چريمة عشق لمريم نصار الجزء الثاني

الل بيفكر في الالماس. ضربه بوكس كشاف فى وشه. توفيق رجع بضهره واغمي عليه.
آدم اتعدل وقام. وقالهم. يلا نضفو الفوضى دى. وهنطلع على المخزن. لكن مالك هياخد ساره على البيت علشان تستريح. ومتقلقش يامالك كل حاجه انت عايزها هتحصل. لكن بعد السنه ونص. توفيق وسوزان هيتقدمو للمحاكمه. فى قانون فى البلد فاهم يامالك.

مالك. هز راسه بتفهم. وسند ساره. واخدها على العربيه.
وطارق. وجاسر واتحركو على العربيه.
آدم بص للشباب انا هستناكو بره. واتحركو بسرعه.
زياد راح علشان يشيل توفيق ويخرج.
فهد ومراد. واقفين يبصو لبعض. وكل واحد مستنى التانى يروح يشيل سوزى الل مغمى عليها..
فهد يلا يامرا اتحرك هات الست دى ويلا.
مراد مين انا.. ريوولا ام غل لا يعم انا مينفعش اشيل ستات.
فهد بغيظ من برود مراد. يبنى انجز. وهي فين الستات دى.
مراد طيب ما تنجز انت وشيلها وهاتها يلا على العربيه.
فهد بتوتر. احم لا مينفعش. مابشيلش ستات انا.
مراد هههههههه. ايوه على يدى. باامارة الخنفسه هههههههههههه. ولا استنى استنى البنت الل كانت مع ايلان. طلعت الطياره ازاى ! بالدعاء هههههه وغمزله. بقى ياشقى. تشيل انت صاروخ امريكا. وانا اشيل برج العرب. هههههههههههه
فهد بيصك على اسنانه. اولا انا شيلتها علشان مكنش فى حد موجود غيرى. والظروف كانت غير كدا تمام. ويلا بقى متتعبنيش معاك وشيلها.
مراد لا يسطى. انت عايز ثقة فريحه تتهز فيا !!. تؤ شيلها انت.
فهد مسح وشه باايديه. اللهم طولك ياروح. مراد انجز وشيل الحيزبونه دى. انا مش هشيلها.
مراد امممم طيب والحل. ايوه لقيتها. احنا نقول ل مالك يشيلها مش المفروض دى هتبقى حماته. هههههههههههه.
فهد صك على اسنانه وقبض على ايده. يبنى. الله يخربيت كدا. نطلع بره. ونقول ل مالك ايه ! تعالى شيل الل انت مموتها بايديك. ماتخلص بقى بطل تفاهه.
مراد مط شفايفه وهز رأسه. وحط ايده فى وسطه. وبص ل فهد. انا مش هشيلها وده اخر كلام عندى.
آدم من بره بصوت جهوري متعصب. مرااااد. فااااهد.
مراد وفهد بسرعه راحو عند سوزى. ورفعوها من دراعتها وساندوها لحد باب العربيه.
آدم بصلهم. ايه. بتعملو ايه كل ده.
الاتنين فى نفس الوقت. كانت معصلجه معانا. وبصو لبعض وضحكو.
آدم طيب. يلا ياخفيف انت وهو. هنتحرك على المخزن القديم. وكلهم اتحركو. وراحو عند المخزن القديم. وعباره عن مخزن. متوسط. والشبابيك فيه عباره عن فتحات صغيرة جدا. ومرفوعه لحد السقف. وباب واحد كبير ومتجنزر. وحوالى ٥ كراسى حديد تقيله. وكراكيب
..ومراد وفهد ربطو توفيق على كرسي. بجنزير فى رجليه. وايديه ووسطه. واكتر من قفل على الجنزير. وكل قفل مبسطرينه واتقفل. وسوزى بنفس الطريقه.
وآدم عين حرس خاص عليهم. وآدم نبه عليهم. انهم يكلو ويشربو وقت مايحبو. محدش يمنع عنهم الاكل والشرب. لكن كل فتره. يضربوهم. وكمان سوزى شعرها يتقطع بالايد. لان دى رغبة ساره.. ومالك بالتحديد. وقالهم مهما ېصرخو سيبوهم ېصرخو. وآدم ومالك وجاسر. كل فتره هيجيو يبصو عليهم.
. توفيق وسوزى فاقو وخافو بړعب. لان حواليهم رجاله حرس كتير ومسلحين. واټصدمو اول ماشافو نفسهم متجنزرين بالطريقه الصعبه دى. واستحاله يتفكو.
.سوزى تتوسل ل آدم. وتقوله ابوس رجلك سبنى. هشتغل خدامه تحت رجليك بس ارحمنى وصړخت كتير. وكأنها بتكلم نفسها. وآدم والشباب كلهم بدؤ يتحركو.
.لكن آدم وقف مكانه. لما سمع سوزى وهيا بتقوله وحيات مريم الجزار اعتقنى. لو بتحبها فكنى وسبنى.
. كلهم والشباب اتوترو لانها حلفتو بااهم حاجه فى حياته.
