثروة دون نقص شئ منها فتعود الأمور لمسارها الحقيقي كما كانت تحلم منذ أن تزوجت رؤوف وأنجبت منه كارم لولا فاجئها بزواجه من إمرأه أخرى.
الفصل العاشر
.
نيللي بس أنا مش قادرة أقتنع إن فيه حاجه زى كده ممكن تحصل بالسرعه دى.
جاسر مفيش أى حد هيغصبك على حاجه أنا قولتلك كل اللى جوايا وإنتى عليكى القرار.
نيللي طيب أنا هاخد وقت أفكر وردى هتعرفه لوحدك.
جاسر إزاى
نيللي لو جيت الشركه يبقى وافقت ولو ماجيتش إعرف إنى رافضه وشيلت كل المواضيع دى من دماغى خالص.
جاسر تمام يا نيللي وأتمنى إنك توافقى ومتضيعيش الحاجات الحلوة اللى كلمتك عنها إنتى تستاهلى كل خير.
إبتسمت نيللي بخجل مش عارفه أقولك إيه بس عمرى ماكنت أتخيل إن ممكن يتقالى الكلام ده وابقى بضحك وعادى كده يمكن لإن طريقتك حلوة وبتخفف من كل المشاعر المتلغبطه وشكرآ ليك بجد وعلى مجيتك لحد هنا.
جاسر أنا اللى بشكرك لتفهمك بعد إذنك.
قالها وهو يقف ويغلق أزار حلته ويغادر منزلها تابعته هى بإبتسامه ودودة وتعجب مما قاله لها لتوه لا تعرف هل تتضايق أم تسعد بشدة ويطير قلبها ولكنها قررت أن تهدئ حتى تحدد مشاعرها وتأخذ وقتها فى معرفة ماتريد وتراعى فى حكمها أنها فى حالة تخبط لا تعرف ماذا تريد بالتحديد.
جلست مع والدتها وحكت لها عن كل ماحدث منذ الصباح حتى مجيئ جاسر لها.
نيللي ها يا ماما إيه رأيك
نبيله حكمى قلبك يابنتى.
نيللي إزاى
نبيله أنا شيفاكى بتفكرى بعقلك ومدياله الأولويه فى الحكم على كل الأمور اللى حصلت النهاردة واللى مانكرش انها كبيرة وهتفرق فى حياتك على حسب القرار بس خلى قلبك يبقاله كلمه أكتر من عقلك عسان ساعات العقل بيغرق والقلب بعواطفه بينقذ.
نيللي انا قولتله إنى هفكر ولو وافقت هيلاقينى ريحاله الشركه.
نبيله وانا مش هقولك تقررى ايه بس هسيبك تعملى الأصلح ليكى ومتأكده إنك لوحدك هتختارى اللي يرضينى ويفرحنى بيكى.
نيللى وقد تاهت فى بحور أفكارها الغارقه إن شاء الله.
سحر عبر الهاتف هو انا لو مكنتش أتصل متتصليش
نيللي إمممم ده على أساس إن إنتى متصله من نفسك دلوقتى! مانا اللى إتصلت بيكى من شويه وماردتيش واكيد لما شوفتى اتصالى كلمتينى دلوقتى
سحر بإحراج إيه ده ياساتر عليكى طب عديها طيييب.
نيللي بمزاح مانا معدياها هو انا نطقت المهم عامله ايه والأستاذ سامى بقى سامي بس ولا لسه
سحر هههههههه عيب عليكى بقى سامى بس من زمان.
نيللي ااااااه ماهو عشان كده اتنسينا خلاص وراحت علينا.
سحر بخجل أنا عارفه إنى مقصرة معاكى والله ومكسوفه منك جدآ بس والله اليوم بقى يجرى بسرعه غريبه مبلحقش اتصل ولا اعمل حاجه وبلاقى نفسي النوم كبس عليا ونمت وصحيت تانى يوم عالشغل وهكذا بقاااا.
نيللي ولا يهمك انا مقدرة المهم احكيلى ملخص الأحداث اللى عندك مع سامي بس عشان عندى مفاجئات عايزة أفجرهالك.
سحر ماشي ياستى الملخص عن سامى بس إنه بقى سامى بس بس بجد اللى هو مفيش أكتر من إننا شيلنا الألقاب على شويه وحشتينى وانتى مفيش زيك والكلام ده وشكرآ.
