چريمة عشق لمريم نصار الجزء الثاني

ضايع عنواني
حبيتك أنا بثواني بغيابك أنا تعبان
بغيابك أنا تعبان
والله بانت الحكاية نوتيلا انتي ونوداية
حبيتك بس ضلي معايا ببعدك أنا دبلان
شايف بعيونك قصة أنا طالب منك هالفرصة
دقاتو لقلبي عم حسها لك يمكن أنا عشقان
وربي أنا معاكي قلبي وروحي كلها فداكي
وما بكفي حياتي بلاكي بغيابك اموت
لا تبعدي لحظة عني عن حبك أنا بدي غني

من هلق أنا بلش فني وبحبك مت
والله شكلي حبيتك يا قلبي لك ېخرب بيتك
أنا شفتك صدفة ولقيتك صرتي بدمي ادمان
شكلك من عالم تاني أنا والله ضايع عنواني
حبيتك أنا بثواني بغيابك أنا تعبان
بغيابك أنا تعبان...
والله بانت الحكاية نوتيلا انتي ونوداية
حبيتك بس ضلي معايا ببعدك أنا دبلان
شايف بعيونك قصة أنا طالب منك هالفرصة
دقاتو لقلبي عم حسها لك يمكن أنا عشقان..
رينو بتسمع فهد. وقلبها هيطلع من مكانه. لانه لما قال وهو بيغنى وقال نوتيلا شاور عليها وحط ايدو على قلبه. ورينو حست انها عطشانه. ورجفت. وقلبها هيطلع من مكانه لانه ضربات قلبها بتدق بقوه وفرحه.. وشاور عليها تانى. وهو بيقول وربي أنا معاكي قلبي وروحي كلها فداكي..
طبعا فهد بيشاور. ومراقب كويس أن محدش شايفه أو أنه قاصد انه يشاور.
رينو من فرحتها. جسمها كله رجف. وبصت شافت مريم. باصه عليها بحب. ومريم شاورتلها. تقعد جنبها. ورينو قامت بالعافيه. وقعدت جمبها ومريم حضنتها بحب كأنها حست بتوترها.
الاغنيه خلصت. والكل سقف بسعاده من فهد الل فرفش الفرح. وراح قعد. وبيشرب عصير. ومبتسم على شكل رينو الل أتأكد انها بتحبه لكن طبعا مش اكتر منه. والاغنيه. كانت اعتراف صريح منه ليها أنها إدمانه
. بعد فتره. التورته جت. وكانت هديه من آدم وطارق. ل ساره ومالك. وقطعو التورته. ومالك اكل. ساره. وساره اكلت مالك.
فريحه الله يامراد انا نفسي فى التورته اوى.
مراد بس كدا قومى معايه. واخد فريحه. وقطع من التورته كأنهم عريس وعروسه والكل بيضحك على تصرف مراد. ومهتمش لاى حد. وأكل فريحه فى بوقها. وفريحه أكلته في بوقه. وفريحه ضحكتها مش مفارقاها. وقالت بصوت عالى انا بحباااااك يامراد.
مراد وانا بعشق امك.
. الفرح عدى على خير. والكل واقف قدام القاعه. مالك وساره سلمو على جاسر وملك.
. وساره راحت ل آدم ومريم. وعيونها مليانه دموع. وقالت لهم. انا مش عارفه اقولكو ايه. ولا عارفه اشكركم ازاى. لأن الل انتم عملتوه معايه القريب دلوقتي مبقاش يعملو مع قريبه.
. انتو وقفتو جمبى وبصت ل آدم وقالتله وحضرتك حامتنى. وجبتلى حقى. وصدقتنى. وكمان عايشتنى فى بيتك. وامنت أهل بيتك عليا. ودمعه نزلت منها. انا لو فضلت ارد جميلك انت وطنط مريم. انا مش هوفيكو حقكو. وجميلكم ده فى رقبتى طول العمر. وعمو طارق. وكمان زياد ومراد وفهد. وبالاخص بابا جاسر وماما ملك.
