العشق المصراوي بقلم إسراء إبراهيم

الحريم كانو بيرقصو البنات علي اغاني الست اللي ماسكة الطبلة وبتغني اغاني الصعيد الجميلة بس فاتن مكنش عاجبها اي حاجة وكانت بتبص للكل بقرف ولاحظتها عزيزة اخت سيدة
عزيزة بضيق مالها ياختي حمات بتك مش عاجبها حالنا اكده وعمالة تبص علينا بطرف مناخيرها
سيدة بقلق والله يخيتي مش عارفة انا خاېفة عالبت دي غلبانة فاطمة ومتعرفش الحچات دي
عزيزة بتاكيد وعي بتك يا سيدة وخليها تكسب حماتها بالمعاملة الزينة
سيدة بحزن جولتلها يا خيتي والله وعيتها وجولتلها ربنا يستر
قاطعهم دخول فاطمة وهي لابسة فستان الفرح فكانت زي القمر والكل كان بيبارك ليها ما عدا حماتها فاتن مقامتش من مكانها وكانها مش شايفة مرات ابنها
سيدة بتوتر تعالي يا بتي سلمي علي حماتك دي بجت امك التانية دلوكتي
قربت فاطمة من فاتن بس هي فاجأتها وهي بترفع ايدها قدام وشها عشان تبوسها فاطمة والكل بقي يهمس لبعضه ونورهان كانت مضايقة اوي من تصرف امها ومش راضية عنه ابدا
سيدة بقلة حيلة ييلا يا فاطمة يا بتي حبي علي يد حماتك دي زي امك برضك ولا ايه يا ضنايا وانتي بت اصول وخابرة يلا خدي بركتها واجعدي جارها
بصت فاطمة لامها بحزن وعملت زي ما قالتلها وباست ايد حماتها اللي ابتسمت بسخرية وحاولت تداري عالموقف
فاتن ببرود اقعدي جمبي يا فاطمة تعالي يا مرات ابني اقعدي
ومن جواها بتقول لنفسها وانتي لسة شفتي حاچة انا هوريكي يا بنت سيدة
بعد شوية من الفرح اخدت سيدة نورهان وخرجت عشان يتكلمو برة
سيدة بحزن نورهان يا بتي كنت عايزة اتحددت معاكي في حاچة
نورهان بتوتر طبعا يا طنط اتفضلي
سيدة بابتسامة نورهان انتي باين عليكي بت چدعة وطيبة وعارفة انك صاحبة فاطمة بتي في الچامعة كنت عايزة اوصيكي عليها بصراحة اكده يا بتي انا خاېفة علي فاطمة من امك باينها واعرة ومش حابة بتي ولا رايداها لابنها واللي فهمته انه اخوكي هو اللي صمم مش اكده
اتوترت نورهان ومكنتش عارفة ترد علي سيدة وتأكد كلامها لان مهما كان فاتن امها برضه وكانت حاسة بيها سيدة فكملت كلامها
سيدة بتنهيدة بصي يا بتي انا مش عايزاكي تحتاري كل اللي طالباه منيكي تاخدي بالك من صاحبتك مش انتو عشرة عمر في الجماعة بتاعة مصر صدجيني بتي غلبانة والله وامك بس تعاشرها هتحبها بس هي تديها فرصة
كانت سيدة بتتكلم والدموع في عينيها خوف علي بنتها الوحيدة
نورهان مسكت ايد سيدة بتردد لانها حست انها مش زي امها وده باين من كلامها وخۏفها علي بنتها ولانها حست بالحنان في كلامها وشافت اللي مشفتوش مع امها ولا حسته
نورهان بابتسامة متقلقيش يا طنط فاطمة دي اختي مش صاحبتي وفي عيني والله انا عارفة ان امي صعبة بس هي قلبها ابيض وتصرفاتها دي هيا اللي بتخليها تبان صعبة بس هي من جواها طيبة ومتقلقيش علي فاطمة انس جمبها وهو بيحبها اوي والله
مسحت سيدة دموعها وطبطبت علي نورهان بحنان طمنتي جلبي ربنا يريح جلبك انتي بت حلال وتستاهلي كل خير وانا رايدة اجولك علي حاجة في الاخير انا يمكن ست جاهلة لكني بفهم صوابعك مش زي بعضيها يا بتي اوعي تنسي ده
نورهان اتوترت لانها فهمت سيدة تقصد ايه بس ارتاحت اوي لكلامها واتأكدت انها فعلا مش زي امها وابتسمت سيدة وهي بتملس علي وش نورهان بحنان
سيدة بحنان ربنا يريح جلبك يابتي
قاطعهم كامل وهو داخل البيت وشافهم
قاعدين سوي فاستغرب وقرب منهم
كامل بقلق في حاچة ياما مالكو جاعدين اكده لحالكو
بصتله نورهان