شبيه زوجي بقلم إيمان شلبي

دول تعملهم علي حد تاني مش عليا وقسما بالله العظيم لو ما طلقتها دلوقتي حالا هخليك تشوف المۏت كل ثانيه
اخد نفس بسرعه ومناخيره نازل منها ډم
فريد ارجوك فهمني اللي حصل ا انا انا معملتش حاجه اقسم بالله معملتش حاجه انا بحب رنا ومن وقت ما عرفتها وانا قطعت علاقتي بكل البنات اللي عرفتهم قبل كده
رد بذهول وجنون
يعني ايه ازاي يعني انت مش فاكر انها شافتك بعيونها في شقه صاحبتها
يابني صاحبتها مين وبعدين
ازاي وانا طول اليوم في الشركه وعندي مليون دليل علي كلامي
اترمي علي الكرسي وهو بيبص قدامه بشرود
دليل!
انا نزلت من البيت الساعه ١٠ الصبح
السواق وصلني علي الشركه ١٠٣٠
خلصت شغل حوالي الساعه ٥
بعدها السواق وصلني شركه واحد صاحبي
وفي الطريق حاولت اوصل لرنا كان بيديني مغلق كل مره
قولت يمكن عندها شغل كتير و مش فاضيه تكلمني
بعد ما نزلت من شركه صاحبي روحت البيت ملقتش رنا
شويه والباب خبط فتحت لقيت ناس غريبه فضلوا يضربوا فيا ومن بعدها محستش بنفسي غير وانا هنا
فريد وهو بيهز رأسه بسخرية
لا برافو برافو تأليف هايل تنفع سيناريست يا عاصم بجد
عاصم پغضب
انا بقول الحقيقه مش بكذب عليك
فريد وهو بيجز علي أسنانه پعنف
اومال اللي شوفته انا ورنا ده يبقي مين عفريتك
معرفش صدقني معرفش اكيد في حاجه غلط في الموضوع والله انا بحب رنا ومستعد اسيب الدنيا كلها علشان راحتها
فريد
ارجوك صدقني وقولي رنا فين وايه اللي حصل ومين الحقېر اللي لعب لعبه زي ديه علشان يبعدنا عن بعض لو سمحت ساعدني انا فعلا مليش اي علاقه بالموضوع ده
كان باين في عينه صدق غريب!
نبره صوته المهزوزه دموعه اللي من النادر جدا تظهر في عيون راجل ملامحه الملهوفه واللي كلها خوف كلها كانت اشياء تؤكد فعليا أن في شئ غلط شئ مش مفهوم ولازم يبقاله توضيح
اتنهد فريد وغمض عيونه لمده ثواني بعدها فتحها وبص لعاصم بتحذير وټهديد صريح
هساعدك بس قسما بالله لو طلعت بتكذب عليا ما هيكفيني فيك عمرك ياعاصم
احكيلي مالك بس يابنتي متفضليش ساكته كده!
كانت رنا سانده رأسها علي رجل الهام مامتها وبتبص قدامها بشرود ودموع رافضه ترحم ضعفها
فعلا شعور صعب ان بعد ثقتك في شخص يخون ثقتك ويدوس علي قلبك بكل القسۏه اللي في العالم
انك تهدر مشاعرك وتوهب روحك وقلبك ونفسك لشخص واثق ومتأكد أنه عمره ما يرجعك مخذول وفي الاخر تجيلك الضربه منه من اقرب الناس لقلبك الشخص اللي راهنت عليه بحياتك!
وبمجرد موقف سخيف بكل الاسف اللي في العالم يخسرك الرهان
وكانت من اصدق الجمل اللي وصف بيها محمود درويش خيبه أمله وأمل كل العشاق
كنت أود إخبارك بأن الجميع قد خذلني إلا أنت لكنك خذلتني قبل أن أخبرك
صوت جرس الباب خرجها من شرودها
فتحت اختها الصغيره ووقتها اندفع عاصم وهو بيدور عليها زي المچنون
رنا رنا انا معملتش حاجه صدقيني
اول ما لمحت طيفه اتنفضت من مكانها وهي بتهز رأسها بهستريه ودموع
قرب منها خطوه ومع كل خطوه كانت بتهز رأسها پجنون اكبر وبترجع لورا لدرجه رجلها لزقت في الركنه ومفيش غير بكلمه واحده بس علي لسانها
لأ لأ لأ
فريد بلهفه
رنا اسمعيني ياحبيبتي والله العظيم الشخص ده مكانش انا و.....
قاطعته وهي بتسد ودنها وبتصرخ بۏجع
اطلع برااااا اطلع براااا مش عايزه اشوف وشك
دخل فريد وقرب منها وهي واقفه بتتنفض وبتبصله بأستغاثه ودموع وخوف وقهر!
وقف قدامها وشال ايديها من علي ودنها بهدوء
رنا ممكن تهدي وتسمعي عاصم هو.....
قاطعته وهي بتهز رأسها برفض وبنبره مهزوزه
ل لا ل لا يافريد ا