ابن ليل الجزء الأول لأميرة أسامة
المحتويات
عليكي
سماح اديني سكت اهو رد عليا
حسن الدنيا كانت والعه عندنا لانهم ميعرفوش انها جايه وكيرو لسه معرفش
سماح انت كنت عارف انها جايه
حسن عرفت امبارح بس امي اللي كانت عارفه
سماح طب وبعدين
حسن ولا قبلين خلاص رجعت واللي حصل حصل
سماح طيب وهتسافر امته
حسن لا مش هتسافر عمتي اتطلقت من جوزها وهتعيش هنا
حسن هي لسه هتولع هي ولعت خلاص وبكره بس كيرو يشم خبر وهتشعلل اكتر اللي مخوفني من رد فعله ان الدنيا بينه وبين ابويا تبوظ اكتر
سماح على اساس انهم بيتكلموا اوي
حسن ايوه بس في فرق يمكن مبيتكلموش لكن كل واحد في حاله كل اللي بينهم مناقره في بعض مش اكتر لكن وجود دره هيقلب الدنيا انا عارف
حسن بنقولك ايه ولا كأنك سمعتي حاجه وخصوصا قدام سونه
سماح اطمن اكيد مش هنقولوا حاجه انا مش حمل اللي هتعمله لو عرفت ان عمتك رجعت
حسن بس كده خلينا بعيد بدل ما نتاخدو في الرجلين احنا مش ناقصين
سماح ماشي انت هتنام
حسن اه مش قادر كفايه الوش اللي حصل دماغي هتتكسر
سماح طيب خلاص روح نام ولما تصحي كلمني
سماح وانت من اهل الخير
قبل كام ساعه من معرفه كرم بوصول دره صحيت دعاء من نومها مقدرتش تنام اوي من كتر فرحتها برجوع دره اتسحبت بهدوء من جنب عبدالله وراحت علي اوضه حسن كانت الساعه تسعه الصبح
دعاء حسن ولا يا حسن
حسن بفزع في ايه يا اما اتعاركو تاني
دعاء مين اللي اتعارك يا ابن الهبله انت بتحلم
دعاء لا محدش اتعارك وزمان الكل نايم
حسن ولما الكل نايم بتصحيني ليه يا دعاء
دعاء ياولا ما انا النوم طار من عيني وملاقتش غيرك قدامي نيجي نسأله
حسن تسأليني علي ايه
دعاء تفتكر اعمل اكل ايه لعمتك وبناتها ايه رأيك نعملوا تشكيله محاشي ولا نعملوا فته وكوارع ولا بلاش فته وكوارع بنات دره شكلهم ملهمش في الاكلات دي
دعاء ياولا رد انا بنكلم نفسي مالك متنح كده ليه
حسن يعني انتي جايه تصحيني من النوم يا أما عشان تساليني تعملي اكل ايه
دعاء ايوه عليك امال نسألوا مين بس
حسن حرام عليكي سبيني ننام انا ملحقتش نغمض ولسه شويه وهننزل الدكان
دعاء نامت عليك حيطه ما تقوم يا ولا تكلمني زي ما بنكلمك
حسن كمان مش عاجبك امشي يا دودو امشي ربنا يهديكي سبينا ننام شويه عشان نجروا علي اكل عيشنا
اني حسباك بني ادم وبنتسايروا معاك
حسن انتي صح انا مش بني ادم واتكلي على الله سبينا ننام كمان ساعه وبعدين انا عايز نعرف انتي جايبه برود الاعصاب ده منين انتي ناسيه ان كرم لسه معرفش وهيولع الدنيا بس يعرف وجايه تقوليلي محاشي وفته وكوارع
دعاء داهيه تسد نفسك عيل نحس
حسن يلا اخرجي بقي ساعه وصحيني
دعاء ياولا انت لسه هتنام مش قولت لابوك وجدك انت اللي هتفتح
حسن يا أما زمان الرجاله فتحوا تحت سبيني انام ساعه وبعدين ننزلهم
دعاء ابقى شوف مين اللي هيصحيك وحياه امك قامت دعاء من جنبه سحب حسن الغطاء عليه وغمض عينه وفجأه قربت منه دعاء تاني وقعدت جنبه
دعاء ولا يا حسن تفتكر دره والبنات صحيوا نروحوا ننزلهم
حسن هي ليله سوده انا عارف يا اما ارحميني مين دول اللي صحيوا هو في حد فينا لحق ينام انا عايز بس نعرف انتي ايه اللي مصحيكي من النجمه كده
دعاء النوم طاير من عيني يا ولا
حسن طيب سبينا ننام الله يرضي عنك
دعاء يااااساتر اتخمد
خرجت دعاء وسابته يكمل نوم وفضلت تفكر تعملهم اكل ايه
على الساعه 11 صباحا صحيت دانه من النوم بصت جنبها لقت ديما نايمه كانت عايزه تدخل الحمام بس خاېفه تخرج ومش عارفه دره ودارين صحيوا ولا لسه قامت براحه راحت علي الباب فتحته بهدوء وبصت براحه مكانش في حد بره خرجت بسرعه ومشيت على اطراف صوابعها وجريت على الاوضه بتاعت دره فتحت ودخلت بسرعه وقفلت وراها
دارين بصوت واطي عشان دره متصحاش بسم الله خضتيني
دانه انتي صاحيه
دارين ايوه صحيت من شويه مالك داخله تتسحبي كده ليه
دانه ھموت وادخل الحمام يا دارين وخاېفه الاقي تيته في وشي
دارين ومين سمعك انا ماسكه نفسي بالعافيه و مړعوبه بصراحه اخرج فا قولت اتحمل لحد ما مامي تصحي او طنط دعاء تنزل
دانه طيب ايييييه انا مش قادره
دارين وطي صوتك عشان مامي حرام سبيها نايمه
بصت دانه على دره وابتسمت
دانه اول مره اشوف مامي نايمه بالعمق ده كأنها بقالها سنين منامتش
دارين فعلا مامي نومها خفيف اوي وبتصحي من اقل حركه اول مره اشوفها ڠرقانه في النوم كده
دانه يظهر بيتها و أوضتها كانوا واحشينها اوي اصلا مفيش حد بيرتاح غير في بيته
دارين هو انتي معاكي حق وانتي عارفه اني عمري ما بعرف انام غير في السرير بتاعي بس بصراحه انا حطيت دماغي محستش المكان هنا مريح جدا والجو العام يخليكي تحسي بالراحه ڠصب عنك
دانه امبارح لما دخلنا الاوضه التانيه انا وديما قولتلها اني بيتهيألي مش هعرف انام بس نمت على طول انا كمان ويمكن منمتش كتير بس مش عارفه ليه حاسه اني فايقه
دارين وانا كمان امبارح قولت هطمن ادم واعرفه اننا وصلنا بس نمت ومعرفتش ابعتله صحيت لاقيته
متابعة القراءة
