العشق المصراوي بقلم إسراء إبراهيم

بخجل وابتسمت واتكلمت لا متقلقش يا استاذ كامل هيا بس كانت بتوصيني علي فاطمة متعرفش انها اختي مش مرات اخويا
بصلها كامل بعشق لاحظته سيدة فاتكلمت بمكر انت كنت جاي تسألنا جاعدين لحالنا ليه ولا لحاچة تانية
ابتسم كامل لانه فهم اللي تقصده امه وضحك ورد باحراج لا العريس بيستعجل عشان الطريج طويل
سيدة بقلق ماشي يا ولدي هخش اجولهم يلا
كانت واقفة فاطمة حاضنة امها بحزن
وهما واقفين قدام البيت
فاطمة بدموع هتوحشيني ياما هتوحشيني جوي متأخريش عليا والنبي
سيدة بحنان وانتي كمان يا ضنايا متجلجيش هجيلك في الصباحية اطمن عليكي وزي ما وعيتك يا ضنايا
فاطمة بابتسامة حاضر ياما متجلجيش عليا بتك زينة وهتعرف تتصرف
اخدها انس بفرحة وراحو ناحية العربية بس اتفاجأو بأمه قاعدة قدام مكان فاطمة انس اتوتر لانه كان فاكر ان امه هتقدر انهم عرسان وهيركبو قدام جمب بعض بس فاتن كانت قاصدة تعمل كدة عشان تضايق فاطمة اللي فهمت لكنها كانت عاقلة
فاطمة بابتسامة خلاص يا انس انا هركب مع نورهان وانت چمب مامتك
انس بهدوءاستني يا فاطمة لو سمحتي يلا يا كامل هتيجي معانا توصلنا
وركب انس جمب فاطمة واخته في العربية من ورا وكامل كان سايق وجمبه فاتن اللي كانت ھتموت من الغيظ
فاطمة لانس بحب ربنا يخليك ليا
باس انس ايديها واتكلم بعشق ويخليكي ليا يا حبيبتي
وكل اللي حصل كانت سيدة متابعاه ووقتها ارتاحت اوي وابتسمت بفرحة لانها جوزت بنتها راجل هيعرف دايما يوازن بين امه ومراته من غير مشاكل وكمان نورهان اللي كانت فخورة باخوها وحبت تغير جو التوتر وبصت لانس واتكلمت بصوت عالي شوية
نورهان بمرح نحن هنا علي فكرة
ابتسمت فاطمة بخجل وكامل وقتها بص لنورهان بتحذير في مراية العربية ففهمت قصده ووطت صوتها وابتسم هو علي خجلها منه وحس انها اشارة منها انها ممكن توافق عليه وتبقي ليه في يوم من الايام
عند باب شقة انس وفاطمة
انس بحب اتفضلي يا حبيبتي
ولا اقولك استني لا متدخليش
بصتله فاطمة باستغراب في ايه يا انس حصل حاچة
لقته بيقرب منها وفجأة شالها فابتسمت بخجل وشهقت بخضة
فاطمة بخجل انس فزعتني اخس عليك
انس بعشق سلامتك من الخضة يا روح قلبي انا بصراحة كنت عايز اشيلك من واحنا تحت بس يعني
قاطعته فاطمة وه لا طبعا عيب تشيلني جدام امك واختك اتكسف
انس بهيام والله مش ده السبب انا اشيلك قدام الدنيا كلها ولا يهمني بس انا بصراحة خفت ضهري يوجعني وضحك
فاطمة بزعل مصطنع بجي اكده ماشي نزلني بجي انا زعلانة منك جوي
انس وهو بيبوس راسها وانا اقدر برضه ده انتي روح قلبي انا بهزر معاكي انا كنت واخد عهد علي نفسي اني ادخلك شقتنا وانا شايلك في حضڼي
فاطمة اتكسفت طب نزلني بجي كفاية اكده احسن ضهرك يوچعك بجد
انس بحب خاېفة عليا
فاطمة بكسوف طبعا مش چوزي وراچلي
انس وهو بينزلها وبيبص في عينيها جوزك بس يا فاطمة يعني انتي من ساعت ما ارتباطنا مسمتعهاش منك وكنت بقؤل دي مكسوفة حتي لما كتبنا الكتاب برضه عمرك ما قولتي انك بتحبيني لكن دلوقتي مفيش عذر
حس انس وقتها انه عاوز يسألها ويتأكد منها عان قلبه يطمن فكمل بتردد انتي لسة بتحبي خطيبك اللي سبتيه يا فاطمة
قاطعته فاطمة پغضب معجول جدرت تجولها تفتكر لو مش عاشجاك كنت وافجت عليك ووافجت اننا نكتب كتابنا لو مش عاشجاك كنت رضيت اتچوزك
وانا عارفة ومتأكدة ان امك مش حباني ولا رايداني ومع ذلك وافجت عشانك انت اصلا مينفعش تسألني سؤال زي ده كدة