أغرب صدفة لإسراء إبراهيم

كتب كتابها وانه مش خرجت مع أمير وسبنا المعازيم ومشينا ولكن قدرت ظروفنا وكانت معنا
ماجدة_ فعلا ربنا يحفظهم لبعض
أمير ركب وسولافا ركبت جنبه
أمير مسك ايدها وقال_ شكرا ليكي على وقوفك جنبنا
سولافا_ مفيش شكر أنتم بقيتوا عليتي خلاص ولازم أكون معكم عالمرة والحلوة
أمير مسك ايدها_ يديمك ليا يا قلبي
سولافا_ وليا يا روحي
أمير بخبث وقف العربية وقال_ عايز ...
سولافا_ وبعدين بقى 
أمير تؤ وقال _ هنا
سولافا بصدمة_ استغفر الله أنت مش محترم على فكرة أنا مش عارفة إيه اللي خلاني أركب معاك أنا هعيط على فكرة
أمير_ عشان أنا حلو وكده فركبتي معايا وبعدين أنا جوزك
سولافا_ والله يا أمير لو عملتها لهصوت وألم عليك الناس وأقول خاطفني
أمير بضحك_ ده كله عشان حاجة بسيطة عموما مش عايز ياستي
ووصلوا بيتها وطلع معها وسلم على مامتها وأخد أخوه ونزل
تاني يوم سميحة صحيت على رنة موبايلها فتحت عينها بالعافية وردت على المتصل
سميحة_ ايوا مين معايا
سامح_ احم ازيك أنا سامي
سميحة_ سامح مين يا ضنايا
سامح_ سامح بتاع امبارح اللي رفعتي عليه السکينة
سميحة_ أنت هتهزر يالا أنا مش بمسك سكاكين أصلا 
وفجأة قامت من عالسرير لما افتكرت
سامح_ نعم يا اختي أنت فقدتي الذاكرة ولا إيه
سميحة_ آسفة بس افتكرت خلاص حضرتك متصل ليه
سامح_ عشان اطمن عليكي يا ميحا
سميحة_ نعم يابا تطمن عليا بصفتك إيه من باقي عيلتي وانا مش واخدة بالي وبعدين ميحا في عينك بأي حق تدلعني
سامح بضحك_ طب اديني فرصة أرد أنا بطمن عليكي لأنك بقيتي حبيبتي وبدلعك بصفتي إن هكون زوجك المستقبلي وهكون فرد عيلتك وأنتي فرد من عيلتي
سميحة_ دي أحلام يقظة صح ربنا يهديك
سامح_ وهتتحقق يا جميل
سميحة_ اممم كمل حلم يا عسل سلام
سامح_ أنتي ليه رودك باردة كده
سميحة_ معلش المرة الجاية هسخنهالك
سامح_ لا هنبقى نسخنها مع بعض في بيتنا
سميحة_ استغفر الله العظيم أنت يابني جبت رقمي منين
سامح_ من موبايلك شوفته في جيبك لما خدتك المستشفى وجيت ارن على حد من عيلتك عليه
لقيتك جربة ومش معك رصيد فخدت رقم واتصلت من عندي وبعدها خدت رقمك من موبايلك وسجلته
سميحة_ أنت كده حرامي عشان سړقت رقمي
سامح_ طب ما انتي كمان حرامية عشان سړقتي قلبي
سميحة قفلت في وشه وقامت تاخد شاور
وتعدي الأيام وسولافا اتخرجت وكانوا بيجهزوا لفرحها وفرح سميحة على سامح
ما سامح فضل ورا سميحة لغاية ما خلاها تعشقه ووافقت عليه
كان الفرح في قاعة كبيرة والكل كان فرحان ليهم والكل بيبارك وكل عريس غنى لعروسته أغنية معينة وخلص الفرح وكل واحد خد عروسته على شقته وكل واحد اعترف لحبيبته حبه على طريقته
وتمر الأيام والسنين وآدم وسامي خلصوا كلية شرطة واتخرجوا
سميحة خلفت ولد اسمه يونس وعنده تلات سنين
سولافا خلفت ولد اسمه حمزة
وكانوا في شغلهم وخلصوا شغل وكل واحد ركب عربيته ومروحيين
آدم مشي بعربيته ولكن وقف عند سوبر ماركت يشتري حاجات خفيفة يتعشى هو ومامته واخد الحاجات وطلع وحطهم شنطة العربية وركب وبعدين ركن عند بنزينة ونزل عشان يحط بنزين وراح يفتح شنطة العربية عشان يجيب محفظته من الأكياس اللي حطها في شنطة العربية ولكن اتخض واټصدم ورجع لورا
سامي_ نهار أبيض دي مقتولة ولا مېتة وحد حاطها ليا في العربية ولا إيه
وقرب من البنت اللي لقاها في شنطة العربية ورايح يحط ايده على أنفها يشوفها عايشة ولا مېتة ولكن فتحت عينها مرة واحدة
سامي _ عااااا ورجع لورا
مي_ طف النور يا عم أنت خليني أنام ورانا شغل الصبح
سامي_ عم! 
وقرب منها شدها من العربية ونزلها
مي بخضة_ في إيه يابا حد يشد حد كده هما علموك في المدارس كده
سامي باستغراب_ وإيه دخل ده في المدارس وبعدين مين سمحلك تركبي عربيتي يا آنسة وتنامي فيها
مي_ يابا أنت محسسني نايمة في بيتكوا يعني دا حتة عربية فعادي يعني مش ارتكبنا چريمة
وبعدين أنت ضابط صح
سامي_ ايوا بس عرفتي إزاي
مي_ أصل لقيت حاجات بتوع ضباط هنا في الشنطة فرميتهم في الشارع عشان أنام
سامي بفم مفتوح_ نعم يا اختي صباحك زي وشك يا حزينة دا المحفظة كانت فيهم وفيها ورق مهم وبطاقات
وطلع يجري يشوفهم فين وهى بتجري وراه
مي وهى بتجري وراه_ استنى يا ظبوطة خد بس هقولك
سامي بص وراه وبيجري_ أنتي يا هبلة بتجري ورايا روحي شوفي انتي رايحة فين
مي_ استنى المحفظة