رواية ستبقى حبيبي بقلم راجية الجنة الجزء الأول

اه لو رودينا سمعتك ناو
يوسف رودينا مين وبتاع مين ايه يا بت الحلاوة دي خافي ع نفسك
سيسيل بحرج بس يا يوسف
يوسف بس يا يوسف ايه بس وانتي قمر كده
خرجت حنان من المطبخ علي مغازله يوسف لسيسيل سيسيل طول عمرها قمر بس بعيد عنك في ناس عاميه ومبتشوفش نقول ايه
يوسف ايه لزمته بس الكلام ده
سيسيل انا هقوم امشي لو قعدت هنا هتأخر
حنان مش هتفطري
سيسيل معلش يا خالتو والله هتأخر وكانت سيسيل بجوار النافذه فرآت ادم وهو يخرج من البنايه
سيسيل بتسرع خالتو باي بقي سلام
حنان خلي بالك من نفسك
سيسيل وهي تسرع الي الباب طيب طيب
ركضت سيسيل الي اسفل لتلحق ادم ووجدته منتظرا سيارة اجري
سيسيل صباح الخير
ادم وهو ينظر لها باعجاب صباح النور .. اول يوم
سيسيل اه
ادم ربنا معاكي
سيسيل يارب ..وقامت باخراج شئ من حقيبتها ممكن تقبل مني ده
ادم ايه ده
سيسيل ده مصحف خليه معاك يحفظك
ادم ميرسي يا سولا
سيسيل العفو تروح وترجع بالسلامة هتوحشنا
ادم وانتو كمان يلا علشان متتأخريش خلي بالك من نفسك
سيسيل وانت كمان لا اله الا الله
ادم محمد رسول الله
تركته سيسيل واستقلت سيارة اجري لتذهب بها الي المستشفي وكانت طوال الطريق شاردة في حبيبها ورقته وحنيته وكل شئ فيه يجذبها حتي افاقها السائق من شردوها وابلغها انهم وصلوا هبطت سيسيل من السيارة ودخلت الي المستشفي ووقفت قليلا تطلع اليها في فخر وذهبت الي الاستقبال
سيسيل لو سمحتي انا متدربه وكنت عايزة اعرف اروح فين انا متدربه جراحة
موظفه الاستقبال الدور التالت اسألي علي غرفه المتدربين
سيسيل شكرا
صعدت سيسيل الي الدور الثالث حتي وصلت الي الغرفه التي يتجمع بها المتدربين وجدت مجموعه من المتدربين موجودين بهذه الغرفه
سيسيل بابتسامة مشرقه صباح الخير
الجميع صباح النور
سيسيل هو مفيش معانا دكاترة
احد المتدربين الدكتورة لسه مجتش
سيسيل اوك ميرسي
بعد قليل دخلت اليهم سيدة في اوائل العقد الثالث ترتدي بالطو ابيض الخاص بالدكاترة سلام عليكم
الجميع وعليكم السلام
الدكتورة انا دكتورة سحر وانتوا هتكونوا معايا فترة التدريب بتاعتكم بحب الالتزام محبش التأخير ومش بحب اعيد كلامي مفهوم
الجميع مفهوم
سحر اتعرف عليكم
وبدأ كل فرد يقول اسمة وكانت اسمائهم هكذا
طارق ريم سيسيل شاهنده شريف
سحر الكل يتفضل يلبس اليوني فورم بتاعه وتحصلوني ثواني تكونوا قدامي في استقبال الدور
بدأ الجميع في ارتداء اليوني فورم الخاص بالمتدربين واجتمعوا جميعا امام استقبال الدور
سحر طارق غرفه 502 مع دكتور رامي شاهنده انهاردة هتخلصي ملفات المړضي شريف مع دكتور وائل غرفه 300 سيسيل وريم معايا في الاسعاف
