نظرية البيست فريند بقلم شهد محمد
في الاخر
صوته كان متغير لدرجة اني بدأت اشك في كل حاجه بتحصل بس حاولت اقنع نفسي إن ده لزوم الجلسه الاخيره ورديت قولتله
_تمام
_شوفي الحكايه الاوله حكاية الفراشه السارقه كانت فراشه جميله جدا لكن مكنتش ملونه فكانت بتسرق الوان الفراشات التانيين عشان اجنحتها تكون ملونه وفضلت كدا طول عمرها واتعرض عليها انها تتعالج من سړقة الألوان لكن موافقتش وبقت صاحبة لقب الفراشه السارقه دي اول حكايه
_الحكايه التانيه بقا فراشه من ضي القمر دي قصتها نفس قصة الفراشه السارقه لكن كانت جميله للغايه واللي مزود جمالها اجنحتها اللي مش ملونه كانت اجنحه شفافه لما بتطير بتعكس ضوء القمر على اجنحتها واتعرض عليها تسرق الوان الفراشات التانيه وكان في إيديها الفرصه انها تسرق ضي القمر تخليه لونها الأساسي وبالفعل عملت كدا سړقت ضي القمر عشان يبقا لونها بس ندمت وزعلت من نفسها عشان هي مش حراميه ورجعته وراحت تتعالج عشان متسرقش حاجه تاني ومن هنا كانت نهاية قصة فراشة ضي القمر
_لاء في علبه قدامك على المكتب فيها صورتين صورة الفراشه الملونه اللي هي السارقه والفراشه الساده اللي هي ضي القمر اختاري واحده منهم تكون تاتوه على إيدك
مكنتش فاهمه ايه العلاج الغريب ده دي كانت أغرب جلسه شفتها بس سمعت كلامه وفتحت العلبه الفراشه الملونه كانت تحفه جميله بكل المقاييس لكن اختارت الشفافه وطبعتها تاتوه على إيدي بعدين قولت
لف بالكرسي بتاعه وهو بيقول
_وكدا نقول مبروك على شفاكي يا فراشتي
كان يوسف!
كان ماسك منديل بيحطه على بوقه وهو بيتكلم عشان معرفش صوته كان لابس بدله شيك كان زي القمر بس ايه اللي بيحصل ده
فوقت من شرودي وهو بيقولي
_لقد احتليت العياده من أجل روز
قالها ومسك إيدي باسها وظهر الدكتور الحقيقي وسلمى صاحبتي كانو فرحانين بينا بس انا في ذهول مش عارفه ايه اللي بيحصل ولا حصل ازاي
رد الدكتور وقال
_الحكايه ومافيها إن الاستاذ يوسف والأستاذه سلمى اتفقوا معايا إن انهارده تكون الجلسه مختفله ويكون فيه حفله لإتمام علاجك وانا وافقت بعد ما عرفت قصتكم الجميله
بصيت ليوسف وقولتله
_وهو مش انت خطوبتك بكرا
_خطوبتنا
_يعني ايه
_يعني زي ما سمعتي
_انا عديم النظر والاحساس قدام اي بنت غيرك يا روز
كلهم سقفو لينا وجابو تورته بينك وفضلنا نحتفل
كان الاحتفال بسيط لكن جميل يكفي إني بحتفل باهم انتصار في حياتي وهو اني خفيت وحبيبيي جنبي هعوز ايه تاني
خلص اليوم وروحت البيت بجهز لخطوبتي اللي اتفجأت انها هتكون بكرا كلها ٢٤ ساعه وهلبس دبلة اهم واحد في الدنيا معرفتش انام فضلت صاحيه اليوم كله لحد ما الفستان جيه والميكب ارتست جت كان دريس لافندر دانتيل فضلنا شويه بنعمل الميكب وببجهز لحد ما خلصنا
_لقد احتليت اسكندريه لأجل روز وانهارده التعامل هيكون بالورد
قالها وقرب عندي خد إيدي وابتدت حفلة خطوبتنا كانت جدته موجوده فرحت جدآ لما شفتها اهلي كانو موجودين صحابي كانو موجودين زمايل الشغل كانو موجودين وانهارده بس عرفت احنا اي احنا مخطوبين!
شدني من وسط المعازيم وخرجنا قال عملي مفجأءه ركبت معاه العربيه ومشينا هربنا من الخطوبه ومشينا!
فضل اكتر من ٧ ساعات
بيسوق وانا مش فاهمه ولا عارفه احنا رايحين فين لحد ما وقف العربيه قدام بيت غريب نزل ومسك إيدي ودخلنا البيت من الناحيه التانيه ظهر سور طويل كان محطوط عليه سلم خشب
_يوسف احنا بنعمل ايه
_هتعرفي دلوقتي بس يلا هاتي إيدك وتعالي معايا
_يوسف فهمني
_ثقي فيا!
مسكت إيده وطلعت معاه السلم والناحيه التانيه من السور كان فيه سلم برضو نزلنا من عليه ومشينا قدام شويه كان فيه صخره كبيره هو بدأ يبعدها تقريبآ انا بدأت استدرج احنا فين وبنعمل ايه مفيش دقايق والصخره بعدت وظهر من وراها فاتحه في الحيطه ظهر النفق!
بصيت ليه وانا فاتحه بوقي من الصدمه مسك إيدي وقال
_تيجي معايا مكان التعامل فيه مش بالفلوس
ابتسمت وقولت
_يلا بينا
تمت.
