رواية مريم كاملة بقلم شيما رجب

مريم قوليلي حصل هتخبي عليا انا
مريم معلش يا سلمى مش قادره اتكلم
سلمى طب ماما بتقولك جهزي نفسك عشان الضيوف على وصول انتي عارفه الفرح بكره خلاص
مريم حاضر
خرجت سلمى وسابتني في تفكيري تاني حاولت انسي كل اللي حصل واتعامل عادي جدا لبست وجهزت حاولت اخفي آثار تحت عيني من البكى وقله النوم بالمكياج عرفت من ماما أن مصطفى جيه وعايز يشوفني
مريم ازيك يا مصطفى
مصطفى كويس وانتي
مريم في احسن حال
مصطفى اي اللي انتي لا بساه ده
مريم ماله فستان عادي جدا مافيهوش اي حاجه
مصطفى لا مش عادي ويتغير حالا
مريم بس هو عاجبني وبابا وماما شافوه ومافيهوش اي اعتراض
مصطفى وانا معترض
اتهزيت مش هنكر كنت لسه هستسلم تاني واضعف مش عارفه ليه بس بس لاقيت يحيى قدامي وبيبتسملي وكأنه بيديني طاقه طاقه اني اكمل
مريم بمناسبه اي
مصطفى اني خطيبك
مريم اديك قولت لسه خطيبي انا لو كنت بقولك اني خارجه مش اني بستأذنك لا ده تقدير مني وللأسف انت ماتستاهلوش ولو كنت بعتذر وانا مش غلطانه ف هو كان تفكير غلط مني اني احافظ على علاقه مبنيه غلط واني لما كنت برد عليك بهدوء وانت في قمه غضبك وعصبيتك ف ده مش خوف منك لا ده أدب مني طول الوقت بحاول بحاول وانت بتهد اي حاجه بحاول اعملها وللأسف طاقتي بتخلص مني انت اسټنزفت كل حاجه حلوه جوايا كل حاجه انت دمرتها وفي الكام يوم اللي بعدتهم عنك كليا انا لاقيت نفسي من تاني وطاقتي رجعتلي وحبيت الدنيا بعد ماكنت يآست منها شوفتها بطريقه مختلفه وحقيقي بقولك من كل قلبي ياريتك ما دخلت حياتي اتفضل دبلتك ولو في اي حاجه تاني ياريت تكلم بابا بس انا مش فاكره أن في حاجه تاني عن اذنك
مشيت وانا متحرره وطايره وقلبي فرحان وحاسه بحريه مش خاېفه لا مرتاحه مش فارق معايا نظره الصدمه اللي كانت في عنيه ولا الثقه والغرور اللي كان بيتلاشي مع كلامي مش فارق معايا لاول مره ما يبقاش فارق معايا
يحيى انا فخور بيكي
مريم وانا ممتنه لوجودك وليك
يحيى مريم بجد انا مبسوط عشان انتي مبسوطه وروحك رجعتلك
مريم حقيقي حاسه براحه رهيبه
يحيى مريم استني كده اي ده مال عنيكي
مريم تصدق هو ماخدش باله ولا سألني مالي
يحيى وانتي كنتي عايزاه ياخد باله ليه
مريم نعم
يحيى قصدي أن الموضوع انتهي بتفكري ليه دلوقتي
مريم مش بفكر ولا فارقلي بس المشكلة من ساعه ما عرفتك وانا بعمل مقارنات غبيه بينك وبينه
يحيى ليه ليه مقارنه بيني وبينه
مريم يمكن لما شوفت معاملتك ل مراتك وطريقتك في انك تراضيها حبيت اكون مكانها ڠصب عني اتمنيت اني اتحب كده
يحيى بابتسامه انتي تستاهلي اكتر من كده
مريم بعد ما أدركت اللي قالته انا اسفه لازم امشي
سيبته وجريت تقريبا ايه اللي انا قولته ده يخربيتك يقول عليكي اي دلوقتي ابو لسانك ده
يحيى مريييم نسيتي فونك مشيت المتسرعه
اول مره اشوف حد مش عامل لوك ل فونه ماهو مافيهوش غير رسوماتها
قعدت اقلب في الرسومات لحد ما شوفت اللي صدمني انا رسمتني انا
عدي شويه وقت من التهاني والمباركات والهدايا والحاجات دي و سلمى مختفيه مش عارفه فين ومش عارفه اقول لماما ولا ل بابا على اللي حصل معايا انا ومصطفى لاقيت ماما بتنادي عليا روحتلها
الام تعالي اقولك ...
