نظرية البيست فريند بقلم شهد محمد
المحتويات
نظرية البيست فريند بقلم شهد محمد
قاعده في الكافتيريا وقت البريك مستنيه سلمى صحبتي تيجي عشان نفطر سوا الوقت اتأخر وهي لسه مجتش اكيد بتكلم هدهد الجناين بتاعها دقايق وظهرت
_كل ده يا سلمى
_حقك عليا يلا ناكل
_إذا كان كدا يبقا ماشي
طلبنا الاكل والعصير وقعدنا ناكل سوا على قد ما انا مبحبش الشغل لاكن وقت البريك ده اجمل وقت في يومي
_خير قال ايه
_جاب الشقه
_ياقمر الف مبروك يا اجمل عروسه
_عقابل فرحتي بيكي بقا يا روز نفسي ومنى عيني اشوفك عروسه
_إن شاء الله
_الشله كلها اتجوزت ماعدا انتي
_ربنا يسهل
_هو كل ما اتكلم معاكي في الموضوع ده تتهربي في الكلام يا روز
_اعمل ايه ياسلمى مش هتجوز غير عن حب ومش لاقيه حد احبه
_معرفش بقا ويلا عشان اتأخرنا وهنتهزق
_يلا يا بايره هانم يلا
_بايره ده انا حلوه وزي القمر والف مين يهواني بس القلب ومايريد بقا
_طب يلا ياختي يلا
رجعنا الشغل تاني كل واحد راح لشغله وبدأت اشوف شغلي لحد ما قطعني دخول واحد المكتب
مردش اداني كارت فيه اسمه وشغله كان مكتوب ..يوسف الخليجي..
_مرحبآ بيك سيدي ماذا تحب أن تشرب
_اعطيني القليل من الوقت وسوف احضر لك المدير والمشروب
ضحك وهو بيقولي
_انتي بتتكلمي كدا ليه
استغربت وانا بقوله
_انت بتتكلم مصري
_ما اه الخليجي ده اسم الشركه بتاعتي انا مش خليجي ولا حاجه
_ااه اوكي تشرب ايه حضرتك
ضحكت انا وهو سوا رفعت شعري من على عيني وانا بضحك ورنيت على مديري اخد منه الأذن انه يدخل ليه وبعد ما اخدت الأذن قفلت معاه وقولتله
_اتفضل ادخل الاستاذ في انتظارك
ابتسم ليا وبعدين رجع خطوتين وقال
_على فكرا شكلك كدا احلى شعرك كان مخبي كتير من ملامحك خليه كدا على طول
ايه اللي قالو ده ايه حلاوته دي ايه خفة دمه دي
جريت على مكتب سلمى وانا بقولها
_لقيته يا سلمى لقيته
_هو مين
_القرد ااا قصدي الانسان اللي هحبه
_بجد فين مين هو الجامد اللي فك عقدتك
_هنا في الشركه
_وواقفين هنا بنعمل ايه خديني عايزه اشوفه
_الاستاذه روز هتكون السكرتيرة بتاعت حضرتك اما الاستاذه سلمى مسؤله عن المبياعات والأستاذ يوسف هيكون المدير مكاني يا بنات
_ايه ده بجد امال حضرتك هتروح فين
_طلعت على المعاش بقا يا روز ما انتي لو تسيبك من الروايات اللي كلت دماغك كنتي عرفتي ايه اللي بيجرا في الشركه
_روز من الصدمه نسيت يا استاذ
_طبعآ طبعآ انتي هتقوليلي
بص ليوسف وقاله
_روز دي بنت شقيه ولمضه وسبب مشاكل الشركه كلها ودماغها مش معاها دماغها مع الروايات بس ده ميمنعش انها شاطره في شغلها ولولاها كانت الشركه زمانها في النازل انت محظوظ بالسكرتيرة دي يا استاذ يوسف
ابتسم وقال
_اكيد
كمل مشي معاه عشان يعرفه على بقيت الشركه وفضلت انا وسلمى في المكتب
_زوقك تحفه يا بت يا روز مبروك عليكي
_مبروك عليا ايه انتي التانيه كنتي شفتينا اتخطبنا
_هتتخطبو
_بجد يا سلمى
_عيب عليكي ثقي فيا
_طب هنعمل ايه
_سبيني افهم شخصيته بعدين اقولك على الخطه
_اوكي
شوية وقت ورجع المكتب وهو حاطت إيده
متابعة القراءة
