اسكربت عشقت زوجي ولكن بقلم إسراء ابراهيم

اسكربت
عشقت زوجي ولكن
مش ملاحظ انك بقيت تسافر كتير يا زياد انا والولاد مش بنلحق نشبع منك
زياد بانشغال انا اسف يا حبيبتي بس حقيقي عندي ضغط شغل في الشركة ومش عارف الاحق عالشغل ان شاء الله هعوضهالك في الايام الجاية
خلود بضيق ماهي الايام دي مش بتيجي يا زياد وانا تعبت ببقي في الشارع اغلبية الوقت عشان دروس زين وندي ده غير كمان شغلي في الجامعة مخليني مش قادرة حتي ابص لنفسي في المراية
زيادة بابتسامة يا حبيبتي انتي كدة زي القمر وبعدين انا مقدر انك تعبانة مع الولاد بس انا ذنبي ايه انا اصلا بتعب عشانكم
خلود بخنقة ربنا يعينك يا زياد انا بس اشتقت لاهتمامك احنا بقالنا كتير بعاد عن بعض وقت ما انت تكون صاحي ببقي انا نايمة ووقت ما انا ببقي صاحية انت بتكون مش هنا انا حقيقي حاسة بضغط رهيب
مردش زياد لانه كان مشغول في الاب توب بتاعه وكان مش مركز اصلا في الكلام اللي قالته خلود ووقتها اتنهدت هي بحزن ودورت وشها ونامت وزياد اول ما خلود دورت وشها بصلها بحيرة وتوتر ورجع بص للاب بتاعه

تاني يوم كان واقف زياد قدام المراية ببظبط بدلته وفي نفس الوقت كانت خلود في المطبخ بتحضر الفطار وكان باين عليها الارهاق
ندي بابتسامة صباح الخير يا ماما محتاجة اساعدك في حاجة
خلود بحب سلامتك يا قلب ماما اهتمي انتي بس بدروسك وفي الاجازة هخليكي تعملي كل حاجة
ندي بفضول طب ماما كلمتي بابا علي السفرية اللي قولتلك عليها
خلود بتنهيدة بابا للاسف مشغول يا خلود ومش هيقدر يجي معانا يا حبيبتي تعوض ان شاء الله مرة تانية
ندي بزعل يا ماما هو انا بقولك هروح لوحدي دي رحلة عائلية هنغير فيها جو وبعدين احنا هنروح الشالبه بتاع تيتا مامت بابا الله يرحمها انا نفسي اروح هناك اوي من وقت ما هي كانت بتاخدنا واحنا مروحناش
خلود بحيرة حبيبتي انا لو عليا والله هروح بس بابا مشغول ومش هينفع نسافر من غيره
ندي باحباط بابا علطول مشغول انا اصلا بدأت انسي شكله عموما مش مهم انا همشي عشان متأخرش
خلود بزعل اخس عليكي هتمشي من غير ما تحضنيني انا هزعل كدة
ندي بحب وهي بتحضن امها وهو انا اقدر بس يا ماما انا بحبك اوي
خلود بحنان وانا بحبك اوي يا نور عيني انتي واخوكي يا خبر زين لية مصحيش انا هروح اصحيه بسرعة وانتي اوعي تنسي تقولي دعاء الخروج وتوكلي علي ربنا
ندي بابتسامة حاضر يا ست الكل مع السلامة
مشيت ندي وراحت خلود تصحي زين ووقتها قابلت زياد خارج من اوضتهم
زياد بابتسامة صباح الخير
خلود بزعل صباح النور متنساش تاخد فطارك معاك انا حصرته عالسفرة لاني عارفة انك مستعجل كالعادة
زياد بابتسامة حبيبي متشكر اوي انا فعلا مستعجل متقلقيش انا مش ناسي الموضوع اللي اتكلمنا فيه وهنكمله اما ارجع
خلود بيأس اه منا عارفة عموما مع السلامة واه انا رايحة لماما بعد الشغل عشان عاوزاني
زياد بلا مبالاه تمام تمام يلا سلام
خرج زياد وكانت متابعاه خلود بحزن لانه حتي مبقاش مهتم بزعلها ولا بقي ملاحظه وده مخليها حاسة بخنقة رهيبة وخصوصا اما بتفتكر زمان قبل ما يكبر زياد ويبقي ليه شركة لوحده وقتها كان بيحبها اوي وكان مهتم بيها لابعد حد وده اللي خلاها وقفت جمبه واشتغلت عشان تساعده وعانت معاه كتير اوووي في حياتهم لحد ما وصل زياد للمنصب اللي هو فيه

