رواية مريم كاملة بقلم شيما رجب

الناس هتبصلها أنها مكملتش خطوبتها انها اتخطبت شهور وفشكلت الكل هيعيب فيا الكل هيقولك عليا كلام ربنا وحده اللي عارف أنه مش صح وكلام الناس بينتشر ويتصدق بسرعه مش عايزه احط نفسي واهلي في الموقف ده مش عايزه اخليهم يحسو اي احساس وحش واكون أنا السبب فيه عشان كده بحاول بكل طاقتي اخليها علاقه ناجحه ..... اخدت نفس ومسحت دمعه نزلت من عيوني ڠصب عني وكملت رسم بعد حوالي دقيقه سمعت صوت غريب بيرد على كلامي
انتي قولتي انتي غاليه وغاليه اوي كمان انتي مش المفروض تحاولي انتي المفروض يتحاول عشانك مش المفروض تتعبي عشان حد انتي الكل يتعب عشانك انتي غاليه وتستاهلي كل حب الدنيا تستاهلي يتحارب عشانك ويتقدملك كل اللي بتحلمي بيه تستاهلي يتقدملك حب الكون بجد انتي نضيفه اوي اوي من جوة وقلبك ابيض وبتحبي اهلك اوي وعشان كده ربنا هيعوضك خير خليكي فاكره حاجه واحده بس انتي مش المفروض تحاولي انتي يتحاول عشان بس انتي غاليه غاليه اوي حاجه اخيره انا اسف بجد اني سمعت كلامك كان واضح انك بتتكلمي مع حد تاني بس انا شدني رسمك وكنت بشوفه وانتي اتكلمتي ف كلامك شدني اكتر وكان لازم اسمعك عشان افهمك انك غاليه افتكريها دائما عن اذنك
مشي سابني مصدومه ومشي ازاي يسمع كلامي كده ازاي يشوفني ضعيفه ازاي حد غريب يقعد معايا واتكلم معاه كده ازاي يقولي كده ازاي يتكلم معايا كده ماقدرتش ارد عليه نظرت الصدمه كانت كفيله تقول كل حاجه جوايا في وقتها
سلمى مالك متنحه ليه كده حصل اي
مريم كنتي فين كل ده آخرتي ليه
سلمى اخرت فين انا ماكملتش ربع ساعه
مريم ط..طب يلا عشان نمشي
سلمى خلصتي بسرعه كده
مريم اه ماخدتش وقت كتير وهبقا افنشها في البيت
سلمى باستغراب ماشي يلا
روحنا البيت وانا في عالم تاني مفيش في بالي غير صوت واحد بس جوايا صوته هو وهو بيقولي انتي غاليه انتي يتحاول عشانك انتي اميره كنت مبسوطه مش هنكر بس كنت مستغربه الاحساس ده احساس هادي كده بيخليني اي حد يكلمني اضحكله بيبقا هاين عليا امشي احضن الناس كلها واقولهم بحبكك
الام خير يا مريم بتضحكي ليه
مريم مش عارفه بس مبسوطه
الأم من غير سبب
مريم هتصدقيني لو قولتلك اه حاسه بإحساس هادي جوايا براحه غريبه مش عارفه مصدرها اي واي سببها قلبي مبسوط وبيدق وبيضحك حاسه بحيويه رهيبه
الام بكره تعرفي مصدرها اي يا روحي بس خليكي مبسوطه دائما كده
طلعت اوضتي فضل قاعده والصوت ده بيتردد في ودني نظرته وهو بيكلمني كانت في منتهي الجديه ولا كأنه يعرفني من سنين بيتكلم بكل تأكيد لدرجه خلتني أقول إنه حد قريب مني وعارفني مع أننا اول مره نتقابل بس صوته مسيطر ع كل احساس جوايا يمكن عشان اول مره حد يقولي الكلام ده بمنتهي الثقه دي مش عارفه بس حاسه اني شوفته انا عرفته هو الشاب اللي كنت بتكلم عنه اللي كان بيصالح مراته...... مراته انا نسيت اي اللي انا بقوله ده حاولت انسي الموضوع ده وما افكرش فيه بس ڠصب عني صوته ملازمني نزلت تحت عشان اشغل نفسي في اي حاجه بقالنا 10 ايام بنجهز ل فرح عمر وخلاص هانت باقي كام يوم ع الفرح
سلمى مريم ماكلمتيش مصطفى
مريم اشمعنا يعني بتسألي ليه
سلمى عادي بس شايفاكي رايقه اليومين دول قولت يعني أن الأمور بينكوا اتحسنت
