مهرة النعمان الجزء الثاني والأخير لفريدة الحلواني

وسبتها وهي ما صدقت انها قدرت تفلت مني علي اساس اني صدقت كلامها الاهبل ده
بعدها اعتبرت الي حصل اشاره من ربنا اني ابعد عن الطريق ده لان انهارده كانت لعبه بكره لو استمريت ممكن تبقي حقيقه وقتها خدت عهد علي نفسي اني مش هلمس واحده تاني غير حببتي وتكون مراتي ولبسالي كمان الفستان الابيض قدام العالم كله ومن ساعتها قربت من ربنا مبقتش افوت فرض وبلعب رياضه كتير اخرج فيها طاقتي لحد ما ربنا اهداكي ليا

ضړبته مهره في كتفه بغيظ وقالت احسن عشان تبطل رمرمه
ضحك بدر بعد ان نجح في الهاءها و لو قليلا وقال خلاص يا شبح مانا تبت والله و بعدين حد يكون معاه حته ملونه زيك كده ويبص لبره
مهره ااااه اعملها عشان اقټلك اقسم بالله
مهره وقد بدات تبكي مجددا بعد الشړ عنك يا حبيبي اوعي تقول كده تاني
بدر طب من غير عياط قومي اغسلي وشك وادخلي ريحي جوه شويه وانا هطلب اكل واحصلك
مهره لا مليش نفس انا هدخل اريح بس
بدر ماشي ادخلي دلوقت ولما ييجي الاكل نبقي نتفاهم
نفذت ما قاله اما هو بعد ان طلب لهم طعام من مطعم مشهور اخذ يجري الكثير من المكالمات حتي دله شخص ما علي ضالته رن جرس المنزل وحينما فتح وجد عامل التوصيل التقط منه الطعام وحاسبه بزياده ثم اغلق الباب وهو يتوجه الي مهرته وهو يقول بمرح يلا يا فرسه الاكل وصل قومي بسرعه 
مهره التي كانت ممدده فوق الفراش وتنظر للسقف اعتدلت وهي تحاول الابتسام لتشعره ان ما يفعله معها ليخفف عنها قد اتي بثماره
اعتدلت في جلستها وهي تتصنع المرح وقالت لا خلاص بقي مفيش فرسه بقيت خيل حكومه ملوش لازمه
نهرها بدر قاءلا بت انتي بلاش كلامك الاهبل ده بدل ما اسفخك قلمين علي وشك يفوقوكي الدنيا ماتهدتش ولسه في ايدينا كتير نعمله و هاتتحل باذن الله
مهره وهي تبكي طب اذاي يابدر
بدر وقد جلس بجوارها بعد ان ترك اكياس الطعام علي الطاوله الصغيره وقد انتفض قلبه لنبرتها الكسيره واقسم بداخله ان يمحي هذا الحزن منها مهما كلفه الامر فقال لها حبيبي انا مقدرش اشوفك كده قلبي بيوجعني يا مهره يرضيكي توجعي قلبي عليكي
 قاطعها وهو يبعدها عنه ويقول استني بس قبل ما تكملي الفيلم الهندي الي ناويه عليه وتسمعيني كلام هحاسبك عليه جامد لو قولتيه اسمعي الي هقولك عليه انا عملت كام تليفون لناس معرفي اسالهم عن دكاتره امړاض نسا كويسين و كذه حد رشحلي دكتور يحي عثمان قالولي شاطر