واقع مر بقلم رقية محمد

الباب بيتفتح
مسكت ايدي بعصبية
اه يا بنتل انت واقفه علي الباب تتصنتي!!!
بصيت علي بابا بسرعه علشان يلحقني ولكنه خطڤ نظره لينا وحط المخده علي راسه ونام
حسيت ساعتها إني ضعيفه واني مهما كنت مش هقدر لا احقق حلمي ولا ادافع عن نفسي أبدا مكنتش هقدر حتي اخد ابسط حقوقي ماما معاها فلوس كتير بسبب خالو اللي بيديها كل شهر مصاريف ليا ولدراستي ولكن مكنتش بشوف منهم جنيه واحد رمتني علي الارض بقرف وهي بتزعق
نعمل اي بقي ما انت لو كنتي ولد مكانش ده حصلنا بلا قرف
دايما كانت بتفكرني إني بنت وعلي اعتقادها اني مليش اي لازمه ولا ليا منفعه مقدرتش ارد ساعتها أو بالأصح مقدرتش ارد عليها المره دي كمان ساعتها كنت اتمني اكون ولد علشان بس تحبني
تم بفضل الله البارت التالت
يا حبايب قلب رقروقه
واقع مر
رقيه محمد
لطيفه مالك يا بنتي انت كويسه !
كنت سامعه اصوات كتير حواليا لكن مش قادره افتح عيني حسيت إني بعوم في أفكاري وكل المواقف اللي لحد الآن مش عارفه اتخطاها ابدا لحد ما فوقني خبطات خفيفه علي وشي
فتحت عيني بخضه
سلمي !
بصت ل سند ورجعت بصتلي تاني بقلق
أنت كويسه تعالي معايا هنقعد في الكافيتيريا اللي هناك د تغسلي وشك وندخل المحاضره
حطيت وشي بين كفوفي سند خاف منى أكيد واللي اكدلي كده أنه مشي بهدوء كنت عارفه إن ده هيحصل هيحصل إذا كان بقي دلوقتي أو بعدين بس هيحصل واهو حصل بس الشئ اللي ريحني شويه وجود سلمي اللي كنت واخده بالي إنها باصه عليا من ساعة ما دخلت الجامعه وبتراقبني بعيونها بقلق ولما شافت إني مش في حالتي الطبيعيه جريت عليا من غير ما تشاور عقلها
حطت قدامي كوبايه المياه زقت الكرسي بتاعها جمبي
حاسه ب اي دلوقتي يا حبيبتي
أحسن
حصل اي لو مش حابه تتكلمي دلوقتي عادى جدا علفكره نتكلم بكره او لما تهدي اي رأيك
هزيت راسي بنفي
سند مشي يا سلمي انا طلعت صح هو عمره ما كان هيستحملني ابدا ابدا انا بس اللي مضايقني إني كشفت شخصيتي قدامه! مكانش ينفع أبين ضعفي بالشكل ده بس بس كلامه خلاني ڠصب عني افتكر حاجات انا كنت بدأت انساها تماما مش عارفه المفروض اقول ده ولا لأ بس أنا بدأت ارتاحله يا سلمي علشان كده كان لازم ابعد من الأول مش بتردي لي !
بصت ورايا وسكتت
يا بنتي أنا تحت شويه باصه فوق ليه ما قولنا نظرك ضعيف بتقلعي النضاره لي!!!!
اتفضل يا سند تعال
وكمان سمعك ضعيف يا بنتي والله ما قادره بجد ركزي
السلام عليكم
الاه هو انا كمان سمعي ضعيف سند وعليكم السلام ورحمة الله وبركاته طب انا هستأذن انا علشان وراايا محاضرات
استني يا لطيفه انا ما صدقت دوري جه وجبتلك عصير توت فريش وجبتلك أنت كمان يا سلمي عصير توت
ضيقت حواجبها بتذمر
بس انا مبحبش التوت الاه
ما أنا قولت اكيد هتحبي اللي صحبتك بتحبه
وانت عرفت منين إن صاحبتي بتحبه
رفعت حواجبها الاتنين بمشاكسه خبطتها في رجلها من تحت الترابيزه الله يكسفك
قلعت النضاره شبكت صوابعي بهدوء
طيب يا سند علشان اوفر عليك اللي جاي تقوله أنا عارفه إنك مش ملزم تتعامل مع واحده مش عارفه تتخطي الماضي بتاعها علشان تبني حاضر أصلا ف علشان ارفع التوتر علينا إحنا الاتنين نبقي أصدقاء ب منتهي الهدوء وكمان لو مش
حابب ده انا هبقي احسن