رواية ستبقى حبيبي بقلم راجية الجنة الجزء الأول

يحبها نصف حبها له كانت تشعر بانه يحبها ولكن الاحساس لم يكن مكتملا لانه لم يعبر لها عن حبه لها كانت دائما تسهر طوال الليل لتنتظرة وتنتظره طوال النهار لتراه كان هو شغلها الشاغل قررت ان تذاكر وتكد لتدخل كليه الطب مثله فكان هو مثلها الاعلي في كل شئ ذاكرت في الثانويه وحصلت ع مجموع كبير من اجله من اجل ان تكون مثله وتليق به ولكن حدثت ظروف لوالدها في عمله مما اضطره الي النقل الي القاهرة فكان هذا اليوم هو يوم ممېت بالنسبه لسيسيل فكيف تترك حبيبها وحده كيف تعيش دون ان تراه كيف تتحمل البعد عنه ولكن هاهو القدر ابعدها عن حبيبها وكانت لا تراه سوي اسبوع واحد طوال السنه هو الاسبوع الذي تأتي الي الاسكندريه لتقضي العطله الصيفيه في الاسكندريه ومرت السنين وكانت كل عام تأتي في نفس الموعد الا السنتين الماضيين لم تأتي لانه لم يكن موجودا علي ارض مصر فسافر الي لندن للحصول علي شهاده الدكتوراه من هناك ليرجع اكبر واصغر جراح للقلب في الاسكندريه وهاهي الان اصبحت دكتورة في جراحة القلب لانها اختارت هذا القسم لتكون مثله وبدأت تدعي الله ان يجمع بينها وبين ادم حب عمرها
بلاااااااااااااااي
افاقت سيسيل من شرودها علي نسمات الهواء التي تداعب خصلات شعرها ونظرت الي الساعه وجدتها الرابعه عصرا فقد سرقها الوقت في التفكير في ادم تركت مكانها امام البحر وعادت الي منزلها ووجدت ايات وكانت حنان في المطبخ تعد الغداء
سيسيل سلام عليكم يا اهل الدار
ايات اهلا يا اختي كنتي فين
سيسيل كنت ع البحر امال فين خالتو
ايات في المطبخ
سيسيل وانتي قاعده بتعملي ايه ما تقومي هزي نفسك كده اعملي حاجة
ايات بت انا مش فايقالك مش انتي قاعده تتفسحي وتيجي تقوليلي اعملي وسوي
سيسيل يخربيت القر اهو يا اختي راحة الشغل يوم السبت مش عايزة رغي كتير
ايات احسن
سيسيل هو يوسف ماجاش لسه
ايات ليه هو فين اصلا
سيسيل ياربي معانا واحدة في البيت مسطووووووووووله
ايات بتكلم بجد هو فين
سيسيل يا بنتي يوسف بره من الفجر
ايات يا شيخة
سيسيل مش بقولك مسطوله انا هروح اسأل خالتو احسن
ذهبت سيسيل الي المطبخ لتسأل خالتها علي يوسف
سيسيل هو يوسف لسه ماجاش يا خالتو
حنان لا والله يا سولا لسه وبرضه تليفونه مقفول
سيسيل يبقي في حاجة كبيره بقي يا خالتو ربنا معاه يارب هو وكل الظباط اللي زيه
حنان يارب يا حبيبتي ادخلي غيري عقبال ما احضر الاكل
سيسيل طيب هغير هدومي واجي احط الاكل معاكي
خرجت سيسيل الي الصاله وجدت ايات ضړبتها ع رأسها وقالت لها قومي يابت حطي الاكل يلا اعملي حاجة مفيدة في حياتك
قامت ايات لتضربها وركضت خلفها ولكن سيسيل كانت اسرع منها واغلقت الباب خلفها
بدلت سيسيل ملابسها الي ملابس المنزل ودخلت الي خالتها المطبخ واعدت معها طاوله الطعام ولكن سيسيل لم تتناول شيئا منه وكانت شاردة
حنان ايه يا سيسيل مش بتاكلي ليه يا حبيبتي
سيسيل كانت قلقه ع يوسف ولكنها اظهرت اللامبالاه حتي لا يتسرب القلق الي خالتها
سيسيل ولا حاجة يا حبيبتي انا باكول اهو
تظاهرت سيسيل بالاكل حتي انهوا طعامهم وقامت برفع الاطباق هي وايات وتنظيف مكان الطعام وتنظيف المطبخ ثم جلسوا جميعا امام التلفاز وبدأ جرس الباب في الرنين قامت سيسيل لتفتح لتجد امامها نجلاء ورودينا
نجلاء اخص عليكم اخص مكسرات من غيرنا كده ولا حتي تعزمونا
حنان تعالي يا نوجا
سيسيل تعالي يا بت يا رودي اقعدي هنا
