سأظل بجانبك حتى النهاية بقلم رؤيا محمد

عايزه اعرف أخبار الحالة وكده..
مكدبش عليك يا دكتورة الحالة رفضت العلاج كتير وده خلى المړض ينتشر اكتر بس أكيد لسه في أمل بإذن الله..
ضغطت على إيدي پألم استكان في قلبي تمام يا دكتور هو أنا كنت عايزه اتابع الحالة وأشوفها..
تمام اتفضلي معايا..
روحت مع الدكتور شوفته بعد غياب سنة لسه جميل زي ما هو ولطيف ويخطف لكنه بقى باهت اوي قلبي وجعني على حالته ووجعني اكتر على أني مكنتش جمبه كل ده.
_______________________
عمو إبراهيم..
نعم يا بنتي..
انا عايزه اتجوز رحيم..
اتكلمت بشجاعة مش عارفة جات منين مش واثقه أن قراري ده اصح حاجه لكن الل واثقه منه أني عايزه ابقى جمبه عايزه ابقى ونس له لحد ما يعدي ده عايزه ابقى الكتف الل بيتسند عليه
كملت لأني حسيت في عيونه الرفض قبل ما ترفض يا عمو حضرتك أنا عايزه ابقى جمب رحيم عايزه اعرف اشاركه كل حاجه مش ك الدكتورة الل بتابعه وبس أنا عايزه اتجوزه عشان اعرف اشاركه إي ألم أعرف امسك إيده واطبطب عليها وقت ألمه اعرف احضنه واطمنه أن كل حاجه بخير..
بصلي وابتسم وقال متأكدة من قرارك يا بنتي
رديت له الابتسامة بثقة أه يا عمو متأكدة جدا..
على خيرة الله يا بنتي..
ابتسمت وكلمت ماما ابلغها هي وليلة الل رفضت رفض تام لكن مع اصراري وافقت وعقدنا اخيرا بقا يحق ليا احضنه وإمسك ايديه الل متأكده ان فيها كل الأمان.
_______________________
اتكلمت بهمس أه لو تعرف بحبك قد إيه يا سي رحيم!
كنت قاعده جمبه وهو نايم هو لسه ميعرفش أننا بقينا متزوجين وعارفه أنه هيرفض وهيقول كلام يجرح لأجل أنه يبعدني عنه لأنه شايف أن ده الأحسن لكنه ميعرفش بجد أن قربي منه هو الأحسن لي وله.
فتح عيونه وبصلي وقال بتوهان رؤيا! أكيد بحلم أكيد كالعادة..
ابتسمت وقولت لا مش بتحلم يا رحيم أنا هنا فعلا وجمبك وزعلانه منك قد البحر!
حسيته لسه مش مصدق فمسكت إيده وأنا بقول يا عم والله أنا بجد مش حلم ولا حاجه اطمن!
فجاة بدون سابق أنذار لقيتني بين إيديه وف حضنه الدافي حضنه طلع أجمل والالطف وارق من ما كنت اتخيل بادلته الحضن وأنا سعيدة بوجودي جمبه.
أنت هنا بجد أنت هنا وجمبي بجد!
ابتسمت اه هنا وجمبك بجد وبقيت مراتك كمان!
إيه!
إيه!
مراتي إزاي وأنا معرفش ازاي بدون علمي!
مش مهم ازاي المهم أني بقيت مراتك واني جمبك يا رحيم.
ابتسم بعد كده ابتسامته اتلاشت تدريجيا فهمت الل بيدور في باله
فقولت رحيم شيل الل أنت بتفكر فيه ده من دماغك أنا هكمل معاك لحد آخر المشوار وهفضل احبك وجمبك مهما كانت الظروف!
اتكلم ببرود وأنا مش بحبك ولا عايز افضل جمبك قولتهالك زمان وهقولهالك دلوقتي أنا مجبور على وجودي جمبك!
ابتسمت ماشي يا سيدي شوف مهما تعمل مش همشي