كان قاعد زياد علي مكتبه وهو بيبص قدامه للفراغ لحد ما خبطت ودخلت عليه ريهام وتبقي شريكته في الشركة الجديدة بس بالنسباله اكتر بكتير من مجرد شريكة كانت ست في قمة اناقتها واهتمامها بنفسها وده اللي خلي زياد ينبهر بيها قربت عليه ريهام وحضنته واستقبلها هو بحرارة
زياد بابتسامة وحشتيني يا رورو كل دي غيبة
ريهام بدلع مش انت اللي خلتني ابعد عنك كل ده وقولتلي سافري انتي الاجتماع المهم ده
زياد بتبرير والله ڠصب عني يا روحي بس حقيقي انا مضغوط جدا واديكي شوفتي بنفسك لما غبت يوم ايه اللي حصل في الشركة
ريهام بخبث لا بس متنكرش ان غيابك اليوم ده كان ضروري ومهم كفايا اننا قضيناه سوا
ريهام بدلع طبعا هستناك وهستني هديتي طبعا احسن انت هداياك بتبهرني يا روحي
زياد بابتسامة من عيوني انا اصلا بحضرهالك من يوم ما سافرتي
ريهام بثقة وانا كنت عارفة علي فكرة ومتحمسة جدااااا
ابتسم زياد بتلقائية وهو بيبص لريهام باعجاب واضح وهي بادلته الابتسامة بدلع ونظرة ثقة

شادية باستغراب انتي يا بنتي علطول كدة مهملة في نفسك ما تروحي تكشفي عالدوخة اللي بتجيلك دايما دي
خلود بابتسامة يا ماما متكبريش الموضوع دول شوية دوخة بسيطة طمنيني عليكي انتي عاملة ايه
شادية بقلق كويسة بس مړعوپة عليكي يا خلود انتي من وقت ما ربنا كرم جوزك وانتي بقيتي بتضعفي كل يوم عن اللي قبله انا معرفش هو فين من كل ده ده المفروض يريحك يا بنتي ويعوضك عن اللي شوفتيه معاه طول الخمستاشر سنة
خلود بعتاب يعني يا ماما اللي تعبنا فيه عشان نبينه نيجي نضيعه عشان شوية ترفيه ايه يعني انا مهتمية بولادي وبوصلهم دروسهم وتمارينهم ما اي ام بتعمل كدة
شادية بغيظ بس بيلاقو تقدير من اجوازتهم يا بنتي بيلاقو اللي في الاخى بيقولهم كلمة حلوة زي ربنا يخليكي ليا ولا انتي اللي شايلاني ولا اي كلمة تراضيها عالاقل هدية بسيطة تعبر عن شكره وتقديره ليكي لكن ده عمره ما فكر فيكي يا حبة عيني
خلود بضيق ماما لو سمحتي بلاش كدة انتي عارفة ان زياد مش وحش هو بس مضغوط لكن مهتم بيا برضه
شادية بهدوء يعني عارف انك تعبانة ليكي فترة وبدوخي وبيغمي عليكي
خلود بتهرب ااه طبعا يعني اكيد احنا عايشين مع بعض وعارف كل حاجة عني ماما انا تعبت من المناهدة انا همشي عشان لسة هعدي اجيب ندي وزين من المدرسة ولسة عندنا تمارين
شادية بقلق ماشي يا خلود اهربي براحتك بس ارجع واقولك ان الراجل لو انتب استنيتي يحس من نفسه مش هيحصل لازم تفكريه وتقوليله انك مسئوليته وربنا هيحاسبه عليكي وانه المفروض يهتم بيكي
اتنهدت خلود بحزن وسلمت علي امعدها ومشيت وهي فعلا حاسة انها عايشة زي مش عايشة وقتها صدقت المثل اللي قال ان اللي ېقتل الست قلة الاهتمام وقتها بتحس انها زي الوردة الدبلانة عشان مش بتتسقي مية كذلك الست لزم تتسقي اهتمام وحنان وكلام حلو وزياد للاسف مهمل في ده معاها

تاني يوم كان زياد مباتش في البيت بحجة انه عنده ضغط شغل وكالعادة خلود عملت الروتين اليومين بتاعها ووصلت ولادها مدارسهم وراحت شغلها وكل ده وزياد حتي مفكرش يرن عليها فكانت قاعدة في مكتبة الجامعة والجو هادي والكل مشغول وفجأة يدخل مراد زميل خلود في التدريس وهو شاب وسيم في نص العشرينات وكان دايما بيلمح ليها انه معجب بيها بس هي كانت بتصده
مراد بابتسامة خفيفة اهلا يا خلود ممكن