چريمة عشق لمريم نصار الجزء الثاني

بعد ماوصل فريحه. وطلب منه أنه عايز يكتب كتابه بكره على فريحه في. الحفله. وآدم قاله هرد عليك بكره 
ورينو.. اللي فرحت جدا وسقفت بايديها من الفرحه.. وفهد قاعد عادي متأثرش بحركاتها.. وهي استغربت انه ما عملش اي ريأكشن حتى على وشه..
ورنا الل اټصدمت.. وبصت ل طارق. اللي عارف كل حاجه.. وبدء يحكيلها كل حاجه فى شرح مبسط وان الل حصل.. ان مراد اتكلم مع آدم وقاله انه ما خطبش فريحه يوم خطوبه محمد.. لانه عايز يكتب كتابه على طول.. وآدم بتفكير. لان محمد قبلها اتكلم مع آدم واقترح عليه انه عايز يكتب الكتاب قبل رمضان علشان لما يجي عندهم في رمضان تبقى نور على ذمته.. وآدم اخد رأي مريم اللي وافقت وفرحت جدا واتفقوا أن كتب كتابهم مع بعض وآدم. قال ل مراد انهردا الصبح أنه موافق.. وفرح جدا وقرر ان دي هتبقى مفاجاه الحفله.. ولما آدم وافق على قرار مراد .

.مراد راح ل طارق.. واتفق معاه على كل حاجه.. طارق رحب جدا.. لانه كان متدايق من العلاقه وعايزها رسمي.. وطارق جاب الصور وكل حاجه تخص فريحه وعطاها ل مراد وهيظبط كل حاجه ومراد نبه على طارق إن محدش يعرف خااالص وخصوصا رنا وفريحه وطارق قاله. طيب لو سألوني انت كنت هنا ليه.!. مراد قاله ما تقلقش انا عامل حسابى.. وطلع من جيبه علبه الدبابيس وقاله. خد دي اديها لفريحه علشان لايقه على الحجاب طارق حكى ل رنا اللي مدهوشه ومش
عارفه تفرح ولا تزعل.. لكن لما شافت تعابير وش فريحه فرحت طبعا..و طارق باس ايد رنا بحب وبترجى إنها متزعلش منه. وإنه كمان حب يفاجأها ويشوف الفرحه على وشها.
. والكل اخد وقت على ما استوعبوا الموضوع..
. الشيخ اين العريس يا جماعه.. انا ورايا جوازه غير دي. وطلاق. بسرعه لاني مستعجل.
طارق يا ساتر..الملافظ سعد ياشيخ 
آدم قام قعد قدام المأذون. وجواه شعور غريب جدا. وإنه حاسس إن كل حاجة بتحصل بسرعة ونور هتتجوز وتسيب البيت 
محمد قام وراح الاول عنده نور.. ووقف قدامها وشايفها متلخبطه ومتوتره نور.. موافقه..
نور متوتره.. وعينيها بتروح يمين وشمال. ومش مصدقه.
محمد موافقه على المفاجاه. دي وانك تتجوزيني يا نور. وتكونى مراتى..
نور مكسوفه ومتوتره. ومش عارفه ترد!!
محمد قولي حاجه.. شكلي بقى وحش كده..
نور بدموع. هزت راسها ايوه يامحمد.. موافقه..
محمد كان عايز يبوسها من جبينها.. لكن قال كلها دقايق وتبقي حلالي. انا ها صبر..
. ومحمد اتحرك وقعد قدام آدم.. وآدم طلع صور نور من جيبه والبطاقه وكل حاجه لانه كان مجهز كل حاجه هو ومراد.. وبدؤوا في مراسم كتب الكتاب.
. ومريم بدموع أم وفرحه راحت حضنت اختها شيرين الل هي كمان دموعها نازله. وحضنت مريم بكل حب. لان أخيرا ابنها هيتجوز. وكمان الل حبها وصبر على حبها.
.وفي الوقت ده مراد.. راح وقف قدام فريحه المصدومه والل فرحانه. وقلبها مش مستوعب..
مراد فريحه..
فريحه 
مراد شاور بايديه قدام وشها. وهي انتبهت..وقالها فريحه اكيد هتتشلي من الفرحه صح..
فريحه اتغاظت وقالت هتشل..واه هتشل من تصرفاتك.. تقدر تقولي انت ما عرفتنيش ليه..
مراد غبيه ما لكيش في الرومانسيه. يا بت انا عملتهالك مفاجاه.. امال انا صارف عليكى ومكلف وجايبلك الفستان ده ليه 
فريحه بغيظ صارف ومكلف.! بتتعب والله. ومفاجاه..هي بصراحه مفاجأه..بس كنت عرفنى.
مراد غبيه. المهم. موافقه على المفاجاه دى.. وغمزلها
فريحه اممم هفكر 
مراد طيب فكري على مهلك هي ندى قولتيلي ساكنه فين..!!!
فريحه بغيظ..روح جمب المأذون. واول ما يخلص اقعد مكان محمد على طول..
