لن اتخلى عنك لناهد خالد
المحتويات
الي بيحصل وقال_
_معلش هتضطري تستني تعرفي الحقيقه التانيه..
_حقيقه ايه
_حقيقه اللي حصل زمان... امجد هو الي كان ورا الورق المزور بتاع جوازي من ندي وورا الصور وورا كل حاجه حصلت حتي كلام ندي ليكي.
_أنت كداب..
قالها أمجد بثقه وهو بيبص ليونس.
ابتسم يونس ببرود وقال _
_هنشوف حالا.
خرج من جيبه موبايله وفتحه علي مسجل صوتي كان بين ندي وأمجد في نفس اليوم الي ندي راحت ليونس فيه من ٤ أيام وهو طلب منها تروح تعرف ريم الحقيقه وقتها هي قررت تروح لأمجد وتسجل كلامهم.
_عاوزه اعرف أنا استفدت اي يا أمجد أنا مشيت معاك خطوه خطوه ووافقتك في كل الي طلبته بس كان شرطي ان النفع متبادل أنت هتاخد ريم وانا هاخد يونس وانت اتجوزت ريم فعلا وحققت الي انت عاوزه لكن انا مستفدتش حاجه غير ان يونس بقي مش طايقني وعلاقتي انقطعت بيه.
_طب وأنا مالي! احنا اتفقنا اننا نبعد يونس عن ريم وده حصل علاقتك بيه وتطورتها بعد كده تخصك مش تخصني هو انا طلبت منك تتدخلي بعلاقتي مع ريم! انا الي سعيت اننا نكون مع بعض بعد ما سابت يونس ونجحت انتي فشلتي مش مشكلتي.
_دي برضو مش مشكلتي مكنتش اعرف ان ريم ممكن تواجهه وتقوله انك قولتيلها انك فعلا متجوزاه انا كان اهم حاجه ان ريم متدهوش فرصه يتكلم اويدافع عن نفسه وده حصل انا قدرت اشحنها ضده لدرجه انها مبقتش طايقه تبص في وشه غير كده مليش فيه.
_انت بتبعني يا امجد بعد ماخدت الي انت عاوزه بعد ما جيت واتفقت معايا عشان عارف اني بحب يونس وعاوزاه وانا الغبيه الي قبلت ادخل معاك في لعبتك وفبركت الصور والورق ومشيت معاك للآخر جاي دلوقتي تشيل ايدك.
_هفضحك يا أمجد وهعرفهم حقيقتك.
_محدش هيصدقك ومعكيش ايه دليل نورتي.
انتهي المسجل وأمجد وقف ساكت ومش لاقي حاجه يقولها...
_يعنى أيه! يعنى يونس مخانيش وأنت الشيطان اللي ورا كل ده! كل ده عشان الورث مش كده ولا عشان حقدك من يونس مقبلتش انه ينتصر عليك! انا ازاي كنت عايشه مع واحد زيك!
قالتها پصدمه ودموعها بتنزل بحسره علي حياتها الي ضاعت بسببه وبعدها عن يونس بسببه برضو..
_طلقني يا أمجد.
_أنت مجنونه أنت عارفه أني لو طلقتك كل حاجه هتروح ليك.. شرط الوصيه إن في حالة الطلاق يبقي الجهه اللي هطلق ميبقاش لها أي حاجه لو عاوزه تطلقي روحي ارفعى قضية خلع... لكن أنا مش هطلق.
بصتله بۏجع وهي بتردد في عقلها إن كل ده للأسف بسبب ابوها ابوها اللي فكر انه بيحميها وهو بيدمرها..
_يلا ياريم انزلي.
_انزل فين
قالتها بصوت مبحوح..
_هنطلع للمحامي عشان ترفعي القضيه.
بصتله شويه وهي ساكته بعدين قالت_
_مش هينفع يايونس..
_نعم
قالها بعصبيه وكان لسه هيكمل...
خلينا نأجل كلام في الموضوع ده دلوقتي طيب... في الأهم.
قالها بسخريه فردت بهدوء.
_عاوزه اروح اعمل تحليل ليا ولحمزه... عاوزه اعرف هو ابني ولا لأ.
_ممكن تهدى شويه..
_اهدى أيه يا يونس أنا بقالى يومين مبنمش وعلي أعصابى مستنيه نتيجه التحليل..
_طيب اهدى ياريم خلاص كلها عشر دقايق والدكتور يرجع ومعاه نتيجة التحليل..
_خايفه يطلع مش ابنى أنا رغم أني مش فكراه ورغم إني مبقاليش معاه كتير بس احساسى بيه كبير اوى حاسه انه فعلا ابنى واتعلقت بيه ومش عارفه لو النتيجه طلعت عكس ده هيبقي احساسى أى وقتها.
سكت ومعرفش يرد عليها ب اى.. دخل الدكتور ومعاه نتيجة التحليل..
_ها يا دكتور ايه النتيجه
غمضت عنيها وهي بتستعد للإجابة الى كل حياتها الجايه متوقفه عليها تقريبا..
ويونس مكنش أقل منها في شئ هو كمان إجابة الدكتور هتفرق كتير معاه بس لأسباب مختلفه تماما عنها..
_النتيجه إيجابيه.. هو فعلا ابنك..
فتحت عنيها پصدمه رغم فرحتها الكبيره إلا إن إحساس كان جواها بيقولها ان ممكن ميكنش ابنها.. ابنها ازاي ومش فاكراه!..
قام يونس بهدوء وقال للدكتور_
_تمام يادكتور شكرا.
_العفو شرفتوا.
الټفت لريم وقال_
_يلا.
كان واضح أنها مسمعتوش وإن
متابعة القراءة
