حكاية مريم ويزن بقلم آلاء حجازي

دي واقفة قدام حياة أنا اخترتها بإيدي.
قلبي كان بيدق بسرعة ودموعي واقفة على طرف عيني
افتكرت كل اللي فات يوسف الخذلان الليالي اللي قعدت فيها أبكي وأقول أنا انتهيت.
وابتسمت ابتسامة نصر صغيرة.
لأ أنا ما انتهيتش أنا ابتديت من جديد.
دخلت القاعة لقيت يزن واقف مستنيني عينيه مليانة فرحة واطمئنان.
أول ما شافني قام ابتسم ابتسامة ما شفتهاش في حياتي ابتسامة كلها حب.
قرب مني بابا مسك إيدي وحطها في إيد يزن.
عينيه كانت مليانة دموع فرحة وقال بصوت متحشرج
أمانة عندك يا ابني.
يزن شد على إيدي وبص في عين بابا بثبات وقال بابتسامة هادية
في عيني يا عمي والله من غير ما توصيني.
اللحظة دي كانت أصدق من أي كلام.
حسيت إني بتسلم من ۏجع لفرحة ومن خوف لأمان.
دموعي نزلت مش دموع ۏجع لأ دموع فرحة دموع شكر.
بصلي يزن وقال بهمس
وعد يا مريم عمري ما هسيبك ولا أوجعك.
ابتسمت وأنا برد
وأنا عمري ما هسمح لحد يكسرني تاني طول ما إنت جنبي.
الزغاريد ملأت القاعة والكل بيبارك.
بس أنا ما سمعتش غير دقات قلبي وما شفتش غير عيون يزن.
وفي اللحظة دي وإيدي في إيد يزن كل الكلام اللي كنت بخزنه جوايا طلع قدام عيني.
افتكرت كلمة كنت دايما برددها بيني وبين نفسي في عز كسرتي
قد يعطيك الله كسرا ليمنحك فيما بعد جبرا يفوق كل التوقعات.
ووقتها فهمت إن الجبر ده هو يزن.
افتكرت كمان بيت كنت قريته في يوم من الأيام
ولما رأيتك أيقنت أن الحب رزق وأنك كنت نصيبي الذي انتظرته.
وبين كل الزغاريد والفرحة فضلت أنا شايفة عيونه بس وافتكرت
في عينيك وجدت أوطاني وفي قلبك عرفت أنني أخيرا وصلت.
وفي النهاية
عرفت إن الخذلان مش نهاية العالم.
وإن اللي بيوجعك النهاردة ممكن يكون سبب إن ربنا يرزقك باللي يستاهلك بجد بكرة.
وفي الآخر عرفت مريم إن الخذلان مش نهاية وإن اللي يمشي مش بيضيع عمر هو بس بيفرغ مكان للي يستاهل.
الحب مش دايما بيبقى مع اللي اخترناه في الأول أوقات ربنا بيبعد عنا حد كنا شايفينه دنيتنا كلها عشان يبدلنا بحد يكون هو الدنيا بجد.
الخذلان مش نهاية بالعكس ساعات بيكون هو البداية الحقيقية لحياة أهدى لقلب مطمئن ولشخص يستاهل وجودك.
ف ما تزعليش لو حد مشي يمكن هو ماكانش نصيبك لكن اللي جاي ممكن يكون أجمل جبر يخطر على بالك.
خديها كلمة من مريم ليكي
ما تخافيش من الفقد اللي بيروح مش كان لك واللي جاي هو جبر ربنا اللي عمره ما بيخيب.
وكأن القلب يهمس في النهاية
وعسى أن تكرهوا شيئا وهو خير لكم
فأدركت أن كل ۏجع ما كانش إلا طريقا لجبر أجمل.
وبكده نقول فركشششش يسكاكر
ايها القارئ اللطيف
ابتسم وافرح انت اتخلقت عشان تكون فرحان نور وشڪ ب إبتسامتك الجميلة.. أتمنى لك يوم جميل ڪ جمالك.
بقلمي آلاء محمد حجازي
حواديت_لولو.