مراد ايوه كده.. عارفه بعد الكتاب انا هاعمل فيكي ايه 
فريحه اتوترت. ووشها بقى احمر جدا. ونزلت وشها آحم. هتهعمل ايه.
مراد ولا اي حاجه وضحك عليها 
فريحه اتغاظت.. وصكت على أسنانها.
مراد خلاص ما تزعليش.. فريحه كلها دقايق وتبقى مراتي يا بت..
فريحه غمضت عينيها ومش مصدقه من الفرحه.. وفاقت علي صوت المأذون وهو بيقول..
الف مبروك وبالرفاء والبنين. وداده سعاد زغرطت.
. طبعا طارق. وحسام شهدو على العقد..ونور مضت وكان محمد حساس بسعاده غريبه. وآدم بيكابر وحابس دموعها..
وبعد كده ده سعاد زغرطت تانى. وبدات البنات. تبارك ل محمد ونور.. ومصطفي وشيرين باركو بدموع الفرحه ل محمد ونور..
.وبعد ما المأذون خلص. الأوراق.. نده على العريس التانى..جاه طارق وقعد. وكان مبسوط وفرحان.. ومراد قعد قصاده 
مراد ههههههههههههه الكل مستغرب. بيضحك ليه 
طارق تنح..بتضحك على ايه ياض.!!
مراد هههههههههه. مش مصدق اني هحط ايدي في ايدك يا طارق. ههههههه كلهم ضحكو ورنا. ضحكت وضړبت كف على كف..
طارق تقصد ايه يالا انت.. !
مراد ولا حاجه.. ان شاء الله هتبقى جوازه مهيبره.. وضحكو تاني على مراد.. وبدؤه في كتب الكتاب.
وهما بيكتبوا الكتاب.. فهد بيسرق النظرات ل رينو وشاف انها فرحانه قوي وبتهزر وتضحك.. وجواه بيغلي لما شاف يوسف بيتكلم معاها هو مالك. لكن لازم يثبت العكس لحد ما يتعود على كده..
محمد راح لنورو. مبروك يا نورى
نور وشها أحمر جدا. ومكسوفه اوى. ا الله يبارك فيك يا محمد.
محمد في لحظة انشغالهم مع مراد. قرب منها وباسها من جبينها. بكل الحب الل جواه. ونور. مغمضه عينيها. وماسكه الفستان بايديها. من التوتر.
محمد باس جبينها. وبعدها..قال. مبروك عليا السعاده. وتاه فى جمالها ووشهاالاحمر عينيها. الزتونى. وكانت جميله اوي.
.وبعد شويه المأذون..الف مبروك بالرفاء والبنين.. وطارق خطڤ المنديل من المأذون. والكل ضحك عليه..وأشرف وجاسر شهدو على العقد. وفريحه مضت بمعجزه لان جسمها كله كان بيترعش. طبعا مريم كانت قايله ل سعاد بعد كتب الكتاب..تقدم الشربات..وفعلا البنات طلعو ب صواني الشربات. مع الزغاريط. والكل بارك وهنا. ولمأذون مشي وزين وصله للباب..
مراد أول حد راح سلم عليه هو آدم وحضنه جدا. وآدم حضڼ مراد بكل حب. وڠصب عنه نزلت دمعه من عيون آدم. رغم كل الل مراد بيعمله مع آدم. لكن آدم بيحب مراد بكل أفعاله وتصرفاته. وإنه ابنه الكبير وعكازه فى الدنيا. وعارف إن مراد بيحبه وبيقدره ويحترمه.. وآدم خرج مراد من حضنه. مبروك يا حبيب ابوك..
مراد الله يابركلى فيك يا حج ويديمك نعمه فى حياتنا..
.وبعدها. طارق. قرب من رفيق دربه. وآدم إبتسم وسلم على طارق وحضنو بعض.
طارق مبروك. مبروك يصحى
آدم الله يبارك فيك يا رفيقى..
طارق العيال كبرتنا يا آدم..
آدم لا يا حبيبى اتكلم عن نفسك. انا لسه شباب..
طارق أيوه عينى عليك بارده. الل يشوفك يقول تؤام مراد مش ابوه.
آدم الله أكبر في عينيك..الله يخربيتك. وانا اقول المشاكل مش سيبانى اليومين دول ليه دلوقتى بس عرفت. أم عينك الل انت راشقها في حياتى.
طارق ههههههههههههه. لا والله ابدا. ولا بحسدك ولا نيله. وبعدين. ما انا كمان الل يشوفنى. يقول عليا اخو فهد وفارس. وكمان اصغر. والل أتنين ضحكو
نور محرجه تبص على محمد. ومحمد مش عايز يروح ل نور تانى في وسط العيله علشان ما يحرجهاش. لكن لو كان عليه هي خلاص بقت حلاله وقدام ربنا قبل العيله والناس.. عايز يشلها ويخطفها. وياخدها لعالمه الخاص.
اما مراد راح وقف قدام فريحه. وباس جبينها قدام الكل.. وفريحه كانت ھتموت من الكسوف..