انهم وافقو اني اكون جزء من عيلتهم. ودموعها نازله. ومريم مسحت دموعها. وقالت والله رينو بنتى صدقت. انتى دموعك دى كلها تسقى زرع الفيلا. ايه ساره الل انتى بتقوله ده. انتى كل شويه هتقولى الكلام ده. ياحبيبتى احنا اهلك. وعزوتك. وبعدين انتى من عيلة الصاوي. يعنى عيله مش قوليله ابدا. حبيبتي دي ليله فرحك اسمه فرح. يعنى تفرحي وتعيشى حياتك. وبلاش بقى تنكدي على مالك. الواد صبر عليكى كتير ومصدق يفرح. فرحي مالك ياساره. وافرحي انتي كمان ياروحي. وحضنو بعض.
آدم اسمعي انا بقولك قدام مالك اهو. لو زعلك في يوم. تسيبله البيت وتيجي عندي. وصدقينى. هشدو شاده محترمه.
مالك اله يخالو. ده بدل ماتوصيها عليا.
آدم لا انا واثق فى ساره انها هتسعدك. لكن لو زعلتها يامالك هتلااقينى انا واقف فى وشك. وساعتها هنسي انك ابن اختى تمام يابطل.
مالك ابتسم. وهو حد يقدر يزعل قلبه. واخد ساره. وركبت العربيه ومالك اتحرك بيها
على عشهم..
بقلمى Mariem Nasar
محمد شايل تمارا. ونور ماسكه تيم فى ايديها. ومش عايز يسيبها. ومحمد اخدهم على الشقه. وغمز ل نور وقالها انا هنيم. تيم وانتى نيمى تمارا. لانى عايزك فى موضوع مهم جدآ جدآ جدآ.
مراد بقولك ايه ياموزه.
فريحه نعم ياقلب الموزه.
مراد احنا هنطلع على شقتنا..
فريحه بكسوف. الل تشوفه يامراد.
مراد وطي وشه قدام وشها. مش عارف يافريحه. مش لايق على دكتورة بهايم انها تتكسف.
فريحه كشرت عينيها. وجت تسيبه وتمشى.
مراد شدها من دراعها. اقسم بالله. لو عملتى الحركه دى وانك تمشى من قدامى وانا بكلمك هتشوفى مراد تانى خالص.
فريحه وقفت وربعت ايديها ومردتش عليه وباصه قدامها ومكشره.
مراد ياساتر على بوزك. اهو شوفتى. اسمع أن فى بوز بطه. بس اول مره اشوفه ههههههههه.
فريحه صكت على أسنانها. ومردتش.
مراد ماخلاص يابت. افردي بوز المعزه ده.
فريحه موووراااااد.
مراد عيونه والله.
فريحه يلهوى على كدا.
مراد اموت فيك انا كدا. ها نطلع على عشنا ولا نروح ونتخانق لتانى مره.
فريحه ابتسمت انت لسه فاكر يامرادي اننا اتخانقنا مره واحده بس.
مراده طبعا ولا عمرها هتتكرر. يابت انا بعشقك يابت.
فريحه اتنهدت بسعاده. طيب يلا على عشنا.
مراد اهو شوفتى انك مبتتكسفيش هههههه.
فريحه اتغاظت تانى. وبصتله بشرز.
مراد تؤبرنى هاى النظره. وضحكو واخدها على عشهم 
والكل بدء يتحرك على بيته. وفهد متكلمش مع رينو لان وشها والكسوف الل واضح عليها غنى عن السؤال. وماشى وراح شقته القديمه. لانه رافض يعيش في شقت?
لانه رافض يعيش في شقته الجديده لانه عايز يعيش فيها مع معشوقته الصغيره وكان. مبسوط لاول مره من ٤سنين. ووقف فى البلكون وفاتح السلسله وبيضحك بحب. وسرحان فى معشوقته الصغيره الل خطفت قلب الفهد..