كانت تسير سحر وكانت تركض خلفها سيسيل وريم وبدأو في بدايه عملهم فكانت سيسيل تعمل باجتهاد كانت تحب ان تثبت ذاتها ومر الوقت سريعا وجاء موعد الاستراحة ذهبت سيسيل وريم الي الكافيه الخاص بالمستشفي وجلسوا معا علي نفس الطاوله
ريم انتي جامعه اسكندريه يا سيسيل
سيسيل لاء انا جامعه القاهرة
ريم انتي اصلا من القاهرة
سيسيل انا اصلا اسكندرانيه بس حصلت ظروف ونقلنا القاهرة قبل دخولي الجامعه ع طول
ريم انا برضه بقول مشوفتكيش في الكليه بس انتي عايشه هنا لوحدك ولا رجعتو
سيسيل لاء بابا وماما واخويا في القاهرة انا قاعده عند خالتو هنا في سيدي بشړ وانتي
ريم انا اسكندرانيه وعايشه هنا في محطة الرمل
سيسيل اها احسن ناس يا قمر اهل اسكندريه اللي انا منهم طبعا
ريم وسيسيل ههههههههههههههههه
ريم انتي بقي باباكي دكتور
سيسيل انا معنديش حد دكتور خالص بابا قاضي واخويا محامي
ريم وانتي بقي اشمعني الطب
سيسيل لاني حابه الطب وانتي عندك حد دكتور
ريم اه اخويا دكتور جراح قلب بس عايش في انجلترا
سيسيل يرجع بالسلامة
ريم ان شاء الله
سيسيل بخضه في استدعا يلا
ركضت سيسيل وريم الي الاسعاف وعادو الي عملهم من جديد حتي انتهاء يوم العمل وعادت سيسيل الي المنزل في قمة الارهاق والتعب دخلت سيسيل الي الشقه والقت بجسدها المرهق ع الاريكة وجاءت لها خالتها
حنان سولا حبيبتي
سولا بنوم ها يا خالتو
حنان ايه يا حبيبتي قومي يلا غيري وتعالي كولي
سيسيل لاء انا هقوم اخد دش لحسن حاسه ريحتي بقت كلها ادويه
حنان طيب يا حبيبتي عقبال ما احضرلك الغدا
سيسيل لا يا خالتو انا اكلت في المستشفي حاجات خفيفه كده بجد مش قادرة هو جو لسه ماجاش
حنان لا يا حبيبتي ايات بس اللي نايمة جوة
سيسيل نايمة نامت عليها حيطة هقوم اخد دوش واصحيها
حنان ماشي يا حبيبتي
دخلت سيسيل الي المرحاض ووقفت تحت الدش وكانت قطرات الماء تتساقط عليها لتفيقها من ارهاقها وخرجت الي غرفتها وايقظت ايات
سيسيل ايات اياااااااااااااااااااات
ايات بخضه ايه في ايه
سيسيل انا جيت
ايات يعني اعمل ايه انا يعني اضرب سلام مثلا طب سمعني احلي سلام علشان سولا جت
سيسيل وهي تضربها بطلي رخامة بقي قومي احكيلك عملت ايه
جلست ايات ع السرير ها اشجيني
بدأت سيسيل تقص علي ايات كل ما حدث حتي المړضي والمصابين التي قابلتهم اليوم وحكت لها عن ريم حتي انتهاء اليوم الاول
ايات خلصتي
سيسيل اه خلصت
ايات انام بقي
سيسيل بزعل ع فكرة يا ايات انتي مبقتيش زي الاول مبقتيش تسمعيني ولا حتي طايقالي كلمة
ايات والله ابدا يا سولا ربنا وحده يعلم انا بحبك اد ايه بس والله عندي ضغط في الشغل كبير انا اسفه معلش
سيسيل انا عمري ما ازعل منك ابدا ده انتي اختي حبيبتي
