سكريبت عشقي أنتِ بقلم سولييه نصار

مية في المية بس كنت احسن بكتير ...كنت بشوف وشي ودموعي بتنزل من السعادة .... ..
.....
مرت الايام ووشي بيتحسن يوم بعد يوم ...كنت فرحان اووي بالنتيجة.....
.....
بعد تلات شهور كاملة
رايح فين ومتشيك كده....؟
قالها حسين صاحبي ...ابتسمت وقولت هجرب حظي تاني ....
كنت ماسك باقة الورد....قررت اني اروح لمُهرا تاني ....أنا الايام اللي فاتت اتبعت اخبارها يوم بعد يوم ...واكتشفت ان مفيش حد دخل حياتها وده اللي خلاني اخد قراري واتقدملها ....
.....
في بيت مُهرا .....
كنت ماسك باقة الورد وانا قاعد قدام أبوها ...كنت متوتر اووي رغم اني عدلت من حياتي شكلي اتعدل شغلي رجع احسن من الاول ...بس كنت متوتر اوووي وهو بيبصلي ...جات عيني على مُهرا اللي مستخبية ورا الستارة ....
يعني انت هتعمل اي حاجة عشان ترجعها ...
قالها والد مُهرا فبصتله وقولت
اي حاجة يا عمي ...اي حاجة هتطلبها مني هعملها ....
هز رأسه وقال
وأنا موافق بس بشرط !!!
يتبع
عشقي_أنت
سولييه_نصار
الجزء الاخير
ايه اللي انت عملته ده يا بابا ...انت كده حسسته اني يقدر يشتريني بفلوسه ...وبعدين أنا مش هرجعله مستحيل ارجعله بعد اللي عمله ...
كانت مُهرا بتتكلم وهي بتعي،ط ....
يصلها والدها بهدوء وقال
بقالك اكتر من تلات شهور مش عارفة تتخطيه ...رافضة اي محاولة ان عريس يقعد معاكي ...فاكراني مش سامعك طول الليل وانت بټعيطي بسببه .....
طبيعي عشان الموضوع جديد لسه بمرور الأيام هنسى ...
قالتها وهي متوترة وكانت هتعيط تاني ...بس هو ابتسم وقال
مظنش أن ده هيحصل يا مُهرا عشان كده ارجعيله عادي بس بشروط صعبة ...
انا مش عايزة ارجع يا بابا ...بعدين مش فاهماك ..انت اكتر واحد كنت ضد الجوازة دي ....
هز رأسه وقال
؛كنت ضدها لاني كنت عارف إنه مش بيحبك ...كنت بشوف ده بعينيه ...لكن دلوقتي أنا متأكد أنه بيحبك ولما ينفذ شرطي هتتأكدي انتي كمان ....
بس يا بابا...
من غير بس ...أنا مش بيعتك ولا حاجة يا بنتي ...أنا بس بقر ص ودانه بعرفه انك غالية ...وأنه لازم يسف التراب الاول عشان يوصلك ....وساعتها هيفكر مي ت مرة قبل ما يزعلك ....
ايوة بس فيه طرق كتير غير طريقتك دي ...معرفش حاسة اني مش مرتاحة و.....
ملكيش دعوة انتي ...اقعدي واتفرجي ...
.....
نعم بتقول ايه ؟!!مهر مليون ونص وشبكة خمسين جرام ...دوول كتير اوووي يا آسر !!
قالها حسين پصدمة فهزيت راسي وقولت
مش كتير عليها بس المشكلة اني مش معايا المبلغ ده .يعني أنا محوش مبلغ محترم من شغلي بس ميجبش المبلغ ده ..الشبكة هزود عليها عادي كده كده هي رجعتلي الشبكة بتاعتي ...بس المبلغ كبير شوية ....
تقصد كبير خالص ...بقولك ايه يا اسر فكك من البنت دي خالص و....
متكملش يا حسين...أنا ما صدقت أنه وافق ...لا مستحيل انا هعمل المستحيل عشان اجمع فلوس المهر وهزود على الشبكة...
ده كتير اووي يا آسر!
مش كتير على مُهرا ....
....
وبالفعل ...
عدت تلات شهور وانا بشتغل في عيادتي اللي نجحت اكتر .....كنت محوش مبلغ محترم وجنب شغلي ومع مساعدة حسين ليا بسبب مشروعه اللي كان بيكسب قدرت اجمع المهر والشبكة .....
.......
كنت قاعد على الانتريه قدام والد مُهرا وانا متوتر ....
كده أنا هتجوزها صح ؟...
ابتسم والد مُهرا ونادى بنته وقعدها جنبه...كانت مُهرا بتبص للأرض وهي بتفرك ايديها ...
أنا معنديش أعلى من بنتي مُهرا يا آسر ...أنا كنت فعلا مش موافق على جوازكم في البداية لاني عمري ما شوفت حبك ليها في عينيك ...بس لما جتلي تترجاني وشوفت انك عملت العملية عشانها شوفت حبك ليها
وقررت اختبرك..وفعلا انت في تلات شهور حفرت في الصخر وجيبت كل اللي طلبته ....أنا دلوقتي اتأكدت انك هتصونها ومش هتجرحها تاني ...المهر مُهرا ليها الحق تتصرف فيه ...عايزة ترجعه ليك تاني براحتها ...عايزة تاخده ليها براحتها ....ها يا مُهرا يا بنتي ...مقررة تعملي ايه ؟!
هاخد المهر الطبيعي حسب العرف والباقي ياخده هو ....
ابتسمت وانا حاسس بسعادة كبيرة ....أنا مرجعتش مُهرا ليا وبس ...انا رجعت قلبها كمان ليا. ......
....
بعد شهر في الفرح اللي عملته في قاعة كبيرة بجزء من الفلوس اللي رجعلي من المهر ورديت فلوس حسين .....
كفاية يا آسر والله كسفتني ...مش كل شوية تشيلني ...
قالتها مُهرا بكسوف بعد ما نزلتها ...كنت في نص القاعة وبنرقص. ..ضحكت وانا برفعها من وسطها تاني وبدور بيها والناس شغالة تصقف وصاحبي حسين فضل يصفر ....دفنت رأسها في كتفي من الكسوف فبوست رأسها وانا بقول بهمس
بحبك
وأنا كمان
تمت
عشقي_أنت
سولييه_نصا