واقع مر بقلم رقية محمد

ظهرت مسك القلم مره تانيه وكتب المبلغ واداهولها
فرصه سعيده اتفضلي اطلعي برا
بصيتلي بابتسامه
سلميلي علي نور جدا كان نفسي اشوفها بس مش مشكله تتعوض
بصيت پصدمه باعتنا مره تانيه بشويه فكه بتتاجر فينا بارخص سعر!
قربت من الباب وفتحته ولكن لسوء الحظ نور كانت طلعت بصيتلها لثواني أيدينا كلنا ساعتها كانت علي قلبنا ولكن نور قربت من سلمي حضنتها بحب وهي بتقول بضيق
ازيك يا مامي عاملين اكل اي استني تيجوا تاخدوني بس محدش جه خالص ف جيت مع جودى احنا عندنا ضيوف ولا اي
قربت منها بقلق ودخلت بيها الأوضه بحاول اتوها ودقايق وسمعت الباب بيتقفل اتنهد براحه لما اتأكدت إنها مشيت خلاص
اتكلمت نور وهي بتلبس الاسدال
هي جت لي يا سلمي
سبت الموبايل بتوتر
هي مين دي
لطيفه
هي جت لي بعد كل ده جت عايزه مننا اي تاني انا ما صدقت اتخطيتها ولو واحد في الميه لي عايزه تجدد الذكريات د تانى
مسحت علي وشي بضيق
متحطيش الموضوع في دماغك يا نور جت للمره التانيه علشان نكرهها اكتر واكتر عايزه ترجعنا لنقطه الصفر بعد ما حياتنا استقرت استكترت علينا الفرحه
قربت عليا بحنيه وهي بتمسح كام دمعه خانتني
انا مش متضايقه صدقيني انت امى وحبيبتي انا مش عايزاكي تزعلي يلا بقي علشان ماما عملالنا اكل إنما اي شامه ريحته من وانا علي السلم والله وانا عصافير بطني
المرادي نور اتكلمت نيابة عن عقلى حسيت إني مرتاحه وانا شايفه نور بدأت تتعلم جزء من دروس الحياة مش كل حاجه بتبقي ماشيه زي ما احنا مخططين مفيش حاجه ابدا بتبقي موجوده زي ما هي
علي سفره الغدا محدش فتح الموضوع ابدا كنا بنتعامل بطبيعتنا بعد ما خلصنا غدا
دخلت البلكونه مكاني المفضل سما هوا قمر وأنا مع كوباية الشاي بالنعناع بتاعتي وصوت أم كلثوم ما الدنيا حلوه اهى يا ولاد !
عهود لا تصدق ولا تنصان
عهود مع اللي ملهوشي أمان
يا قلبي ااه الحب وراك
حطيت ايدي علي الكوبايه محاولة إنها تدفيني أم كلثوم صوتها اللي بسمعه كل مره كأني اول مره بسمعه في حياتى
فجأة افتكرته!
رجعت شعري ل ورا بسرعه وانا بحاول اشغل نفسي بحاجه تانيه وللحظه دي دخلت ماما
الجو حلو اوي النهارده صح
هزيت راسى كملت وهي بتضيق عينيها بخبث
ام كلثوم وشاي بالنعناع والجو حلو وقاعده في البلكونه مش مستريحالك
ضحكت بصوت عالي
لا لا عادى والله مفيش حاجه
اممم طب قوليلي اي الجديد
حطيت ايدي علي راسي بتعب
مش عارفه يا ماما والله اعمل اي سند بيحاول يوصلي ويتكلم معايا بكل الطرق بس انا رافضه تماما
لي يا حبيبتي انا شوفت سند كذا مره وحسيته محترم وكويس لي مدتيش لنفسك وليه فرصه
قاطعتها پحده
علشان مينفعش لطيفه طول عمرها بتقول لنفسها إنها مش هتسمح إن حد ېجرحها تاني ولا يجي عليها مره تانيه! انا عمري ما اسمح لحد أنه يأذيني في مشاعري مره تانيه ابدأ!
أنت لي بتتوقعي النهايه علطول ! لي بتتوقعي الاسوء دايما مش يمكن تصيب وربنا يكون مقدرك الحلو في حياتك في سند
منعت عقلي يقتنع وانا بقول بجدال
في احتماليه يبقي مجازفش
الحب جميل اوي يا لطيفه يستاهل المجازفه دي ويستاهل الټضحيه والمخاطره والتعب ده كله حقيقي ده كله بيتنسي تماما لما تكوني قاعده في بلكونة شقتك وبتتنفسي براحه وانت شايفه إنك اسستي اسره مستقره سوية نفسيا فاقد الشيء يعطيه يا لطيفه انت تقريبا نسيتي اني قولتلك مليون
مره قبل كده متعيشيش دور الضحيه أنت كده بتجرحيه هو ميستاهلش منك كده
قامت بعد