ضمتها ايات الي صدرها وانتي اختي وصحبتي وكل ما ليا يارب افرح بيكي واشوفك مبسوطة
سيسيل انا وانتي في يوم واحد يارب
جاء يوسف والتف الجميع حول طاوله العشاء وبدأت سيسيل تقص لهم احداث يومها الشاق هذا وكانوا يستمعون لها بعنايه حتي ايات التي استمعت الي هذا الكلام من قبل كانت فخورة وسعيدة لان سيسيل سعيدة بعملها وكانت تدعي لها ان الله يوفقها في عملها وفي حياتها
الفصل الثآمن
مرت الايام ع سيسيل عاديه كانت تذهب يوميا الي عملها وتمر بيوم شاق ثم تعود الي المنزل في قمة الارهاق تجلس قليلا وتذهب الي فراشها ولكن لا يخلو اليوم من التفكير في حبيبها الذي يشغل عقلها وتفكيرها ..ومرت الايام حتي جاء يوم الخميس يوم رجوع حبيبها الي الاسكندريه فاليوم عيد بالنسبه لها فستراه بعد غياب 5 ايام كامله ..ولكن ليسوا بايام انهم بسنوات بل قرون غياب ..فتعودت ان تستيقظ علي وجهه الجذاب الرقيق وصوته الرجولي ذات النبره الجذابة .. وها هي تبدأ عملها اليوم بسعاده غير عاديه فاليوم تتميز سيسيل عن باقي المتدربين بالنشاط والحيويه .. وكانت تبتسم الي المړضي بذات الابتسامة الرقيقه الهادئه وكانوا المړضي يرتحون لها ويشكرون بها .. وكانت سحر تسعد بها لتفوقها ونشاطها ولكنها لم تقل لها لكي لا تتخاذل عن ماهي فيه ..وفي تلك الفترة اقتربت ريم من سيسيل بشكل ملحوظ فسيسيل كانت تحب الجميع وكانت تدخل القلب بسهوله لبرائتها وعفويتها ورقتها وسحر ابتسامتها
كانت سيسيل تقف في استقبال الدور الخاص بالجراحة تراجع ملف مريض وكانت ريم تراجع مجموعه من الملفات
سيسيل الله يكون في عونك موضوع الملفات ده ممل اوي
ريم جدا مفيش احلي من انك تتابعي حاله او تدخلي عمليه مثلا
سيسيل بصراحة نفسي ادخل عمليه
ريم مفيش حد من المتدربين دخل عمليات
سيسيل اه فعلا لسه مش سمحولنا
كانت ريم تشعر بعدم وضوح في الرؤيه وكانت تنظر الي سيسيل ولكن بدأت الرؤيه لم تكن واضحة اطلاقا وفقدت الوعي .. ركضت نحوها سيسيل وبدأت في افاقتها ولكن لم تفيق بدأت في مناداه احد الاطباء جاءت دكتورة سحر وبدأت في ايفاقها وذهبت الي احدي الغرف لترتاح هناك وكانت معها سيسيل
سيسيل انتي كويسه
ريم بتعب اه كويسه
سيسيل ايه اللي حصل
ريم بصعوبه في التحدث شويه ارهاق بس تلاقي الضغط وطي ولا حاجة
سيسيل دكتورة سحر قالت ان الضغط كويس
ريم عادي يا سيسيل متشغليش بالك يا حبيبتي تلاقيه بس ارهاق انتي عارفه اني بقعد مع ماما وبشوف كل طلبات البيت ده غير المستشفي هنا
سيسيل ربنا معاكي يارب طيب انا هروحك انهاردة مش هسيبك تروحي لوحدك
ريم مالوش داعي حبيبتي انا هروح
سيسيل لاء طبعا يلا قومي نغير علشان نمشي
ريم اوك
قامت سيسيل بتغير ملابسها وذهبت برفقه ريم الي منزلها