آدم راح وقف عندها. وهي فرحت علشان آدم هيفكها.
. لكن آدم. قرب من وشها. وقالها. وحياة الل نطقتى باسمها قدام الرجاله دى. لاندمك على كل حرف نطقتيه. وعايز اقولك. انك هتتعذبى هنا سنه ونص زى ساره بالظبط. وبعد السنه ونص هتتحولى للتحقيق وهتتحاكمى ومبروك عليكى الاعډام ياسوزى.
.واتعدل. وبص للحرس. وقالهم اول مانخرج من هنا. انا عايز اسمع صوت صريخها. واول حاجه هتعملوها. تكسرو دراعها الشمال. وتسيبوه يلحم مع نفسه. وبكره تكسرو دراع الكلب ده بنفس الطريقه.. ولف وسابهم ومشى. وهي بتصرخ باستغاثه. ومحدش اهتم ليها. وقفلو باب المخزن. وسمعو صرخه بصوت سوزى كله. وكدا دراعها اتكسر. وآدم قال بدء العد التنازلي.
واتحركو من عند المخزن ومشيو.
جاسر. اتحرك وروح على بيته علشان ملك قعده قلقانه ومتوتره. وخاېفه عليهم. وخصوصا مالك.. وروح علشان يطمنها.
أما الباقى كلهم طلعو على فيلا العدوي.
آدم. دخل البيت. وبعدها شاور للكل يدخل لان مريم لابسه النقاب والبنات لابسه حجابها علشان مالك موجود وكلهم قاعدين في الليفنج حوالين ساره الل قاعده ټعيط. الكل دخل وسلمو على بعض.
وآدم قعد وجمبه طارق. وزياد جمب مالك. ومراد سابهم وطلع لفريحته فوق يطمن عليها وينزل وفهد عيونه على معشوقته. الل ما اخدتش بالها منه وأنه واقف وراها.. وابتسم على شكلها وطريقه كلامها الطفولية علشان تضحك ساره.
رينو قاعده جمب ساره. بس بقى ياساره. الله يخربيت كدا. انا زهقتلك سلف. انتى دموعك دى كلها تسقى الزرع الل في الجنينه. اقولك علي حاجه. عمو عبدالله الجناينى واخد اجازه والزرع عطشان. تعالى. انا هاخدك الجنينه. ونروح عند كل شجرة. واقولك عيطى هنا ياساره. وتعالى عيطى عند الورده دى ياساره. وتسقى الزرع كله. ايه رأيك فكره مفتكسه.
وكلهم ضحكوا. حتى ساره. ومالك ابتسم لما ساره ضحكت.
رينو ايوه كدا ياشيخه اضحكى. اوف انتى استنفذتى كل طاقتى. انا جوعت بسببك وقامت بمرح. مين هيتعشى معايه. وبتشاور بصوبعها. انت يابابى
آدم والله معنديش مانع ياروح باابي.
رينو. شاورت وانت ياعمو طارق. وبليزززز توافق العشا هيبقى ليه طعم فى وجودك.
طارق ومين قالك انى هرفض. عبيط انا مثلا. انا هتعشى وكمان وانا ماشى هاخد عشا لرنوش قلبى. وكلهم ضحكوا..
رينو شاروت. اممم. وانت ياباشمهندش زياد.
زياد رفع ايديه. لاااا. انتى عايزه ماليكه تنيمنى قدام باب الشقه. مش الاوضه كمان. لا انا هتعشى معاها هي مستنيانى. شكرا يارينو.
رينو اممم واضح ان مليكه مسيطره. وكلهم ضحكوا وشاورت. طبعا انتى يامامي صحبت البيت. وكمان أبيه زين وريتال. وبتلف. شافت الل واقف ومربع ايديه ومبتسم وعيونه عليها. رينو قلبها دق و اتوترت. لكن لازم تكمل. احم وقالت بتوتر. وانت يافهد. هتتعشى وكملت بهزار. علشان تدراى توترها.. ومتقولش لأ. علشان عمو طارق هياخد اكل ل خالتو رنا وبس. كلهم ابتسمو.
فهد حب يفك شويه. ويعيش بحريه. طبعا موافق. وقالها بحب. انا اصلا جعان يارينو. وقلبهم الاتنين دق.
رينو حست انها سقعانه. وبصت احم. وانت يامالك. ولو قولت لأيبقى ساره مش هنعشيها انهردا.
مالك. ابتسم. لا انا هاخد ساره وهنتعشى بره انهردا. وده بعد اذنك طبعا ياخالو.
آدم والله يامالك هو المفروض. أرفض لان كدا اوفر اوى بصراحه.
مالك ليه بس ياخالو. منا قولت اتجوزها وانت الل مش موافق.
آدم بتمثيل.. بص ل طارق. بزمتك هو طلب ساره للجواز وانا رفضت !
طارق طبعا انا زمتى استك. ويازين مااخترت انك تحلفنى. بس لا مالك مطلبش ايد ساره للجواز لحد دلوقتي ومش عارف هو مستنى ايه !
مالك وساره بدهشه ملقوش رد.
آدم انا مش موافق أن ساره تخرج معاك. غير لما يكون فى ارتباط رسمى.
