رواية سمارة بحر بقلم خلود ناجي

بتعملي ايه عندنا
جاية ادي خالتي فلوس الجمعية اخبارك ايه انت يعني مش ظاهر
زي ماانت شايفة كدا الشغل واخد كل وقتي والواحد بيشتغل اكتر من ١٦ ساعة يوميا
ربنا يعينك يارب ويوفقك انا نازلة عايز حاجة
تسلمي يا سمارة
بحر بلاش الاسم دا بالله اسمي سمر
ضحك بالنبسالي اسمك سمارة وبس
انت لسه بجد غلس انا نازلة
الحقيقة انا مش رواية انا حياتي واقعية جدا بنت خلصت دارستها السنادي عايشة مع اب ما يعرفش عني حاجة غير اني بس بنته وبهتم بأمور البيت هو مش وحش بس مش اب كويس ليا وعندي ٣ اخوات بنات اتجوزوا وعايشين في أماكن مختلفة حياة عادية خالص مش مميزة في أي حاجة بابا منع اني اشتغل أو اطلع برا البيت وانا وافقت عشان اهتم بالبيت بس مع معاشه اللي بيضيع علي العلاج دا اضطريت اشتغل من البيت اعمل اكل وابيعه اونلاين واهي الايام بتعدي والحمد لله الحمد لله علي نعم كتير في حياتي بس ممكن اكون جاحدة واقول اني زعلانة اوي انا مش عارفة اعيش حياتي ولا اطلع زي باقي البنات اللي بشوفها علي الانستا ولا عمري جربت ادخل في قصة حب او أخرج مع حد واكون مبسوطة زي باقي البنات دي ولا حتي اجيب ميكب ولبس وكل شوية اطلع مكان واتفسح وأتصور لا انا حياتي عادية وحاسة اني بټدفن في المكان دا
مالك واقفة هتعيطي يعني
واحد غيرك يا مستر كآبة يتكلم
والله يا بنتي عندك حق
مالك
مش عارف اعمل يا سمارة مش عارف اتقدم لحبيبة أمتي ومعنديش شقة ولا وظيفة ثابتة حتي ولا حتي فلوس كفاية قوليلي اعمل ايه طيب
طيب شوف شقة ايجار بدل ما تشتري و
ابوها وامها مستحيل يوافقوا
انت عارف الشقة بكام دلوقتي يا بحر انت محتاج شغل ١٠ سنين عشان تجيب شقة هنا طيب ما تاخد الشقة بتاعتكم
واهلي واخويا يعيشوا فين
اخوك كبير ومتجوز واهلك يعيشوا معاك بعد الجواز
مستحيل يا سمارة
بقولك ايه متعقدش الأمور باذن الله هتتيسر والله
ادعيلي كتير يا سمارة استني صح اتفضلي
بحر قولتلك مليون مرة وفر فلوسك
يعني الكيس دا اللي هيخليني غني
اه يا بحر بتجيب شوكولاتة وشيبسي وحاجات كتير وصراحة انا مش حابة كدا
سمارة هنزل افتح دماغك خدي الكيس صح في شغل حلو اقدملك
بابا مش موافق يا بحر
هو خاېف عليك بس كمان أن شاء الله ربنا يوفقك في مشروع الاكل الاونلاين دا لو محتاجة حاجة قوليلي
حاضر يا بحر
ادخلي يلا عشان الفجر هياذن والناس هتطلع دلوقتي
انت نازل الشغل دلوقتي
اه عشان معايا شغل كتير في المصنع وبعدها عندي طلبات كتير دليفري اوصلها
طيب ادخل البس وانت نازل ابقي صفر
عايزة اجبلك حاجة
اسمع الكلام بس هدخل انا بقي
دخلت حضرت لانش بوكس للفطار وواحد بتاع غدا حطيت ورق وعنب وفراخ وكنت عاملة بشاميل برضوا دا جزء نضيف باقي من الاوردرات كان غدا لبكرا بس بحر جابلي هدايا كتير ومش بيقبل الفلوس وكمان ياكل اكل كويس بالمرة
اي دا كله
دي كيكة بالبرتقان وعصير طبيعي برضوا وفي سندوتشات عملتهالك ودا بقي الغدا
انت عبيطة اي دا كله
خده بس وامشي احسن حد يشوفنا تبقي مشكلة خلي بالك من
نفسك سلام
بحر سمارة اختي الصغيرة اللي لعبت قدامنا في الشارع وكبرت قدامنا هي بنت الحيران ااهادية اللي الكل بيحبها وېخاف عليها الحقيقة انا طول عمري بشوفها اختي وبيصعب عليا اني عمي جمال قافل عليها كدا حقيقي محدش بيلمحها ولا هو حتي بيساعدها أو يوفر لها حاجة ربنا يرزقها يارب بالزوج الصالح ويكرمها