مريم بسخرية لا انا رايقه عشان ما بقناش نتكلم اصلا
سلمى حاسه انك بقيتي تشوفي الموضوع من وجهه نظرنا
مريم تقريبا
سلمى بفرحه ربنا يقدملك الخير يارب استني مش هتقوليلي حصل اي الصبح كان ملغبطك كده
مريم هقولك فاكره ........ وحكيت كل حاجه
سلمى يمكن ربنا بعتهولك اشاره انك ما تضيعيش حياتك على حد مايستاهلش
مريم الله اعلم يلا بقا عشان نساعدهم عشان أهل عمو طارق جوز طنط حنان جايين النهارده وهيقضوا اليوم هنا
سلمى وده ليه بقا
مريم ولاد عم العريس وجايين يقعدوا معاه احنا مالنا
سلمى طب يلا
نزلت انا وسلمي عشان نساعدهم تحت كميه شغل رهيبه اي ده هو عشان سي عمر يتجوز احنا نتكسح ولا اي اي كل ده
سلمى تعرفي يا بت يا مريم انا لو فكرت اتجوز هتجوز مخصوص عشان اطلع عليهم اللي هما بيعملوه فينا
مريم وانا ورب محمد وانا حتى لومصطفى هضحي بحياتي بس اخلص اللي هما عاملينه فينا ده
الام عاملين اي يا اختي انتي وهي كله ده عشان غسلتوا وكنستوا ومسحتوا ورتبتوا وهبيتوا الشقتين تلاته دول
مريم لا مالكيش حق يا بت يا سلمي تزعلي قومي شغلي الكاسيت وارقصيلهم بينيلهم قد اي مبسوطه
الام ماشي يا ام لسان طويل وحيات امك ما هاسيبك
مريم بغمزه هنعملي اي يعني هترجعي لأيام الشقاوه ولا اي
الام الشبشب اللي هيرد عليكي يا روحي تعالي
سببتها وانا بضحك بجري وهي بتجري ورايا بالشبشب وسلمى بتشجعني أجري اكتر وهي بتضحك عليا برضو وانا بتفادي الاماكن اللي فيها مايه في الارض عشان ما اتزحلقش
الام بخضه مرررررررريم خلى بالك هتقعي
مريم ماااامااااااا
واذا فجأه سبحان الله تلاقيني بتمسك قبل ما اقع من ع السلم ل تحت وفي مشهد سلو موشن هندي الاقيني في شبهه حضنه وهو بينقذني هييييييح اي ده يخربيتك انتي في الحقيقه مش حلم فوقي
سلمى مريم انتي كويسه
مريم ا..اااه الحمدلله
الام متشكره يا يحيى يا حبيبي لولاك كان زمان مريم في المستشفى
يحيى لا شكر على واجب يا طنط
عمر مريم مين هي فين مريم دي
سلمى ماهي قدامك اهي
عمر وانتي مين انتي كمان
سلمى سلمي سلمي يا بيه
عمر ودي مريم
مريم لا معاك خدامتك مديحه يا بيه تحب اروقلك الشقه واسيئلك البلاط
عمر بضحك لا مانتي قومتي بالواجب خلاص
مريم بس يلا انت ماهو كله بسببك وجوازتك الزفت دي
عمر حطيها في جوازتي يا اختي
يحيى خلاص بقا يا جماعه اي شغل العيال ده
الام يلا يا بنات ع كماله النضافه وانتوا يلا شوفوا رايحين فين
سابونا ومشيوا وانا اصلا واقفه في نص هدومي ع منظري ده وانا شبه مديحه الشغاله فعلا بس برضو ما فهمتش اي اللي جاب يحيى هنا واي علاقته يا عمر
مريم بت يا سلمى مين ده واي علاقته ب عمر
سلمى ده ابن عمه يا ستي
مريم ده هو الشاب اللي كنت بحكيلك عليه امبارح
سلمى اوبااااا الاشاره
مريم ايوه هو ماكنتش متخيله اني هقابله تاني
سلمى قدر يا روحي قدر ويلا بقا عشان نخلص في اليوم الهباب ده
كملنا ترويق وخلصنا بعد عڈاب حقيقي ومعاناه ومحدش سأل فينا ولا بكوبايه عصير حتى مش عارفه اي العيله النتنه دي
مريم انا عايزه اغير هدومي واناااااام ومحدش يقرب من بابا الأوضه
سلمى وانا يلا بقا قبل ما حد يشوفنا ويلبسنا في حاجه تاني
مريم يلا يلا بسرعه
طلعنا ع فوق بسرعه وقفلنا