نجلاء انا بقي جايبالكم فيلم جديد انما ايه يلا يا يويا خدي شغليه
قامت ايات بتشغيل الفيلم وجلسوا جميعا يشاهدون الفيلم
رودينا بصوت منخفض فين يوسف
سيسيل في الشغل
رودينا هو لسه ماجاش
سيسيل لاء لسه
رودينا بنبره قلق ربنا يجيبه بالسلامة
سيسيل امين يارب
ثم عادوا لمشاهده الفيلم وقامت نجلاء ورودينا بالذهاب الي منزلهم ودخلت سيسيل الي الشرفه لتقف فيها ومر الوقت سريعا ويوسف لم يعد بعد ولكنه اتصل بحنان واخبرها انه بخير وسيأتي الليله
ظلت سيسيل واقفه في الشرفه حتي كانت الساعه الواحدة بعد منتصف الليل وخرجت لها رودينا من الشرفه المقابله
رودينا سولا هو يوسف ماجاش لسه
سيسيل لاء بس هو اتصل وقال انه هيجي انهاردة وانه بخير
رودينا بشئ من الارتياح الحمد لله
سيسيل الحمد لله
رودينا ابقي طمنيني
سيسيل حاضر
رودينا انا هدخل علشان ماما مش بتحب البلكونه مفتوحة بالليل
سيسيل اوك
دخلت رودينا وظلت سيسيل واقفه في الشرفه تنتظر يوسف وادم
ايات من الداخل انتي يا بنتي الساعه اتنين ما تدخلي تنامي بقي
سيسيل مستنيه ادم ويوسف
ايات ادم ايه يا متخلفه انتي مش رودي قالت انه مش جاي انهاردة
سيسيل عندي احساس انه جاي وكمان مستنيه يوسف علشان اطمن عليه
ايات ماشي يا اختي خليكي واقفه اما نشوف اخرتها ايه
ظلت سيسيل واقفه حتي غلبها النوم ونعست عيناها قليلا ولكنها قامت مفزوعه من نعستها هذه ع رائحة ادم ونظرت الي اسفل وجدته داخل الي البنايه الخاصه به.. قلبها ارتاح قليلا وبدأت ټشتم رائحته كانها تتنفس بهذه الرائحة التي اسرتها وظلت واقفه قليلا حتي تري نور غرفته مولعا وعندما طفأ نور غرفته مرة اخري اطمئن قلبها عليه ..ودخلت الي فراشها ومددت عليه وبعد قليل سمعت صوت الباب ينفتح فعرفت انه يوسف خرجت اليه لتطمئن عليه وجدته ممسكا ذراعه وملفوف به شاشا والشاش ملون بلون الډم
سيسيل بخضه يالهوي ايه اللي حصل
يوسف هوووووووووش بس مش عايز نفس
سيسيل تعالي تعالي
دخلت معه سيسيل الي غرفته وبدأت تتفقد الچرح
سيسيل الحمد لله الچرح مش عميق بس لازم يتطهر
يوسف طب شوفي شغلك يا دكتورة اتفضلي دراعي تحت امرك
سيسيل پحده انت مستهون بالامر افرض الاله اللي اضربت بيها كانت مسممة ولا زفت كان هيبقي حالك ايه دلوقتي
يوسف يا بنتي احنا متعودين ع كده اخلصي بقي عايز انام ساعتين ورايا تحقيق بكرة
سيسيل وهي تقوم بتنظيف الچرح طب احكيلي بقي ايه القضيه وانا بنضفلك الچرح
يوسف دي اسرار شغل يا ماما اخلصي
سيسيل بترجي علشان خاطري بليييييييييييز
يوسف هههههههههههههه والله انتي مسخرة .. كل الحكايه ومافيها مسكنا شويه مهربين مخډرات
سيسيل يا رااااااااااجل وانت مالك بتقولها بكل بساطة كده كانك بتقولي كنت بتفسح مع ناس اصحابي
يوسف ههههههههههههههه ماهو كده بالظبط كأني بتفسح دي ابسط حاجة الواحد قام بيها بس ادعيلنا نعرف راس الحيه
سيسيل ان شاء الله تعرفها وتبقي اكبر واحد في الداخليه كلها عارف دور ورا بتوع مجلس الشعب والناس الكبار هما دول اللي بيدخلوا الحاجات دي البلد حاميها حراميها من الاخر
يوسف يا بنتي انتي الافلام العربي مأثرة عليكي اوي
سيسيل بيحصل ولا مبيحصلش
يوسف بيحصل بس مش دايما
سيسيل يبقي متتكلمش بقي .. انا خلصت تنضيف وبكرة الصبح لازم تتغير عليها تمام يا حضرة الظابط والدوا ده تجيبه وتاخده كل 6 ساعات تمام
يوسف حاضر يا حضرة الدكتورة
سيسيل انا هسيبك ترتاح والف سلامة عليك يا جو
يوسف الله يسلمك يا سولا
