نظرية البيست فريند بقلم شهد محمد
المحتويات
اكون انسانه تستاهله
كنت ماسكه تليفون سلمى بقلب فيه لحد ما شفت صوره له على الفيسبوك دخلت الاكونت بتاعه اتفرجت على كل حاجه منزلها كان حزين باين من ملامحه في الصور والكابشن تقريبآ دخل في مرحلة اكتئاب وكل ده بسببي!
مهنش عليا اشوفه كدا وبلا مقدمات لقيتني ببعتله مسدج من اكونت سلمى بقوله
_مستر يوسف كنت عايزه اطمنك على روز انا عارفه انك قلقانه عليها وسألت عليها كتير فحبيت اطمنك
_هي فين يا سلمى ارجوكي قوليلي مكانها او على الاقل اديني رقمها الجديد او خليني أكلمها من عندك من غير ما اخد الرقم اي حاجه تجمعني بيها ارجوكي
عيني دمعت من كلامه للدرجه دي انا فارقه معاه للدرجه دي حياته صعبه من غيري
رديت وقولت
_انا اسفه مقدرش اقولك انا وعدتها بكدا بس كل اللي اقدر اقوله انها بتتعالج وفترة العلاج قربت تخلص وهترجع ليك في أقرب وقت
حكيت لسلمى اللي حصل ولبسنا وروحنا العياده عشان كان معاد جلستي انهارده ..عيادة الطب النفسي.. اسم مكنتش بسمع عنه غير في التليفزيون أمراض مكنتش بشوفها غير في الأفلام لكن كنت دايما بتقول افعليها لأجل يوسف لأجل اهلك لأجل سلمى لأجل صحابك والناس اللي بيحبوكي لأجل ولادك في المستقبل لأجل نفسك وذاتك وروحك الجميله
_بعدين معاكي يا روز مش كفايه
_اول ما اخف هرجع وعد
_طب على الاقل ارجعي اتكلمي معاه في التيلفون
_هكون مكسوفه يا سلمى عشان وقتها هيكون بيكلم روز الحراميه مش روز اللي اتعالجت وخفت
_طيب اللي انتي شايفاه وربنا يتمم شفاكي على خير
عدا اسبوعين وانا ملتزمه بالجلسات بتاعتي ومنتظمه في العلاج لحد ما الدكتور حدد معاد اخر جلسه .. كنت مبسوطه فرحانه اخيرآ هرجعلو اخيرآ هكون بني ادمه عاديه مش مريضه ومش حراميه كنت مخططه ان اليوم الاخير من الجلسه هرجع القاهره على طول ل يوسف كنت مجهزه الدريس والميكب وكمان حضرت الكلام اللي هقوله لحد ما شفت استوري ليوسف من تليفون سلمى بيقول فيه
..بكرا إن شاء الله هتكون خطوبتي على اللي قلبي اختارها اللي محبتش قدها في الكون الدعوه عامه هنتظر الجميع..
مش عارفه احدد كلامه ده ايه
عيطت كتير بالساعات تقريبآ حتى سلمى مكانتش في البيت عشان توسيني معاد الجلسه جيه وكان لازم اروح مع اني مابين اتنين جوايا واحده بتقولي روحي وواحده بتقولي متروحيش اللي كنتي بتروحي عشانه خلاص راح!
بس اتحديت التانيه ولبست ونزلت للعياده عشان انا كنت بروح عشاني مش عشانه .. روحت العياده كانت فاضيه كان كلها بلالين بينك في ابيض وورود ولما سألت الاسستنت قالت إن انهارده الذكره الثانويه للعيادة بتاعتهم مهتمتش كتير ودخلت للدكتور كان قاعد على الكرسي بتاعه وهو مديني ضهره وقال
_اقعدي يا روز
_طب حضرتك مش هتلف
_لاء الجلسه هتكون كدا انهارده
_تمام
قولتها وقعدت اتكلم وقال
_دلوقتي هحكيلك حكايتين وانتي تختاري واحده منهم بس
متابعة القراءة