مريم مقاطعتها ماما انا أطلقت لا اقصدي سيبت مصطفى واديته دبلته
الام بفرحه الف مبارك يا حبيبتي مبارك
مريم انتي مش زعلانه
الام لا طبعا ربنا يعوضك خير هو اصلا كان عيل غتت في داهيه
تقريبا الكل كان شايف حاجه وانا شايفه حاجه تاني يلا الحمدلله عدي وقت والكل اتشغل مع المعازيم وعدي الوقت وانا زهقت م الجو ده ف طلعت اوضتي عشان حسيت بصداع ....انا قولت اني كنت طالعه عشان زهقانه بس سبحانه انا ماحسيتش بنفسي غير تاني يوم وسلمي بتصحيني برضو
سلمى اي كل ده نوم انتي ما صدقتي ولا اي يخربيتك انتي نائمه من امبارح
مريم اي ده انا نمت ازاي انا كنت مصدعه شويه وطلعت محستش بنفسي غير دلوقتي
سلمى مالك يا مريم انتي كويسه
مريم انا سيبت مصطفى يا سلمى
سلمى الحمدلله يارب الحمدلله مبارك ياروحي ربنا يعوضك خير ان شاء الله
مريم أن شاء الله
سلمى امبارح يحيى كان بيدور عليكي عشان تليفونك نسيتيه معاه وهو اداهولي عشان اديهولك
مريم ماشي يا نهاااار اسووح التليفون
سلمى في اي
مريم الفون من غير لوك اخاڤ احسن يكون يحيى شافها
سلمى شاف اي
مريم بعصبيه رسمته يا سلمى رسمته
سلمى پصدمه رسمتي يحيى ....طب ليه
مريم معرفش ماحسيتش بنفسي وانا برسم واتفاحأت زيك كده بالظبط
سلمى اوعااا يكون اللي في بالي يا مريم
مريم شكلها كده
غيرت هدومي ونزلت بس اڼصدمت لا قيت يحيى ومراته قاعدين وبيضحكوا والكل حواليهم كنت هرجع لولا أنه شافني ونادي عليا روحت سلمت وقعدت من سكات بس مراته كانت بتبصلي وتبتسم بطريقه خوفتني مش عارفه ليه استأذنت منهم عشان اجهز حاجتي انا وسلمي ماصدقت بعدت وسمحت بدموعي أنها تنزل كنت محتاجه حاجه تفكرني أنه متجوز بس ماكنتش اتخيل أنها تبقا هي اللي بتفكرني
يحيى بټعيطي ليه دلوقتي
مريم انت مالك
يحيى في اي يا مريم من امتا وانتي بتتكلمي كده
مريم انا اسفه انا تعبانه شويه
يحيى ولا يهمك يا ستي تعالي طيب عشان الكل عايزك
مريم ليه
يحيى عشان تتعرفي على هند انتي مشيتي من غير ما تتعرفي عليها
مريم هند مين
يحيى مراتي انتي نسيتها
مريم لاانا جايه اهو
اخدني وروحنا هناك وسلمت وقعدت برضو من سكات بس اللي لا حظته المره دي نظرات يحيى اللي مش مفهومه ولاقيته بيطلب حاجه قدام الكل بمنتهي البرود
يحيى مريم ممكن ترسمي لوحه ليا انا وهند
مريم انا اسفه بس مش رسم بني ادمين
عمر متدخل بضحك أصلها حالفه يا سيدي ما ترسم غير اللي قلبها يختاره
يحيى يابخته ياعم هيترسم كل يوم
انا مټعصبه ليه دلوقتي مانا ممكن اقوم اقتله دلوقتي عادي لا مش عادي مش هيهون عليا اناهقوم امشي احسن استأذنت وقومت طلعت اوضتي وعدي وقت كتير و انا شايفاهم بيضحكوا م البلاكونه ومبسوطين فضلت في اوضتي ل ما سمعت أن الكل جهز وهنتحرك على القاعه كنت لبست فستان اسود واسع اوي من تحت وضيق شويه من عند الوسط وعليه طرحه بيج وميكب خفيف بس ربنا يحميني ل نفسي كنت قمرين نزلت لا قيت يحيى واقف تحت ع السلم من وقفته كده تحسي أنه مستنيني نزلت
يحيى اي الجمال ده
مريم متشكره اومال فين هند
يحيى بابتسامه هند مشيت
مريم لوحدها
يحيى لا مع جوزها
مريم اه ما....اي جوز مين
يحيى بضحك مع جوزها اي الغريب في كده
مريم اومال انت اي
يحيى انا اخوها يا هانم ياللي بتفهمي ع مزاجك
مريم انت بتتكلم جد
يحيى ومالك فرحانه كده ليه
مريم بتوتر لا لا
هفرح ليه يعني
يحيى عشان بتحبيني مثلا
مريم پصدمه يتحاول تداريها اي الغرور ده
يحيى مش غرور دي ثقه لاني انا كمان بحبكك
مريم اي
يحيى مش عارف أمتا ولا ازاي بس حبيتك وحبيت كل حاجه فيكي واتعلقت بيكي شوفت غيرتك عليا وحبك من غير ما تقولي عنيكي كانت فاضحاكي اوي ماعرفتيش تخبي بس اللي كان مدايقني انك ماكنتيش واخده بالك مني أو انا اللي ماحاولتش كفايه عشان كان موضوعك لسه ما انتهاش وكنت عايز اتاكد من مشاعرك واول ما اتاكدت حاولت ومش هبطل احاول عشانك انتي غاليه اوي وانا مهمتي دلوقتي اني اسعدك واحاول بكل طاقتي انك تكوني مبسوطه
مريم مش هتتعب أو تبطل تحاول
يحيى عمري عمري دلوقتي بقا ليكي وعشانك
مريم هتفضل كده
يحيى لحد اخر العمر بس في طلب اخير
مريم اي
يحيى بابتسامه اي رأيك يبقا بدل كتب كتاب واحد يبقوا اتنين
مريم هتفضل لحد اخر العمر
يحيى لحد اخر العمر
مريم موافقه
وكأنك دعوه وقت استجابه اتيت لتجبر قلبي المكسور