واقع مر بقلم رقية محمد

ما طبطبت علي كتفي مسكت تليفوني فتحت شاته اللي متعلق بقاله اكتر من تلات أيام سجلت ريكورد وانا بضغط علي نفسي
السلام عليكم بعتذر يا سند كان عندى امتحانات كتير واتشغلت عن الماسدج انا الحمد لله بخير في زحام من النعم انت اخبارك اي
الريكورد اتبعت برقت پصدمه بعد ما استوعبت انا عملت اي مسكت موبايلي تاني علشان امسحه بسرعه برقت بخضه لما لقيته بيسجل ريكورد ينهار ابيض
خرجت بسرعه من البلكونه وانا بحاول انسي ف اتكلمت بعبط
ما تيجوا نتفرج علي مسلسل فيلم مثلا اجنبي أو عربي اي حاجه ها اي رأيكم!
بصولي كلهم بإستغراب مسكت خصله من شعري وانا بقول بتوتر
اجهز الفشار
وصلي ماسدج غمضت عيني وانا بقول بصوت عالي
فيها اي يعني بطلي عبط يا لطيفه واهدي
نور
لطيفه أنت
كويسه يا بنتي
فتحت عيني بسرعه
لأ اه اه انا كويسه مالي يعني ما أنا زي الفل انا داخله انام تصبحوا علي رضي الرحمن
علي
والفشار والفيلم
مبحبش الفشار جود نايت
نطيت علي السرير بسرعه وفي ايدي التيليفون فتحته وانا مضيقه عيني بتفحص
وعليكم السلام ورحمة الله وبركاته ازيك يا لطيفه أنت طمنيني عليك اخبارك اي مفيش مشكله خالص اهم حاجه أنت بخير
اتكلمنا كتير حسيته لطيف! يمكن علشان قدرت اشيل من دماغي فكره معينه اتفقنا نتقابل تاني يوم في الجامعه
صحيت تاني يوم علي غير العاده صاحيه بدري وفايقه اغاني ام كلثوم اللي كلها أمل وحلاوه جهزت بدري وخرجت من البيت قبل حتى ما يصحوا!
قفلت باب العربيه وانا بتنفس بهدوء وحماس بصيت في مرايا العربيه وانا بكلم نفسي بكل جديه
لطيفه اهدي بقي كده وبطلي عبط علشان مرنكيش علقھ عادي جدا يوم زي اي يوم بتروحي فيه الكليه احنا هنخيب ولا اي انت حره !
شغلت ام كلثوم واتنفست بهدوء كبير واتحركت
حيرت قلبى معاك وانا بداري واخبي
قولي اعمل اى وياك قولى اعمل اى وي قلبى
نزلت من العربيه بعد ما شوفته مستنيني برا في أيده كوبايتين قهوه
ابتسمت ومسكت منه كوبايه القهوه
شكرا بجد كنت مصدعه جدا جت في وقتها
اتكلم بابتسامه لطيفه الطف حاجه شوفتها تقريبا
ده انت اللي شكرا علي الابتسامه اللطيفه دي علي الصبح لطيفه فعلا وأنت لطيفه
ضيقت حواجبي بضيق
ماشي شكرا يلا ندخل
للحظه حسيته خاف منى بس اعمل اي في دماغي دي حسيت إن لسانه معسول بزياده وده شيء بيقلقني نوعا ما
شربت حبه من القهوه
بس يا سند ده سبب رفضي ليك من البدايه واظن انت كده التمستلي عذر طبعا
لأ بصراحه كل حاجه ليها علاج أنت دكتوره وعارفه كده كويس
ضحكت بخفه
إلا ده يا سند صدقني ده مالوش علاج أبدا
بصلي بتحدي
طب تيجي نتراهن بصي نفذي اللي هقولك عليه ده عامة ده بيبقي خوف مبني من زمان وبيبقي بسبب حاجه حصلت في الماضي أنت كده عرفتي السبب تيجي نعالجه يلا غمضي عينك وخدي نفس عميق
ضحكت علي حماسه هو اصلا طب بشړي والله غلبان هزيت دماغي والابتسامه لسه علي وشي وعيوني مغمضه
اتنفس بعمق
قوليلي اول مشكله حسيتي بشعور اي ساعتها
ابتسامتي اختفت مقدرتش افتح عيوني
ذاكرتي اتشوشت بطريقه كبيره
بقولك اي يا نوال انا عايز انام متاكليش نفوخي
هو اي اللي مكلش نفوخك خلاص يا اخويا هطلعهم من المدرسه انا مالي
طلعيهم يا نوال واتكلي بقي علي الله عايز انام بقولك نفوخي هيتفرتك
سااعتها كنت واقفه علي الباب بحاول اسمع محتوي كلامهم بسبب صوتهم
العالي اللي صحاني من النوم حطيت ايدي علي بقي بخضه لما لقيت