سأظل بجانبك حتى النهاية بقلم رؤيا محمد

مش هقدر اكمل!
يعني إيه مش هتقدر تكمل يا رحيم
يعني مش قادر يا رؤيا مش قادر اخدع نفسي ولا اخدعك أكتر من كده مش قادر اقولك أني هفضل جمبك ك حبيب وأنا مش عايز ده مش عايز أكون مجبور عليك!
اتنفست بعمق منعا لنزول دموعي وأكتشفت ده دلوقت اكتشفت أنك مش هتقدر تكمل دلوقتي قبل الفرح بشهرين! بعد ما بنيت كل آمالي عليك جاي تكتشف ده دلوقت!
يا رؤيا اسمعيني..
قاطعته بحزن اتملك من قلبي ولا اسمعك ولا تسمعني..
قلعت الدبلة وحطيتها على الترابيزه بحزن ويأس اتملك مني ومن قلبي ومن عيوني الل دمعة هربت من سجن جفونها.
اتفضل دبلتك يا أستاذ رحيم انا عمري ما اقبل أني اتجوز واحد مجبور على وجوده معايا..
مشيت وأنا وبصارع بقيت دموعي انها متنزلش بصارع أن ضعفي ميبانش حتى لو له! كنت عارفة أنه مبيحبنيش لكن كنت بحاول لأني متأكده أني استاهل اتحب..اتحب منه أنا عارفه تفصيل تفصيله وبهتم بيها لأني بحبه لأن قلبي مدقش غير له محسش بالأمان غير من وجوده جمبي .
______________________
فات سنة وطيفه غايب عني طول السنة دي وانا بحاول اكتم إشتياقي له وحبي وألم قلبي منه سنة زي ما عدت بمر غيابه ف هي عدت بحلو نجاحي وبقيت دكتورة متميزة في طب الأورام وخصوصا الأطفال الأطفال الل هما الطف شيء وجد حقيقي هما قلوب لسه متلوثتش هما لسه محتفظين بالقلوبهم البريئة!..
رؤيا يبنتي!
فوقت من سرحاني في ذكريات فات عليها كتير بصيت لمصدر الصوت وكانت ليلة صديقتي وصديقة إيامي صديقة الضحك وصديقة البكا هي الضلع الل بيسندني في كل وقعة بقول عليها الأخيرة حقيقي وجود شخص يشاركك الأيام سواء كانت حلوة أو مره شيء لطيف ومطمئن للقلب جدا.
إيه يا ليلة في إيه
غمزتلي وضحكت الل واخد قلبك يتهنى بيه!
ابتسمت بحزن خده ومتهناش بيه بل خربه وبالقوي يا ليلة!
طول ما أنت حاسرة عقلك وقلبك في ذكريات الماضي عمرك ما هتتخطي يا رؤيا لازم تحرري قلبك وتديه فرصة افتحي شباك قلبي يطل على الحياة من تاني!
مين قالك أني عايزه اتحرر يا ليلة الذكريات دي هي الل بقيالي منه بعد غيابه عني الذكريات دي هي الل بتطمني!
نبرتها اتملت بالعصبية بتطمنك ب إيه يا رؤيا تقبلي فكرة أن رحيم سابك لو كان ناوي على رجوع كان رجع ياريتك تفهمي أنه مش بيحبك وكفاياك ۏجع قلب!
ابتسمت بۏجع فاض بيا وبقلبي أنا متقبلة يا ليلة وعارفة أنه مبيحبنيش لكن القلب مدقش ولا عرف معنى الحب غير معاه ولو رجع بيا الزمن تاني كنت هختار أحبه من الأول لأنه يستاهل يتحب يتحب بتفاصيله وعاداته و..جمال عيونه رحيم كله على بعضه يستاهل يتحب!
حقيقي رحيم يا رؤيا عمره
ما كان يستاهلك ولا يستاهل قلبك الل بيعطى حنان يكفي العالم