سيسيل يلا يا حبيبتي انا همشي ولما اروح هتصل اطمن عليكي
ريم طب تعالي اطلعي
سيسيل معلش حبيبتي يوم تاني ان شاء الله انتي عارفه انهاردة الخميس ومابصدق اروح ونتلم كلنا ع الغدا
ريم ماشي حبيبتي وميرسي ع تعبك
سيسيل وهي تمسك ذقنها تعب ايه يا عبيطة انتي ده احنا اخوات
ريم واكتر والله ربنا يخليكي يا سولا
سيسيل ويخليكي يا حبيبتي يلا سلام
ريم سلام
صعدت ريم الي منزلها واستقلت سيسيل سيارة اجري وعادت الي منزلها
سيسيل دخلت الي المنزل ولكنها لم تجد احد
سيسيل خاااااااااالتووووو
ولكن لم يوجد رد بدأت في البحث في كل اركان المنزل ولكنها لم تجد احد
سيسيل الله راحو فين دول ده البيت فاضي
اخرجت هاتفها وهاتفت خالتها ولكنها لم ترد ايضا
سيسيل ايه القلق ده بقي
دخلت سيسيل الي غرفتها وفتحت الشرفه سمعت اصواتا عاليه قادمة من منزل نجلاء نادت سيسيل عليهم لتسأل عن خالتها
سيسيل بصوت عال ادم .. اااااااااادم
خرج لها ادم ايوة يا سولا
سيسيل باستغراب ايوة يا سولا انت جاي بدري ليه كده
ادم ههههههههههههه انا هنا من الفجر بابا جه انهاردة
سيسيل بفرحة والله العظيم
ادم اه والله وعلي فكرة كلهم هنا ايات وجووطنط حنان
سيسيل يعني انا اخر من يعلم كده
ادم بطلي لك وتعالي بقي
سيسيل طيب هعمل تليفون وهاجي
ادم اوك مستنينك
اتصلت سيسيل بريم لتطمئن عليها وبدلت ملابسها وذهبت الي منزل ادم وبعد ان دخلت
سيسيل عمووووووو اسمااااااااااااااعيل
اسماعيل وهو يحتضنها بنوتي الشقيه عامله ايه
سيسيل الحمد لله يا عمو حمد الله ع السلامة
اسماعيل الله يسلمك يا حبيبتي سمعت انك بقيتي دكتورة
سيسيل بفخر طبعا وهبقي احسن دكتورة وهي تشاور ع ادم واحسن من الدكتور ده
اسماعيل ايوة انا عايزك تبقي احسن من الواد ده
بدأ الجميع في الضحك وسيسيل تعرف ان نجلاء تغير كثيرا ع زوجها وبدأت تداعبه
سيسيل وهيب تغمز له بس ايه ياعم الحلاوة دي انت بتصغر اهو خالص شكلك وقعت ع مزة هناك ظبطتك
نجلاء واحمر وجهها ڠضبا
اسماعيل انتي شكلك عايزة تجبيلنا الكلام مزة ايه بس
سيسيل عارف يا عمو لو كنت صغير شويه مكنتش سيبتك ابدا وكنت خطڤتك
اسماعيل ههههههههههههههه ربنا يباركلك والله بترفعي روحي المعنويه
ادم بمزاح وهو يشاور عليها باصبعه من فوق الي تحت ههههههههههههه يعني انتي هتبقي مرات ابويا ههههههههههههههه
سيسيل يا ابني انت تطول
ادم طبعا اطول انتي مش شايفه نفسك كام سم
سيسيل انت اللي طولك مخطي كل الحدود لكن انا طولي مخليني كيوت يا ابني
ادم ماشي ياعم الكيوت
بدأ الجميع في الضحك من جديد وكان اليوم مميز جدا فاسماعيل غائب منذ فترة فهو يعمل بالامارات مهندسا كبيرا في احدي شركات البترول ولكنه اكتفي بذلك