رواية بقلم نسمة مالك
المحتويات
معلش ياضنايا مش قصدى اخضك انتى اللى واقفه سرحانه اه هصلى ياحبيبتى جوزك لسه مجاش
ندى _ اه لسه ما انا مستنياه علشان احضرله العشا انتى عايزاني اعملك حاجه ياحبيبتى...
ناديه _ سلامتك ياحبيبه امك ربنا يهدى سرك ياضنايا...
باب الشقه اتفتح ودخل جوزى عمر _ السلام عليكم اهلا اهلا ست الكل عندنا عامله ايه يا ام ندى وحشانى والله اخيرا رضيتى تيجى تقعدى معانا...
ناديه _ حمد لله على سلامتك يا ابنى انا بخير طول ما انتم بخير انا كنت جايه اطمن عليكم لكن ندى مسكت فيا افضل معاكم انهارده انت عارف مقدرش ابعد عن بيتى..
بصلى_ ولا ايه ياندى
ندى _ هى توافق بس يا عمر انا نفسى تفضل معانا على طول...
ناديه_ يلا شوفى جوزك وسبونى انا اروح اوضتى عايزه اصلى وانام شويه علشان انزل معاكى وانتى رايحه شغلك اصبح بدرى قال اقعد على طول قال انا مبرتحش غير فى بيتى.
الكلمة دي بتزعلني منه أوي وبتحسسني اني قليلة ودايما اټخانق معاه بسببها بس المرادي سكت عشان وجود ماما معانا و مينفعش نتخانق قدامها لكن هو فهم سكوتي ده بشكل تاني واتكلم بكل قسوه فى صوته _ غريبة سكتي يعني المرادي ومتخانقتيش معايا ايه عجبتك عيشه العز وبطلتى تسمعينى مواعظك عن ان السرقه حرام يا بياعه الحادق
عمر _ اتأكدى انى حرامى امم واتأكدى ازاى بقى ياحلوه ولما اتأكدى مطلبتيش الطلاق ليه وقاعده على زمتى ليه لما انا حرامى
شد شعرى بكل قوته لدرجه انى كنت هصرخ بس كتمت صرختى لما افتكرت ان امى معانا فى الشقه_ انطقى يابت..
ساب شعرى وبدا يملس عليه ويبعده عن وشى واتكلم بابتسامه على وشه_سرنا حلوه الكلمه دى عجبتنى
رفعت عينى اتأمل ملامحه واشبع من نظره عيونه اللى بيخبيهم عنى ديما حطيت ايدى على خده واتكلمت بكل ذره حب ليه فى قلبى_عارف اتأكد ازاى انك حرامى لما سړقت قلبى
بصلى بذهول_ ايوه انا بحبك ونفسى أعيش باقى عمرى كله معاك انت ونبقى زى اى زوجين انا مش عارفه انت بتعاملنى كده ليه وبتحاول تبعدنى عنك ليه لكن اللى اعرفه انى مراتك وهستحملك
_ بتحبينى بعد كل اللى عملته فيكى ومعاكى ضربتك وخطڤتك وبتعمد اجرح قلبك وكرمتك ولسه عايز اجرحك اكتر انتى متعرفيش انا بعمل كده ليه
خد نفس عميق _ حبينى يا ندى حبينى اوى حبينى اكتر كل ما تحبينى اكتر انا هجرحك اكتر هتستحملى يا ندى
مسكنى من ايدى الاتنين وهزنى پعنف_ هتستحملى يا ندى ولا هتبعدى عنى وتسبينى انتى كمان هتسبينى زيها يا ندى ردى عليا هتسبينى زيها....
_ انا مش زي حد وفهمني هي مين دي اللي سبتك ومأثرة فيك بالشكل ده لدرجة إنك بتنقم منها فيا وأنا مليش ذنب! احكيلى يا عمر افتحلى قلبك وانسي غضبك اللي عامي عيونك وهيخسرك كل حاجة قولى كل حاجه تعباك احكيلي عنك انا معرفش عنك اي حاجة نفسي اتعرف على اهلك انا لحد دلوقتى معرفش حد منهم خالص مش عارفه انت مش عايز تعرفنى عليهم ليه حاسه انك من عيله كبيره اوى ماشاء الله باين عليك وعلى تعليمك انا سمعتك وانت بتتكلم فى التليفون فرنساوى قبل كده
سكت شويه واتكلمت بۏجع شديد_ انت مكسوف منى اححم قصدى مكسوف انهم يقولو انى مش من مستواكم واوعى تقولى انك حرامى دى تانى انا واثقه ومتاكده انك مش حرامى...
عمر _ بطلى هبل وشغل افلام انتى مراتى وهتعرفى
متابعة القراءة
