سكريبت سديم وزياد بقلم هايدي إبراهيم

لعبوا پالنار الأول
المهم كويس إنك نزلتي ي يارا دول كانوا عايزين يعملوا الشبكة من أسبوع وأنا قولتلهم مستحيل عامل حاجة غير لما تنزلي
أنت حكيتي كل حاجة بس محكيتيش شعورك لما قابلتيه تاني
سكت وجيت أتكلم رن تلفوني
أيوة يا سيف
الحمارة اللي قاعدة جنبك خليها تفتح الموبايل اللي عاملاه طيران دلوقتي
ضحكت بيقول عليك حمارة ي ست يارا
شدت الموبايل مني
تعالى وهتعرف الحمارة هتعمل فيك أي
مش أنت بايتة مع البنت عشان شبكتها بكرة هجيلك بكرة
أي دا أنت صدقت أنا بهزر والله سيف ولااا

قفل السكة في وشي يرضيك كده
وأنت عاملة موبايلك طيران ليه
نسيت الاه نسيييت يا سديم
بكرة شبكتي من زياد مش هنكر إني كان نفسي فيها من زمان ولكن مش كده هو مش بيحبني لو كان بيحبني مكانش بعد بس لو عقلتها وجبتها من حتة تانية هي أمه ومينفعش يزعلها أنا اتلغبطت وتعبت
كنت عاملة كل حاجة سيمبل حسيت بلمعة في عيونه لما أتقدم خطوة وفتحلي باب العربية طلعنا على البيت بعد ما عملنا فوتوسيشن بسيط واليوم مكانش تقيل على قلبي زي ما أتوقعت
سيف جه وسلم علينا
مبروك يا أم لسانين
برقتله جامد بسبب نظرة زياد ليه وليا ميعرفش أنه خلاص كمان أسبوع وهيتجوزوا
احم مبر مبروك يا بشمهندس
ضغط علي أيده وقاله
الله يبارك فيك آلا متعرفناش
احم أنا سيف خطيب ي يارا صاحبة سديم الصراحة هي ونعم الأخت ربنا يحفظهالك يا بشمهندس
سكت زياد وأتبط وبص ليا بنظرة فهمتها كويس لكن تجاهله ومعبرتهوش وروحت أسلم على المعازيم
فجأة لقيت اللي بيشد ايدي
الا أنت مخطوبالي ولا مخطوبة للمعازيم
الا أنت ليك عين تتكلم يعني محستش بقهرتي وأنا بشوف واحدة تانية هتاخدك مني قدام عيوني عيني عينك كده أنا عارفه أنها أمك وهي كلمتني لكن أنت متهزتلكش رمشة واحدة يا زياد
شرد في اللاشي شوية وبعدين كمل وقالي
أنت مدخلتيش في قلبي وعرفتي أي جوا كنت أنت وأمي كل واحد من جهه وعايزاني أختار لو أخترتك هخسر أمي ولو أخترت أمي هخسرك ولكن ملقتش حل غير دا بعدين هي عرفت كل حاجة عرفت قيمتك لأن بنت الأصول محدش يعرف يقدرها
طب ركز مع المعازيم ومتبصليش كده
مش هقدر أشيل عيوني من عليك
ليه فجأة أحلويت في عيونك
أنت حلوة في عيوني من زمان
رديت وأنا ببصله
وأنت كداب وبتاخد بعقلي حلاوة ي زياد أنا بعدت ثلاث سنين عشان مش عايزة أشوفك مع غيري فاهم عشان حبيتك وكل البلد وكل العايلة عارفين إني بحبك وأنك بتحبني أنا كنت بحاول أنساك بس كل ما أحاول برجع تاني أفتكرك بالجامد بالحب آه أنا حبيتك
وبحبك بس أنت چرحتني
والله ما كان بقصدي يوم ما سافرتي أنا كنت بنهار عشان هتبعدي عني وهكون لوحدي وأنا اللي خليت جدي يرفض سفرك فاهمه عشان بس متبعديش أنا اللي طفشت العروسة اللي أمي جابتهالي عشان مش شبهك مفيش حد شبهك
دمعت وابتسمت لكلامه ولكن عملت نفسي مسمعتش
أي بتقول أي في دوشة مش سامعة
ساب البوكية بتاعي جمبي وقام متعصب ووشه أحمر لحقته بسرعة وندهت عليه
زياد استني
ضحكت أنا عارفه إنك بتحبني وأنك مجبور عشان أمك لكن دا ميمنعش إني مدايقة وفي سينس حزن كده بس هيروح بهدية حلوة منك
هدية حلوة امم طب نعدي الشبكة دى على خير وأنا بكرة هجبر بخاطرك
وفعلا الشبكة عدت على خير بين هزار سيف ويارا ومناغشات جدي وڠضب زياد من سيف الواضح ولكن تاني يوم كان يوم يتذكر في التاريخ
زياد كان أخد بيت بعيد عن بيت العايلة وكان زارع قدامه جنينة وقالي
الورد لو اتقطف بېموت وأنا مش لازم أقتل الورد عشان كده عملتلك الجنينة دى عشان حبك للورد الورد هيعبر عن حبي ليك