للعشق أسرار بقلم فاطيما الجزء الأول.
المحتويات
لين
رنا .. امرنى يا عمى
عز الدين .. ميأمرش عليكى ظالم تصدقى يا بنتى بيعجبنى عقلك ورزانتك وتعامل الراقى بنت اصول فعلا ربنا يبارك فيكى ويباركلك فى بنتك ونشوف ذريتك انت وعبدالله قريب ان شاء الله
رنا .. ربنا يخليك ياعمى ويديك الصحه العافيه وتفضل محوطنا كلنا تحت جناحك
رنا .. تسلمى يا ماما ويخليكى ليه
رنا حست انهم بيحاولوا يخلوها متتضايقش من تصرف خلود وتجاهلها بس رنا كان ولا فى دماغها هى عارفه ان ساره واختها مش طايقنها وعادى هى كمان مش بتحاول تحتك بيهم
رنا .. ياسلام يا عمى من عيونى
عز الدين .. تسلم عيونك يا بنتى
علياء .. نعم يا سى بابا عمرك يعنى ما طلبت منى الطلب دا
عز الدين .. اهى رنا ردت عليكى ويلا بقي ورينى شطارتك علشان عندى ليكى خبر حلو بس لما عبدالله يرجع بالسلامه
علياء .. بجد يا بابا طيب ما تقول دلوقتى
مريم .. جرى ايه ماتصبرى على رزقك بيقولك لما عبدالله يرجع يعنى لازم يكون موجود
عز الدين ومريم ورنا .. ههههههههههه
فى جناح ساره ......
ساره .. انا خاېفه يا خلود لحسن يجرالها حاجه ونروح فى داهيه
ساره .. ربنا يستر بس اعملى انتى ابعدى بنتى عن الموضوع
ساره .. ربنا يستر
خلود .. قومى يلا انتى جهزى نفسك عبدالله ممكن يجى فى اى وقت لازم يلاقيكى دايما على سنجة عشرة علشان نقدر نكمل بقيت خطتنا زى ما عايزين انا هروح اجهز الخطه عقبال ما تجهزى
ساره .. حاضر
دخلت رنا المطبخ هى وعلياء يعملوا الغدا وبعد ما خلصوا طلعت رنا وخدت لين تغيرلها وتاخد حمام هى كمان وتغير هدومها ومريم كانت قاعده فى الصاله بتتفرج على التليفزيون مع علياء ودخل عليهم عبدالله
عبدالله .. السلام عليكم
مريم .. وعليكم السلام والرحمه حمد لله على السلامه
عبدالله .. الله يسلمك يا ماما
علياء .. حمد لله على السلامه يا عبوود والله البيت وحش من غيرك وقربت منه وبهمس واوحش اكتر بحضور العقربه اخت مراتك
عبدالله .. هههههههه ېخرب عقلك احنا ابتدينا ولا ايه
علياء .. لا يا عم انا كافيه خيرى شرى حتى اسال ماما
عبدالله كان ساعتها عيونه بتدور عليها علياء لاحظت وبهمس .. مش هنا على فكره
عبدالله .. مين
علياء بخباثه .. اللى بتدور عليها وعيونك بتسأل هى فين
عبدالله .. شكلك فايقه ورايقه روحى بدل ماانتى واقفه تنجمى حضرى الغدا انا ھموت من الجوع
علياء .. تصدق انا غلطانه طيب اجرى الحقها علشان هى نازله دلوقتى تحضر الغدا اصل هى اللى عملاه بنفسها النهارده
عبدالله خپطها بخفه على دماغها وطلع وهو بيضحك ورنا كانت بتسرح لين وعماله تغنى معاها .. عبدالله قرب من الباب وكان سامعهم وهما بيغنوا كان هيفتح ويدخل كالعاده لكن حاجه وقفته وخليته يخبط على الباب
رنا .. تعالى يا ليونه نشوف مين
لين .. يلا
رنا بتفتح الباب لاقيته قدامها واقف وعلى وشه ابتسامه جميله جداا
رنا بعفويه ابتسمت لما اتفاجئت بيه وقالت .. عبدالله
عبدالله .. لحظتها شوفت ابتسامه جميله على وشها زادتها جمال على جمالها
لين جريت عليه .. عمووو
عبدالله خدها فى حضنه وهو بيقول .. وحشتينى يا قطه
لين .. انا قطه
عبدالله وهو شايلها وبيبوسها .. انتى قطتى الجميله
لين .. انت روحت فين انا كنت بسال ماما عليك
عبدالله وهو بيبص على رنا .. روحت مشوار بعيد بس بعتلك بوسه مع ماما وصلتهالك
لين .. ايوه وانا قولتلها انى بحبك قد البحر
عبدالله .. الله انا بحب البحر جداا وانا كمان بحبك بس اد الدنيا كلها
لين .. كلها
عبدالله .. كلها تعالى بصى انا جبتلك ايه انتى وريماس
وطلع عروسه باربي جميله وادهلها .. هاا ايه رايك عجبتك
لين .. حلووه تعالى بقي اديلك سكر
وقربت منه وباسته فى خده عبدالله اتبسطت جداا وفضل يحضن فيها ويلعب معاها ورنا واقفه مبسوطه جداا باللى شايفاه بينهم ساعتها افتكرت عمر لما كان بيلاعب لين وهى صغيره رجعت بصت لعبدالله وحست كأنها بتشوفه لاول مره وبعدين حست انه دخل بقاله فتره وهى منطقتش بولا كلمه حتى ما رحبتش بيه
قالت بهدوء .. حمد لله على السلامه
عبدالله .. الله يسلمك
رنا .. تحب اجهزلك الحمام واطلعلك هدومك علشان تغير
عبدالله .. لو مش هتعبك
رنا
متابعة القراءة