آدم اخد عيلته وروح على بيته.
وطارق وعيلته وروحو على البيت. وطارق لسه بيفتح الفون علشان يلعب يابجى. رنا اخدت منه الفون وقفلته خالص. وسابته وطلعت على اوضتها وكانت مقموصه.
.وطارق رقص حواجبه. وطلع بسرعه وراها علشان يصالحها بطريقته.
ورنا مقدرتش تقاوم كلام طارق وحبه ولهفته عليها. وصالحها اخيراا.
رينو. طلعت اوضتها. وقلبها بيضحك ومبسوط. ووشها نور اكتر من الاول. وجاتلها رساله حب من هشام. واستغربت. لكن ادايقت من الطريقه دى وعملت بلوك للرقم. وده طبعا هيجنن هشام.
رينو. نامت على السرير وماسكه السلسله الل فى رقبتها وسرحانه فى حبيبها وبتفتكر اشاراته ليها. وحضنت المخده وهي مبسوطه. وشافت الساعه وباستها. وحاولت تنام وهي بتفكر فى عشقها.
مالك وصل تحت العماره. ونزل وشال ساره. لحد باب الشقه. وكانت مكسوفه جدا. ودخل بيها الشقه. ونزلها في اوضة النوم. وهي كانت متوتره.
مالك واقف قدامها. وبيتملا فيها وساكت. كأنه بيقول لنفسه معقوله أخيرا. الل قدامي دى حبيبتى.
ساره واقفه ساكته. وبلعت ريقها بتوتر. وبتفرك في ايديها. وسكوت مالك موترها اكتر
مالك اتنهد بحب. ساره.
ساره بتوتر. ووشها باصه فى الارض نعم يامالك.
مالك قرب منها خطوه. ورفع دقنها بايده. مبروك ياحبيبتى.
ساره احم. ا الله يبارك فيك.
مالك مسك وشها بايده. عارفه انا مش مصدق انى انا وانتى فى بيت واحد.
ساره حاولت تبطل تتوتر. احم. وانا كمان يامالك حاسه انى بحلم.
ساره ارتجفت. وغمضت عينيها.
مالك شاف توترها. واخدها في حضنه. يطمنها. ومسد على شعرها. شش اهدى. انا مش عايزك تخافى منى. انا عمرى ما هعمل حاجه تأذيكى ابدا. انا بوستك بس من اشتياقي ليكى. لكن مش علشان تخافى منى كدا.
ساره غمضت عيونها بحب. واستكانت. لا يامالك. انا عمرى ماخاف منك ابدا. لكن ده الطبيعى يحصل. انى اكون متوتره.
مالك زاد من حضنها. طيب ايه رايك. نتوضى ونصلى. وساعتها التوتر يقل. وحب يضحكها.. وساعتها يمكن الاقيكى انتى الل بتقربى منى وتبوسينى. وانا اقولك لا ياساره لا. حرام عليكى معندكيش اخوات بلاستيك. ههههه
ساره ضحكت فى حضنه. وخۏفها قل. وقالتله خلاص موافقه.
مالك موافقه تبوسينى.
ساره ابتسمت بحرج. موافقه نصلى يامالك
مالك اممم كان نفسي.
ساره نفسك فى ايه !!
مالك نصلى ياساره. والاتنين ضحكوا. ومالك جواه حرب لان ساره هيتجنن عليها.
وخرجت من حضنه. ودخلت الحمام. واتوضت. ولبست طقم جميل لكن كانت مكسوفه جدا. بس فكرت في كلام مريم. ولبست الاسدال وخرجت.
مالك منتظرها. وابتسم اول ماشافها. وصلى بيها.. وقال الدعاء. ومالك وقف. وساعد ساره ووقفت قدامه. ومالك. فك حجاب الاسدال. ورجع خصله شارده ورا ودنها. جعانه !