مراد مبروك. مبروك يا فريحتي..
فريحه بصوت مبحوح احم. الله يبارك فيك..
مراد طلع من جيبه. علبه وكان فيها خاتم ودبله ولبسها الخاتم. وقالها مراد العدوي لما بيوعد بيوفي.. وانا وعدتك اني هلبسك الخاتم وهاكتب كتابي عليكى قدام العيله.
فريحه لبسته الدبله. وبصت في عنيه مبروك عليا جنتك..
يوسف. جواه كان نفسه. يكتب كتابه هو كمان. لكن مكانش يعرف بالمفاجاه دي لكن حس انه لازم يعمل كده في اقرب وقت 
اما مالك. من كمية الحب الل موجوده حواليه. اتشجع. وقرر انه بكره يعترف ل ساره بحبه ليها.. ومن قوة حبه ليها مش قادر يستنى لبكره. وشاف انه يبعتلها رساله على الواتساب. دلوقت.. وانه يمهد الموضوع. وفعلا فتح الواتس وكتبلها كلمتين. وحشتيني يا ساره..
كل البنات بتبارك ل نور وفريحه..ةونور مش مصدقه انها بقت مرات محمد عزيز. وان فرحها بعد شهر..
.وكمان فريحه مش مصدقه انها خلاص هتبقى فريحه العدوي..
. اما مليكه جواها بذره بدات تحيا. وشافت ان جو العيله حلوه مش وحش. وان كلهم فرحانين.. لكن ليه هي ليه مش فرحانه 
زين راح وقف جمب آدم. ايه يا حاج..
آدمعايز ايه..
زين ايه رايك هناخد ميعاد. ولا ايه..
آدم والله يا زين الاصول بتقول اننا ناخد ميعاد.. لكن جنون الحب بيقول ايه.!
زين بيقول. انى اتكل على الله..
آدم صح اتكل على الله بقى..
زين بص ل آدم.. لكن اكلم مين فيهم..
آدم عليك وعلى الراس الكبيره.
زين تمام. يلا بالاذن.
آدماذنك معاك يا خويا. عيل لازملك قفا علشان تفوق..
..طبعا آدم طلب من زين في المكتب واتكلم معاه. وقاله انه عارف انه بيحب ريتال. لكن زين متكلمش. وكان عايز دافعه من آدم اللي شجعه..
.وزين فرح جدا. وقرر انه يتقدملها النهارده. وعلشان كده حب انه يجيبلها فستان الخطوبه.. وكمان جاب الخاتم والدبله..
زين راح قعد قدام مصطفى وساكت. وزين يبص على اشرف. ويبص على مصطفى. وفي الآخر مصطفى وأشرف لاحظو ان زين محتار..
زين يعني اكلم ابوها. ولا جدها. وقام وقال. عمى اشرف ممكن تيجي تقعد جمب عمي مصطفى. لو سمحت..عايز اقولكو حاجه..
أشرف باستغراب ولكن قام. وماله يسيدي. الحاج الباشا الكبير واى حد يتشرف يقعد جمبه.. اشرف قعد. ادي قاعده. نعم يا سيدي.
زين بلع ريقه احم وحس ان الكلام وقف فى ظوره..وسكت
مصطفى في ايه يا زين يابني.
زين احم. حاضر. هاقول اهو.. احم. بص يا عمى مصطفى. وانت كمان يا عمى اشرف.. انا كنت عايز.. عاايز. احم. بصوا هو احنا كنا هناخد منكم ميعاد ونيجي.. وبابا طبعا هو كان هيتكلم. لكن انا استاذنته. اني اتكلم واخد انا الخطوه دي..
مصطفى وأشرف مش فاهمين..
مصطفى خطوه ايه يا زين يا بني..!!
طبعا مريم وآدم كانو بيضحكو على زين المتلخبط. وآدم محبش يتدخل علشان زين يحس بالفرحه 
..وطبعا ريتال حست ان الفيلا بتصغر عليها.. واټرعبت جدا وقالت يا رب زين ميتهور ويتقدملى 
زين احم. وبص لعمو مصطفى.. هو اللي عايز يطلب ايد الانسه ريتال.. يطلبها من حضرتك.. وبص ل أشرف. ولا من حضرتك..
العيله كلها فهمت وفرحت.. وهنا مكانتش مصدقه وكل البنات راحو وقفو جمب ريتال. ومصطفى ابتسم..وفهم. لكن اشرف مش مستوعب..
مصطفى بص على اشرف اللي مردش..
مصطفى سيبك من أشرف. الل يطلب حفيدتي ريتال عزيز.. يتكلم معايا انا.. وبص ل اشرف ولا ايه يا اشرف..
أشرف ايوه طبعا يا حاج. ودى عيزا كلام. ريتال بنتك وحفيدتك.. بس هو في ايه.. انا مش فاهم..
مصطفى اركن انت على جمب..ايوه يا زين يا حبيبي عايز تقول ايه..
زين بلع