نيللي يعنى مفيش بحبك وهاتى رقم باباكى ولا إيه
سحر هههههه دانتى قديمه اوى ده مش خد الرقم ده قعد معاه شخصيآ.
نيللي بسعادة طب كويس جدا ما دى خطوة حلوة.
سحر لا حضرتك مش فاهمه انا كنت تعبانه وهو جه يزورنى فقابل بابا وقعد معاه.
نيللي بإحباط بس كدا!!.
سحر بالظبط بس كده.
نيللي لا ياستى ده مطلعش غامض ده ممل.
سحر هو ممل فعلآ بس غامض وغموضه كل يوم بيزيد.
نيللي ازاى المفروض الغموض ينتهى كل ماتعرفوا بعض.
سحر سيبك منى واحكيلى عن مفاجئاتك.
نيللي بصي ياستى......
دخل جاسر إلى النادى ونظر بتجاه المكان الذي تعود أن يرى كارم جالسآ فيه فوجده بالفعل بعد فترة إنقطاع دامت أسابيع وذهب إليه ليجلس معه.
جاسر ببص على المكان ده وانا عارف ومتأكد إنى مش هلاقيك زى كل الأيام اللى فات بس فاجئتنى لما لاقيتك.
كارم إزيك باجاسر إتفضل أقعد.
جاسر بابتسامه أنا مبسوط جدآ من إلتزامك فى الشركه.
كارم بسخريه وانت بتكلمنى كده بقى كأخويا اللى فرحان بيا ولا كرئيس مجلس الإدارة اللى مبسوط من موظف عنده
ضيق جاسر بين عينيه قائلآ ليه حاسس من كلامك إنك زعلان أنا قولت لبابا إن لو ده هيزعلك مش هيحصل خالص أنا بشد عليك كتير أه مع إنك أكبر منى بس لو حاجه زى كده مزعلاك أنا مش عايزها.
أخذ كارم يفرك فى وجهه بكلتا كفيه قائلآ لا لا خالص ياجاسر ربنا يوفقك دى مسئوليه تقيله اصلآ أنا مقصدش أضايقك.
جاسر وانا مش زعلان منك ومش هزعل النهاردة بالذات أصلآ وعايز أفضل مبسوط وبس.
كارم خير
جاسر أنا كنت فى بيت نيللي السكرتيرة من شويه.
تفاجئ كارم مما قاله أخوه فانتفض فى جلسته نعممم! ايه اللى بتقوله ده!
جاسر ضاحكآ ماتفهمش غلط إهدى عشان أفهمك.
كارم بإنفعال إتفضل فهمنى.
جاسر أنا بصراحه كنت زعلان جدآ إنك رفدتها وقعدت أفكر مع نفسي كتير أوى ليه أنا زعلان بالشكل ده على واحده ماشوفتهاش غير من أسبوع بس فالشركه.
كارم بنفاذ صبر وبعدييييين أدخل فالمفيد.
جاسر ماهو ده المفيد إكتشفت إنى حبيتها من أول نظرة وقررت إنى ماتأخرش فى رد فعلى وان ده الوقت المناسب بعد اللى انت عملته وخدت عنوانها من الملف بتاعها وروحتلها واعترفتلها بحبى حركه مجنونه صحح
لجمت الصدمه لسان كارم فأصبح لا يعرف كيف سيجيبه وبماذا يجيبه! يضحك ويبارك له على ماصنعه! يا لسخرية القدر أهذه هى نهاية الفصة! يحبها هو ويعانى فى حبها أيام وليالى ويسهر ليخطط أن يقترب منها ليعترف لها أخيه بحبه ويأثرها لنفسه ضاربآ بكل أحلامه عرض الحائط!!!
لم يتمالك نفسه فاڼفجر ضاحكآ بعذاب كل ضحكه كانت تخرج من جوف الۏجع والعڈاب حقآ بماءا يود هذا الأحمق أن يجيبه! فهل يجيبه بأن يقول مثلآ مبارك عليك حبيبتى! هههههه ماذا يحدث! هل هذا واقع! هل إنتهت فتيات العالم فلم يجد جاسر أمامه سوى حبيبة أخيه! هل يثور ويضربه بكل ماتطوله يديه أم يحكى له حقيقة الأمر بهدوء مهلآ.... هل وافقته نيللي وسعدت بإعترافه
فغر فاهه