ابن ليل الجزء الأول لأميرة أسامة
المحتويات
سمعته ده مش صح قولها انكم بتهزروا او ده مقلب تقيل شويه
يوسف بإرتباك ااااا بنات الكلام ده مش
دينا بجحود حقيقي يا بنات
بصلها يوسف وسكت
دينا كل كلمه سمعتوها حقيقيه
يوسف دينااااا
دينا ايه يا يوسف مالها دينا مش دي الحقيقه واظن احنا كنا متفقين نواجه الكل واهي الفرصه جات من عند ربنا
مسكها يوسف وبعدها عن دينا
يوسف اطلعوا اوضتكم يلاااااا
فضلت دره على وقفتها بصاله وباصه لدينا وفي دنيا تانيه شايفه دموع بناتها و انهيارهم و شايفه في عيون يوسف قسوه
طلعوا البنات اوضتهم بسرعه
بصلها يوسف من غير ولا كلمه
دره ولادنا يا يوسف هما اللي منعوني مقدرتش اخليهم يشوفوا ابوهم وامهم وهما واقفين قدام بعض مقدرتش اخليهم يشوفوا وشك التاني مبروك عليك يا يوسف كل حاجه خدتها مني
وبما اني مبقتش املك اي حاجه هنا فا وجودي هنا انا والبنات ملهوش اي لازمه وهرجع مصر واظن ده تاني جزء من خطتتكم اللي كنتوا بتخططوا ليها عشان تخلصوا مننا
وعشان انا بنت اصول يا يوسف لاخر لحظه بينا هحققلك أمنيتك مش عايزه اي حاجه ولا هعافر معاك عشان ارجع حقي لان لو على الفلوس والشغل والبيت كل ده
تحجزلي اول طياره راجعه مصر ليا انا والبنات معلش هنخسرك شويه من الفلوس اللي خدتها بس لحد ما نسافر يا يوسف مش عايزه اشوفك هنا في البيت
باااااااااك
فاقت دره من ذكرياتها الاليمه على صوت إعلان وصول الطياره اللي هتنقلهم مصر مسحت دموعها بسرعه ورسمت إبتسامه بسيطه على وشها
دره يابنات يلا أصحوا الطياره وصلت وبينادوا على الركاب عشان يتحركوا
قاموا البنات بتعب وبدأوا يتحركوا
ديما كده خلاص رايحين مصر
ابتسمت ابتسامه هاديه نسبيا وهزت راسها
دره إن شاء الله يا بنات خلاص فات وقت طويل مبقاش فاضل غير كام ساعه و ترتاحوا انا عارفه ان انتوا تعبتوا اوي
دارين بتردد مامي ااا
دره شكلك عايزه تقولي حاجه يا دارين صح
دارين لا لا خلاص مفيش
دره أسالي يا دارين قولي كنتي عايزه ايه
دارين يعني يا مامي انا مش حابه أسالك أي سؤال يضايقك بس بصراحه محتاجه أسالك سؤال
دره قولي ياروحي انا مستحيل اضايق من اي سؤال منكم
دارين يعني هو أحنا لما نوصل إن شاء الله طنط دعاء هتكون موجوده في شقه جدو تحت
دره بإستفسار هي قالتلي هتكون موجوده بس ليه السؤال ده
دارين مفيش بس يعني انا شايفه ان وجودها مع حضرتك هيكون أفضل عشان متبقيش لوحدك
دره قربت ايدها من خدها بحنان اطمني يا روحي وبلاش الخۏف اللي انا شيفاه في عيونك انتي واخواتك ده انا قولتلكم امي وابويا واخويا مهما كان غضبهم مني مستحيل يكون قلبهم قاسې ولو فرضنا ان قلبهم قسي عليا لما يشوفكم معايا مستحيل قلبهم ميلينش وانا واثقه انهم هيفرحوا بيكم اوي حتى لو مبينوش ده في الاول بس انا عارفه وشايفه اللي جوه قلبهم من قبل ما اشوفهم ولو على دعاء اطمني يا ستي هي قالتلي هتفضل تحت معاهم وكده كده انا هبقى معاها عالموبايل اول ما نوصل هعرفها ولو مش تحت هتنزلنا أطمنتي
ابتسمت دارين وهزت راسها بحب
دره يلا بينا بقى قبل الزحمه دي
دارين يلا بينا
طلعوا على الطياره وبعد حوالي نص ساعه بدأت الطياره تتحرك إلي ارض الوطن
اما في أسكنديه على الساعه اتنين صباحا كان الفرح خلاص بيخلص اغلب الناس مشيت وخلاص هيزفوا العريس والعروسه انسحب بكر والشباب بعد ما باركو تاني لسمير
بكر ايه يلا نطلع
هيما اطلع انت يا بكر شويه ونيجي وراك
بكر على فين يا صايع منك ليه
هيما ياعم هنروحوا البحر شويه ونرجع
بكر الوقت انتوا مش شايفين الجو عامل ازاي
محمد ما تطلع يا بكر بقى هنتمشوا شويه ونجيب اكل ونرجع
بكر طيب انا بنقولكم اهو لو اتأخرتوا أمكم مش هتسمي عليكم
احمد لا ما انت وشطارتك بقى تبقى انت والشيطان تالتكم وقتها مش هتفكر فينا اصلا
بكر ياولا احترم نفسك دي امك
هيما الحق عليه الولا بيخليلك الجو
بكر حتى انت بتحرضني على اختك تصدق بالله انت وهو مها ما ينفع معاها لا جو ولا شيطان ولا حتى لو ولعنالها شموع وعملنا جو رومانسي دي مجنونه
هيما ياعم شد حيلك انت واحنا مش هنتأخروا هنجيب اكل ونرجع
بكر طيب يا اخويا في السريع ورانا بكره شغل كتير وانت بالذات عندك شغل اكتر هتقف مع الصنايعيه عشان تظبطوا الدكان
هيما متقلقش عارف وابويا مأكد عليا
متابعة القراءة