مالك بفرحه. طيب يخالو. منا قولت اتجوزها.
آدم بص ل طارق. هو الواد ده حمار ليه.
طارق معلش نستحمله. انا هفهمه. وبص ل مالك. انت يبنى. إلل عايز يتجوز ده. مش بيتقدم لعروسته. ويطلبها للجواز. وياخد الموافقة وبعد يحددو ميعاد الخطوبه والفرح.
مالك بعدم فهم. ايوه انا مطلوب مني. ايه !
آدم ضړب كف على كف. لله الامر من قبل ومن بعد. وبنفاذ صبر. مالك يبنى. هي ساره دلوقتي مسؤله من مين !
مالك حضرتك ياخالو قولت انها مسؤله منك.
آدم تمام حلو اوى. يعنى انا فى مقام والد ساره. وهي مسؤليتى. يبقى انت عايز تتجوزها تعمل ايه !
مالك بغباء. اتجوزها. هعمل ايه يعنى !
فهد ضحك ومريم كل الموجودين وساره.
طارق ولا انت غبى ليه. عايز تتجوز ساره. يبقى تطلب ايديها من آدم فهمت يخربيت ام فصلانك ياشيخ.
مالك استوعب. ايوووه. ايوه. فهمت تمام. طيب ياخالو. انا بطلب ايد ساره للجواز من حضرتك.
آدم وحياة امك. سلق بيض هو. وحط رجل على رجل. إن شاء الله تشرفنا انت وعيلتك. بكره. وتيجو تتقدمو لبنتا ساره وهنفكر وهنبقى نرد عليكو.
مالك بفرحه بجد ياخالو. بس انا عايز جواز على طول.
ساره صعبت عليها نفسها. وممنونه ل آدم ومريم كتير. وكمان بيعتبروها بنتها. وعيطت. والكل حاول يهديها.
آدم كفايه بقى ياساره. انسى وعيشي حياتك. والله يابنتى ربنا ديما ليه حكمه في كل حاجه بتحصل حوالينا. رب الخير لا يأتي إلا بالخير.
مريم ساره ياحبيبتى رب العالمين قال.
بسم الله الرحمن الرحيم
قل لا أملك لنفسي نفعا ولا ضرا إلا ما شاء الله ۚ ولو كنت أعلم الغيب لاستكثرت من الخير وما مسني السوء ۚ إن أنا إلا نذير وبشير لقوم يؤمنون
صدق الله العظيم
وفكرى. تانى إن ربنا قالك. يلا ياساره آن الأوان. علشان ترجعى لمالك. واداكى دفعه قويه. وييسرلك الآمر وقدرتى تهربى. وربنا عمى عينيهم عنك. واهو دلوقتى الحمد لله اتعالجتى. وظهرت برأتك. وربنا كافئك. ورجعتى لينا بالسلامه. ويمكن سبب وجودك فى الحياه وانك تختلفى عن عاصم وسوزى وابتسام. جدك صلاح الله يرحمه. وديما اسمع عنه كل خير. واكيد من حقه أن يكون عنده ذريه طيبه بالجمال ده. فكرى بايجابيه ياحبيبتى. وادعيلهم بالرحمه. ربك ليه حكمه في حاجه بتحصل.. رب ضارة نافعه واتكلمت معاها شويه.
مريم بتتكلم. وآدم عيونه عليها وعايز يخطفها جوه قلبه. وابتسم واتنهد بسعاده. من الل عشقها ليه بيزيد يوم عن يوم..
ساره حمدت ربنا فى قلبها. وشكرت مريم. لانها حست براحه بعد كلامها. ودمعه تانى نزلت منها 
رينو اووووف عليكى ياساره. ياشيخه افرحى بقى ام النكد ده. بت انتى عارفه لو مضحكتيش دلوقتي. انا مش هوافق على الجوازه دى. انتى جوعتينى اكتر انا هروح اقول لزوزو تجهز العشا دوبل وكلهم ضحكوا وخصوصا فهد.. وساره ابتسمت وفرحت.
مراد نزل وشايل مريم نونو. وفريحه نازله جمبه.
وزياد استأذن علشان مليكه منتظراه ومشي. والعشا جهز. والكل اتعشى. وكان وقت جميل. وكان فهد ورينو بيسرقو النظرات. وفهد كان مبسوط قوي لما شاف أن رينو لبست الساعه. واتنهد بسعاده. وبعد العشا. طارق استأذن وآدم اتمشى معاه لحد بوابة الفيلا.
طارق قولى يا آدم. مش كنا قدمنا الادله. ضد توفيق. والالماس. وكانت ساره هيبقىى ليها نسبه ١٠٪ في الالماس ده. واهي تبدء حياتها من جديد. لسه هتستنى سنه ونص.
آدم لا يصحبى ولا سنه ونص ولا حاجه. انت شايف مالك مدايق قد ايه. وده قراره أنهم يتعذبو زى ما ساره اتعذبت بالطريقه نفسها.. وانا لما لقيته مصمم وافقته بس قولت. هنسيبهم في المخزن فتره. لحد ما