رواية سمارة بحر بقلم خلود ناجي

كدا عشان دايما تفكرني بس هو دا شي ممكن يتنسي
فرح بنت خالتي بكرا
حلو هظبطلك طقم شيك واكويه حاضر
زينب وانت مش ناوية تيجي
لا يا ماما
هو حبيبة مش هتيجي لو حابة تيجي
عثمان بغيظ الاولولية لمراتك يا بحر
ومراتي لسه مجتش يبتي يا ابويا
زينب بحر! في ايه يا ابني
مفيش انا طالع عندي شغل
بحر متزعلش وخلي بالك من نفسك
بحر محدش فاهم حاجة الكل شايفني ظالم كل بيتعامل اني ظالم لو قررت اعوض سمارة وافرحها اخاڤ اديها امل وانا مش بحبها لو قررت اهتم بحبيبة بتفكر
اني بعمل كدا مجبر عشان اداري علي علاقتي مع سمارة انا مشتت اخر فترة وحبيبة نكدها زاد وسمارة دموعها زدات انا مش عايز اكون ظالم انا عايز حياة هادية يكون فيها الست اللي بحبها وبس
عثمان مالك يا زينب بتضحكي
زينب أم حاتم جت قعدت معايا من ساعة كدا ودا مش عادتها وقعدت تشكر في ابنها حاتم
بس احنا مالنا بحاتم يا امي
ام حاتم متعرفش أن سمر مراتك وجت طلبت أيدها لحاتم اصلي حاتم شافها وصورها و
يعني ايه صورها دي كمان في ايه يا امي
مسح الصورة متقلقش وانا وضحت أنها مراتك والموضوع خلص
عثمان هي مراتك مش لابسة دبلة ليه!
اصلي عندي حساسية من الدهب و
اتعصب سمارة لما نتكلم انت تسكتي
عثمان في ايه يا قليل الادب انت انت فاكر أن ملهاش حد ولا ايه
انا اسف ياحج
طلعت واول حاجة عملتها سحبت فلوس وجبت دبلة كنت مبسوط انا خاېف من وجودك يا سمارة خاېف من الراحة اللي بقيت في البيت بسببها انا مرتاح ودي حقيقة مش قادر أنكرها بضحك لما اشوفها وبحب اشوف امي قاعدة معاها وبتضحك ابويا بيحبها فعلا وانا
بحب وجود سمارة بس قلبي عايز حبيبة
الدبلة دي متتقلعش من ايدك
حاضر
هو ازاي مجرد هدية كدا تخليني طايرة من الفرحة ومبسوطة وحاسة أن ملكت كل العالم انا قلبي بيرقص من الفرحة
حبيبة ازيك
بخير الحمد لله استأذن انا بقي
حبيبة وماله!
دخلت جوا وهي قعدت مع ماما زينب العمر بيعدي بسرعة ومرت ٦ شهور تانيين اتغير فيها اني بحر اتقبل سمارة فعلا بقيت انتظره كل يوم اعمله اكل ونقعد نتكلم مع بعض اتخانقنا كتير علي حوار الشغل واخيرا وافق اشتغلت في مدرسة بس قلعت الدبلة عشان اټخانق هو وحبيبة وجامد وحبيبة رنت عليا واشترطت واحدة فينا بس اللي هتكون لابسة دبلته ووقتها اضطريت انا اقلع الدبلة لنفس الحجة عندي حساسية من الدهب
زينب بحر تعال بسرعة ابو مراتك ماټ
باب ماټ ورغم كل اللي عمله معايا كنت بزوره كل يوم كنت بعمله اكل واوده عشان هو مكنش اب وحش بس كان اب عديم المسؤولية ودا اصعب انا مشكلتي حاجة اني قلبي مش بيعرف يقسي ولو حبيت حد بسامح اتمني الدنيا تكون حنينة عليا وترزقني بحد حنين هي رزقتني فعلا بس
البقاء لله
بحر ممكن طلب
طبعا اللي عايزاه
طلقني
انت اعصابك تعبانة دلوقتي لما تهدي نتكلم في الموضوع دا
انا كويسة يا بحر من فضلك طلقني
سمارة بلاش تخليني اتعصب
طلقني بس وانا الصراحة في حد زميلي هيتقدملي وبكدا اعيش حياتي و
انت ازاي قليلة حيا كدا في عزا ابوك وبتكلميني عن راجل تاني هيتقدملك و
معملتش حاجة غلط يا بحر انا كدا خلاص اقدر اعيش في الشقة هنا وانت تتجوز براحتك وكل واحد فينا يعيش حياته يا بحر احنا عمرنا ما هنكون مع بعض يا بحر
تمام يا سمر
سبتها ومشيت انا بحب سمارة حب غير حبي لحبيبة دايما محتاجة سمارة عايز ارجع البيت