نظرية البيست فريند بقلم شهد محمد

في جيبه وبص ليا وقال
_ممكن الأوراق بتاعت اخر شركه اتعاملنا معاها
_اكيد ثانيه واحده 
جبت ليه الاورق ادتهاله بص فيهم بعدين بص ليا وقالي
_وممكن تطلبيلي اسبريسو دبل
_عيني حاضر 
مشي خطوتين ورجع تاني وقال
_روحتي معرض الكتاب يوم الجمعه
_لاء 
_ومروحتيش ليه لما انتي بتحبي الروايات
_الوقت مش ملكي
_اممم اوكي 
قالها وسابني ومشي طلبت ليه الاسبريسو ودخلته ليه وخرجت على مكتب سلمى احكيلها اللي حصل 
_طيب احنا دلوقتي نعمل خطة الروايه المفقوده 
_ده اللي هي عباره عن ايه
_هتتكلمي قدامه عن اسم روايه مشهوره اوي اوي وتقولي انك يا حرام مش لاقيها ولو هو جنتل مان ومهتم بيكي زي ما احنا حاسين هيطلب يساعدك ولو لاء يبقا مش هيسأل فيكي 
_في الحالتين انا عايزه اتجوزه يا سلمى 
_عيني حاضر فكري بقا في اسم روايه مشهوره 
_ارض زيكولا الجزء التالت
_حلو ده يلا على مكتبك واول ما تشوفيه تعملي نفسك بتتكلمي في التيلفون وتقولي زي ما قولتلك 
_اتفقنا 
رجعت مكتبي وساعه ورا التانيه وهو مخرجش دقايق وسلمى بعتت على الواتساب اغنيه انجلش وبتقول
..انا جبت صفحة الفيسبوك بتاعته وعرفت عنه كام حاجه ودي الاغنيه المفضله عنده حطيها نغمة الموبيل عشان يعرف ان فيه بينكم حاجات مشتركه.. 
سمعت كلامها وضحكت عليها هي اوقات بتغلب بتوع المخابرات الوقت اتأخر وجيه وقت إن امشي كنت فقدة الامل اني اشوفه تاني فجهزت حاجاتي ومشيت ووانا في الاسانسير لقيته هو كمان جاي ورايا وركبنا الاسانسير سوا 
شغلت الاغنيه اللي سلمى بعتتها كأن فوني رن ورديت وانا بقول
_ايه يا نور .. امم لاء كنتي هتلاقيها اسمها وادي الذئاب أرض زيكولا الجزء التالت امم اوكي خلاص انا هبقا ادور عليها متشكره ياروحي 
ونزلت الموبيل كأن المكالمه خلصت 
بص ليا وقال
_على فكرا اللي بتدوري عليه عندي
_بجد!
_ااه والله انا كنت في معرض الكتاب يوم الجمعه والروايه دي معايا في وسط الروايات اللي اشترتها لما ننزل هديهالك 
_بجد بجد انت أعظم مدير في الدنيا 
ابتسم وقالي
_متشكر 
_بس يظهر إن مش لوحدي اللي مغرمه ب الروايات 
_دي حقيقه
خرجنا من الشركه ووقف عند عربيته وفتحها وطلع منها الروايه وهو بيقولي
_اتفضلي يا انسه روز 
_ميرسي جدآ جدآ واوعدك اول ما اخلص قرأتها هرجعها ل حضرتك 
_اعتبريها هديه مني ليكي 
_متشكره جدآ جدآ 
_العغو جدآ جدآ .. هتروحي تحبي اوصلك
_لاء لاء متشكره جدآ 
_طيب متعرفيش كافيه يكون كويس قريب من هنا 
_اممم اعرف وبما انك مدير لطيف وبتحب الروايات انا هعزمك على كوفي وكيك تحفه في كافيه تحفه 
ابتسم وقال
_ده يابختي وهنايا يلا بينا على الكافيه التحفه 
ركبنا العربيه سوا ووصفت ليه الكافيه وشويه وكنا وصلنا طلبت الكوفي والكيك اللي علطول باكلو وقعدنا سوا نتكلم  كان لذيذ لطيف بيعرف يتكلم ووسيم بجد مش زاي وصف الروايات هو احلى بكتير بدأت اكل الكيك اللي من بره بيكون ابيض ومن جوه بيكون احمر انا بغرق في تفاصيله هو كمان حبه وفضلنا نتكلم عن الروايات وغيره وغيره 
قطع كلامنا تليفونه قام رد بعيد وفضلت انا لوحدي بصيت على التربيزه لقيت الولاعه بتاعته كان باين عليها ولاعه غاليه فا خدتها قبل ما يجي وحطتها في شنطتي دقايق وكان جيه 
_سوري اتأخرت عليكي
_لاء خالص 
_طب يلا يا روز هانم هنرجع الشركه سوا فيه شغل 
_دلوقتي
_ااه هديكي الأوراق وانتي تخلصيها في البيت وتجبيها بكرا 
_ااه اوكي بس اديني خمس دقايق اروح التواليت واجي 
_تمام 
روحت الحمام عدلت هدومي وعدلت الميكب وشفت على