لن اتخلى عنك لناهد خالد
المحتويات
تركيزها في مكان تاني قرب من كرسيها و بصوت أعلي..
_ريم.
_ها.
بصتله بتوهه وأفكارها لسه بتضارب في دماغها وأسئله كتير مش لقيا ليها أي إجابه.
_يلا نمشى.
قامت معاه وخرجوا من المستشفى.
_ها اعتقد اتأكدتى... هترفعى القضيه امتى
_في أي وقت.
_تمام بس قبل ماترفعيها في حاجه لازم تعمليها.
_حاجة أيه
_لما نروح نتكلم.. يلا.
بعد فتره وصلوا الفيلا.. وطلعت ريم تشوف حمزه اللي سابته مع الشغاله الجديده اللي يونس جبها النهارده .
_هنروح للمحامى عشان يرفع القضيه بس قبلها هتعملى حاجه.
_حاجة أيه
_هتنقلى كل اللي بأسمك بأسمى.
_تمام هنروح امتى
بصلها باستغراب وقال _
_مسألتيش يعنى عاوزك تعملى كده ليه
ردت بثقه _
_عشان أيا كان اللي ناوي تعمله أكيد مش هتأذيني يايونس.
رفع حواجبه بسخريه_
_يونس احنا مبنغلطش
_مش فاهم.
_يعنى في إنسان في الدنيا مبيغلطش مبيجيش وقت ويتغابي ويحسبها غلط انا عملت كده اقدر دلوقتى اقولك اني انصرفت غلط غلط لما مصدقتكش وغلط لما مسمعتكش حتي بس صدقني كل ده كان بدافع الغيره ومن كتر حبي فيك الصدمه كانت صعبه اوي عليا لدرجة إني مستوعبتهاش وتصرفاتي كلها كانت ناتجه من صدمتي فيك وكل حاجه قدامي كانت بتقول ان ده حصل فعلا... يونس أنا كان جوايا ڼار لو كانت خرجت كانت حړقتك من كتر الۏجع الي حسيته وقتها.
_بس أنت كنت لغيري.. وده الي كان في تفكيري وقتها إن زي ما أنت قدرت تكون مع غيري أنا كمان هتخطك وهكون مع غيرك.. ومتتخيلش أنا عافرت ازاى عشان أقدر اعمل ده.
مسح بكفه علي وشه واتنهد بتعب..
_طيب.. عموما هنروح للمحامي دلوقتي تعملي نقل الملكيه وكأنه بيع وشړي بينا ولما كل الإجراءات تخلص وتبقي الحاجه بأسمي هنمشي في اجراءات القضيه.
_نعم..
بصتله بتوتر كبير وسكتت شويه.. بعدين قالت _
_هو... هو أنت لسه زعلان منى!
بص لعينيها ثوان وقام وقف ..
_تصبحي علي خير يا ريم.. هنروح بكره للمحامي.
اتنهدت بيأس وهي بتابع خروجه وهمست _
_وأنت من أهل الخير.
_كده تمام هروح بكره اسجل الاوراق في الشهر العقاري وتبقي كل حاجه بأسم حضرتك يا يونس بيه.
_هرفعها بعد بكره علي طول هقدم طلب فيها متقلقش بس أيه سبب الضرر
_ضرر أيه
_يونس بيه لازم يكون في سبب لطلب الخلع.
اووه أنا ازاي نسيت ده..
_وبعدين يايونس أيه الحل
_ممعناش دليل لأي حاجه هو عملها وحتي لو هو مش سبب كافي للطلاق..
الټفت للمحامي وكمل_
_خلاص لما نلاقي الحل نبقي نبلغك عن اذنك.
بعد مانزلوا من العماره الي فيها مكتب المحامي..
_لأ في.
_أيه
_انه يطلق ويرحمنا من ۏجع الدماغ ده... او امسك عليه ضرر.
_أنت عارف إن أمجد مش هيوافق... وضرر ايه اللي هتمسكه عليه!
_أنا هتصرف.
_هتعمل أيه يايونس
_سيبي الموضوع عليا.
_ايه ده أنت بتعمل أيه علي مكتبي
كاان يونس قاعد علي مكتب أمجد ورافع رجله الاتنين علي المكتب وماسك ملف في ايده... بصله بهدوء ورد_
_تؤ مسموش مكتبك يا آمجد.. اسمه مكتبي.
_نعممم
_اهدي مش كده أنت لسه شباب أخاف عليك يحصلك حاجه من عصبيتك دي.
_مكتب ايه يايونس الي مكتبك أنت اټجننت
_لأ بس واضح إنك معندكش معلومه أنا اشتريت نصيب ريم.. وبكده انا المالك الرئيسي للمجموعه بصفتي المشارك بنسبه أكبر ولا نسيت أن ريم نصييها ٦٠٪ وأنت ٤٠٪ ودي الحسنه الوحيده الي عملها عمك الله يرحمه..
وقف مصډوم وهو مش متخيل انه بقي تحت سيطرة يونس...
وقد كان مر شهرين ويونس مطلع عينه في الشركه وكل قرار بياخده لازم يتعرض علي يونس الأول ويبقي له حق الرفض او الموافقه وهو طبعا بيرفض والحقيقه انه مبيعملش اي صفقات والشركه تقريبا شبه متوقفه وده موقف الفلوس الي بيحصل عليها أمجد من الشركه وهي مصدره الوحيد الي بيصرف منه.
_بعدين يا أمجد احنا شويه ومش هنلاقي ناكل!
_أعمل ايه يعني يارنا سي زفت يونس موقف كل أعمال الشركه وانا عارف انه بيعمل كده عشان يطفشني.
_تتنازل!
_لا طبعا اتنازل ايه هو عارف اني لو ھموت مش هيحصل هو عاوزني ابيعله نصيبي.
_طب ما تبيعه
متابعة القراءة