استلقي يوسف ع الفراش ولم يشعر بأي شئ من شدة التعب والارهاق اما سيسيل فقد دخلت الي غرفتها واستلقت ع فراشها وغطت في ثبات عميق
الفصل السآدس
في صباح اليوم التالي استيقظت سيسيل متأخرة فاستيقظت قبيل الظهر بقليل وخرجت الي الصاله وجدت خالتها جالسه ع الاريكة تقلب في قنوات التي في
سيسيل بنوم صباح الخير يا خالتو
حنان صباح الفل يا حبيبه خالتو ايه نموسيتك كحلي انهاردة
سيسيل نايمة بعد الفجر والله يا خالتو جو صحي ولا لسه
حنان انا دخلت عليه الصبح لاقيته نايم وايده مربطة هو ايه اللي حصل
سيسيل متعور بس الحمد لله جت بسيطة انا هدخل اتوضا ومعلش يا خالتو صحي يوسف علشان عنده تحقيق وكمان علشان صلاه الجمعه
حنان بس ده نايم بعد الفجر
سيسيل معلش يا خالتو علشان حتي يصلي الجمعه
حنان طيب يا حبيبتي ادخلي انتي اتوضي يكون صحي وافطروا سوا عقبال ما خم النوم اللي جوة دي تصحي
سيسيل اوك يا خالتو
دخلت سيسيل الي المرحاض لتتوضأ وتزيل اثار النوم بينما دخلت حنان الي يوسف غرفته وجدته مستغرقا في النوم اقتربت منه وربتت ع كتفه وحاولت ايقاظة
حنان يوسف حبيبي يلا يا بابا قوم
يوسف بنوم طيب طيب وغط في نوم عميق مرة اخري
حنان يلا يا جو .. ولكن دون فائدة كان نائما نوم عمييييييييييييييق
خرجت حنان وجدت سيسيل انهت اغتسالها وبدأت في تحضير الفطور وايقظت ايات ايضا
سيسيل ايه يا خالتو هو فين
حنان نايم يا حبيبي خالص
سيسيل الله يكون في عونه بصراحة وكمان ڼزف ډم كتير
حنان يا حبيبي يا ابني .. انا قولت بلاش الكليه الزفت دي صمم عليها وقالي لازم ابقي زي بابا
سيسيل ياخالتو لو كل ام قالت مش عايزين كليات شرطة ولا حربيه ولا ولا يبقي البلد هتبوظ
حنان ربنا معاهم يارب .. ويحميهم هو واللي زيه
سيسيل امين يارب يا خالتو انا هدخل اصحيه
دخلت سيسيل الي يوسف غرفته وجدته نائما بعمق اقتربت منه وبدأت في ايقاظة
سيسيل يوسف .. جو .. يلا يا جو قوم
يوسف بنوم ها في ايه
سيسيل قوم يا ابني الساعه 11
يوسف وهو يستيقظ 11 ايه
سيسيل 11 الصبح يلا يا ابني قوم
يوسف بتثاقل طيب يا سولا خمسه بس وهحصلك وهنا رن هاتف يوسف التقطة يوسف وعندما رأي اسم اللواء خالد علي الشاشه نهض مسرعا من فراشه وبدأ في الرد وجاءه صوت خالد من الهاتف باعطاء التعليمات له ورد عليه يوسف قائلا تمام يا فندم ساعه وهكون عند حضرتك مع السلامة يا فندم
سيسيل لو مكنش التليفون مكنتش صحيت
يوسف مسرعا معلش يا سيسيل اعمليلي بس قهوة عقبال ما اخد دش والبس
سيسيل حضرتك ادخل خد دش وقبل ما تغير ناديني علشان اغيرلك ع الچرح.. ومفيش قهوة هعملك عصير علشان الډم اللي فقدته ماشي يا حضرة الظابط
يوسف ماشي بس اخلصي
دخلت سيسيل الي المطبخ واحضرت الي يوسف العصير وغيرت له ع الچرح وجلس معهم ع طاوله الطعام
يوسف وهو ينظر الي كميه العصير انا هشرب العصير ده كله
سيسيل من اوله لاخرة متسبش نقطة انت فقدت ډم كتير ومحتاج تعوض اللي فقدته ده
حنان اسمع كلامها يا يوسف وبعد كده تخلي بالك من نفسك انا مش ناقصه ۏجع قلب
ايات انتوا محسسني انه اتضرب پالنار ده حته تعويرة
سيسيل تصدقي انك معندكيش ډم بدل ما تقوليله سلامتك
ايات سلامته ع ايه ده بيجي كل مرة متبهدل اخر بهدله
يوسف وهو ينظر الي ايات ماهو احنا بنتبهدل علشان نحافظ علي امثالك
سيسيل بجد الله يكون في عونكم
يوسف يلا انا همشي بقي
سيسيل يوسف الدوا ده يجي ويتاخد وانت نازل من اي صيدليه
يوسف حاضر يا دكتورة يلا سلام عليكم
الجميع وعليكم السلام
بعد خروج يوسف
حنان انتي كده علي طول مش بتحاسيبي ع كلامك خلي عندك