قصه كاملة الأجزاء بقلم بالميرا

الجزء الاول
كنا بنصلي الفجر أنا وجوزي وفجأة سمعنا صوت خبط جامد على باب الشقة ومن فضل الله إننا كنا في التحيات سلمنا ورحنا ناحية الباب جوزي سأل مين اللي بيخبط فرد راجل قاله افتح الباب
فتح جوزي الباب فلقينا رجاله كتير أوي بص واحد منهم ليا وسألني
أنت ريم عبد الرحمن
أ..أيوة ..أنا ريم فيه حاجة !
اتفضلي معانا وهتعرفي في القسم فيه ايه !
وقتها جوزي سأله پصدمة
تروح معاكم فين ! حصل أيه ! فهمنا لو سمحت .
مقدرش أقول حاجة اتفضلوا معانا في القسم وهناك هتعرفوا كل حاجة.
رحنا القسم طلبوا مني أدخل أوضة التحقيق فدخلت لقيت ظابط كبير في السن قاعد بيكلم ناس فبصيت على اللي بيكلمهم واټصدمت الناس دي أنا أعرفها حسن أخو أميرة صحبتي أو اللي كانت صحبتي ومحمد جوز أميرة والحاجة فاطمة اللي ربت أميرة.
كلهم بصولي پصدمة وحزن فلسه هسألهم فيه ايه! طلب الظابط مني أني أقعد فقعدت بصلي الظابط وسألني
ريم عبدالرحمن مش كدا
أيوة أنا ريم هو فيه إيه حضرتك!
ريم هسألك سؤال أيه الحاجة اللي بتجمعك أنت واللي موجودين دول طبعا عرفاهم!
أيوة عرفاهم أخو أميرة وجوزها والحاجة فاطمة في مقام والدتها.
يعني أميرة اللي بتجمعكم طيب وهي فين أميرة!
مش عارفة أنا علاقتي بيها اتقطعت من سنتين تقريبا معرفش عنها حاجة خالص.
ممكن أعرف أيه السبب! حسب ما سمعت أنكم كنتوا أكتر من الأخوات مش مجرد أصحاب.
فعلا كنا قريبين أوي كانت روحي بس فجأة بعدت عني واتغيرت لا بتكلمني ولا بتسأل عني حاولت كتير مخسرهاش بقيت أنا اللي بسأل وبلتمس ليها الأعذار بس هي اتغيرت اتغيرت أوي بقيت حاسه اني مليش لازمة في حياتها وأتأكدت من دا لما أمي تعبت مجتش حتى سألت عليها وعليا حتى مجتش عزتني لما أمي ماټت فخلاص كل اللي كان جوايا ليها انتهى مبقتش حتى عايزة اشوفها ولا اتعامل معاها تاني وقفلت أي باب كان بينا لأن فعلا حاولت كتير علشان مخسرهاش.
بس للأسف دلوقتي خسرتيها خسرتيها للأبد.
يعني ايه!
أميرة ماټت يا ريم أو خلينا نقول أتق.. تلت.
أيه! يعني أيه!
والله أنا اللي عايز اسألك يعني أيه واحدة قطعتي علاقتك بيها من سنتين شقتها مليانه بصورك أنت وهي في كل مكان وكأنكم كنتوا لسه مع بعض امبارح!
ب.. بس أنا والله العظيم ما أعرف عنها حاجة من سنتين ولا كلمتها.
طيب خلال السنتين دول هي حاولت تكلمك أو تتواصل معاكي
حاولت بس أنا خلاص مكنتش عايزة أعرفها تاني.
بص الظابط لينا أحنا الأربعة وقال
الغريب أن أنتوا الأربعة الأقرب لأميرة والأغرب بقا أن انتوا الأربعة محدش فيكم عارف عنها حاجة لا أخوها ولا جوزها ولا الست اللي ربتها ولا حتى صحبتها المقربة إزاي حد مقرب يختفي من حياتكم لفترة ومتعرفوش عنه حاجة! وإزاي كلكم على خلاف معاها!
بعد أكتر من ساعة من التحقيق طلب الظابط مننا نستنى برا شويه فخرجنا قعدت جنب الحاجة فاطمة اللي كانت بټعيط وسألتها
هو فيه إيه!
أنت كمان رافضة تصدقي إنها اتق.. تلت صح!
أتق.. تلت إزاي! وليه! وإزاي لا حسن أخوها ولا محمد جوزها عارفين عنها حاجة! أنا مش فاهمة حاجة.
حسن زعلان منها لأنها اتجوزت محمد من غير موافقته أنت عارفة حسن هو اللي رباها دا مش بس أخوها الكبير دا أبوها فمن ساعة
ما اتجوزت وهو قاطعها خالص.
طب ومحمد! دي خسړت أخوها علشانه!
هي ومحمد كانوا بيحبوا بعض أوي بس لما عرف إنها كانت حامل وأجهضت من غير ما تقوله سابلها الشقة ومشي سافر وقطع كل