ساره هزت راسها لاء.
مالك طيب ايه رايك نطلع نأكل حاجه بسيطه. اصل براحه حبيبك مالك جعان.
ساره هزت راسها حاضر.
ومالك مسك ايدها. وخرج بيها وراح على المطبخ. وحط الاكل الل ساره بتحبه. لانه عارف انها جعانه. ومسكها من أيدها واخدها فى الليفنج. وقعد وهي قعدت جمبه بكسوف. وبدء يأكلها. وابتسم لانها فعلا كانت جعانه. وتوترها قل وهي كمان أكلته. وجابلها منديل ومسح بوقها. وحط الاكل على الترابيزه. واخد ساره فى حضنه. وبعدها. وحط راسها على رجله وبيمسد على شعرها بحنان لحد ما استكانت تماما. ومالك نزل على عيونها وباسها. وقلبه بيدق وساره داخت وقلبها هيطلع من مكانه. 
وبعد فتره كبيره.
مالك مرجع ضهره الورا وساره مخبيه وشها فى حضنه. ومكسوفه. ومالك بيضحك على شكلها وكسوفها الل عشقه اكتر من قبل. وحضنها بكل حب وباس على راسها. مبروك. ياقلب مالك.
ساره اتنهدت بحب. مبروك عليا مالك حبيبى وبس.
ساره حبيبى.
مالك عيون حبيبك.
ساره مغمضه عينيها. وبتنام. ممكن انام انهردا كدا 
مالك كدا !! كدا ازاى يعنى !.
ساره بتروح فى النوم. ف..في حو..ضنك ونامت.
مالك ابتسم. حبيبتي دا مكانك من هنا ورايح. وسمع صوت نفسها الل انتظم. وعرف انها نامت. ومالك ابتسم. وباس راسها. ونزل بشويش على السرير واخدها كلها فى حضنه. ومالك. نام والابتسامه مش فارقت وشه لحد مانام.
والحمدلله. تمت نقل مليكت ساره. ل ساره مالك الصاوي. ونقولهم مبروك. وعقبال الفهد والمعشوقه.
. هشام واقف قدام المخزن. وصوت العربيات مدايقه. لان المخزن خطوتين وتكون على الطريق بالظبط. وقاعد. والحرس حواليه. ومتغاظ. وبيفكر اعمل ايه. أشوفها ازاى اتكلم معاها ازززاى وعملت الشريحه معايا بلوك. وفاضل معايه اخر شريحه.. انا مش عايز اخسرها. انا عايزها. عايزها بأى طريقه. إن شاله ليله واحده. لالا مش ليله واحده انا عايزها على طول. لاااا الجمال ده لازم تشوفه عينيه لاااازم يتبع.
بقلمى Mariem Nasar
تكملة الحلقه 41 الاخيره. ساعدني ياخويا الله يسترك. والراجل ساعدها والست قفلت الباب والعربيه اتحركت.
الست فى العربيه قلعت النقاب. والجوانتى. وبصت على لارين. يخسارتك دى انتى زى القمر.
السواق. اخلصى ياوليه. اتصلى على الرجاله يقابلونا مصر صحراوى علشان اكيد في كاميرات قدام المحلات.
الست وانت خاېف من ايه. العربيه مسروقه. وانت مركب دقن. ومغير وشك. وانا لابسه نقاب ومش باين منى حاجه. والعربيه هتقف على اول الطريق. وهيستلموها مننا. بس صدق البت حلوه اووى.
السواقطيب قلبيها كدا. وشوفى معاها دهب او فلوس احنا اولا بيهم.
الست لااا. انت عايزنا نخسر الرجاله. وخصوصا أن هشام بيه دافع بزياده. خليها زى ماهي كدا. وبصت على رينو. وانبى انتى خساره فى الل هيحصلك. بقولك