هروب لأجل العشق بقلم إسراء ابراهيم

يبقي الولد مش هيرجع.
سما برجاء ياسين ... انت لازم تجيبلي ابني انهاردة
ياسين بجديه وهو بيخرج أنا هجيبلك ابنك... مهما كان الثمن متقلقيش
..............................
كانت قاعدة همس والدموع في عينها مش بتقف وبتبص للولد في ايدها وهي مش متخيلة انه مسئول منها وكان صعبان عليها اوي يمكن عشان هو ملوش ذنب في اي حاجة زيها بالظبط فكانت بتكلم نفسها
إزاي ده حصل إزاي بقيت لوحدي معاه طب وهروح بيه فين هو انا كنت لاقية مكان وانا لوحدي لما هلاقي مكان بالطفل ده طب ذنبه ايه يحصل فيه كدة انا مش مصدقة ازاي الراجل ده فرط فيك كدة ده مستحيل يكون اب بس عادي ما انا بابا فرط فيا واتخلي عني برضه ورماني
فكرت همس تمشي بس افتكرت كلام ياسين ليها لما قالها انه هيرجع تاني عشان الولد ففضلت قاعدة مكانها علي امل انه يجي ياخده رغم انها كانت ھتموت من التعب بس فجأة ظهرت عربية من بعيد ووقفت قدامها ونزل منها شاب باين انه مش طبيعي وكأنه شارب حاجة فخاڤت همس وبحؤكة تلقائية
الشاب باعجاب إيه ده
همس پخوف لو سمحت امشي انا جوزي جاي دلوقتي اصلا ولو شافك هيقتلك
الشاب بمغازلة طب ايه رأيك تيجي معايا وانا هوديكي في المكان اللي انتي عايزاه وسيبك من جوزك ده ده لو موجود اصلا يعني
همس قامت وبقت ترجع لورا پخوف وهي بتدور علي بعنيها علي حد ينقذها بس للاسف مفيش حد
همس بصوت بيترعش لو سمحت أنا... سيبني بقي
الشاب بوقاحة خلاص يا حلوة
همس فجأة بقت تصرخ بصوت عالي في اللحظة دي بيظهر ياسين وهو بيجري عليهم بسرعة وبيسحب همس من ايد الشاب بعيد وبيخبيها وراه ومسكه وبدأ يضرب فيه
ياسين پغضب شديد إيه اللي بتعمله ده انت بتمد ايدك عليها
الشاب حاول يبعد وفعلا زق ياسين وجري ركب عربيته وساق بسرعة بعيد عنهم وياسين كان متابعه پغضب وبعدين
ياسين بلهفة يا انسة إنتي كويسة خلاص مفيش حاجة
همس باڼهيار أنا... أنا مش عارفة أعمل إيه... سيبني ارجوك متأذنيش
ياسين بحنان ما تخافيش أنا هنا. مفيش حاجة هتحصلك تاني انتي بخير وفي امان والله
فضل ياسين شوية يتكلم مع همس لحد ما فعلا بدأت تهدي وبقت تتبص لياسين باستيعاب
ياسين بهدوء وهو مركز في عيونها انتي كويسة دلوقتي
همس ببحة اه كويسة اتفضل ابنك
ياسين اخد معاذ انا متشكر اوي حقيقي انتي انسانة كويسة واخدتي بالك من معاذ
همس بانفعال وكأنها بتنفس عن ڠضبها من امها وابوها انت سيبته! انت ازاي تعمل كدة هان عليك ابنك ترميه لواحدة غريبة انت مش عارف هو قد ايه حس بالغربة وانه مكروه منك انت وامه ازاي قدرت تخليه يحس بكل المشاعر الۏحشة دي ازاي انت قلبك ده حجر
ياسبن باستغراب اهدي بس ايه كل ده وبعدين انتي لحقتي الفتي القصة دي كلها اصلا ده مش ابني
همس بشهقة وتلقائية يا خبر انت خاطفه
ضحك ياسين بتلقائية علي براءة همس وكلامها اللي بيدل علي انها بنت رقيقة اوي وهمس وقتها اتوترت وبصت بعيد
همس بتوتر انت بتضحك علي ايه. هو انا قولت حاجة تضحك
ياسين بابتسامة عشان اكيد لو خاطفه مش هرجع تاني عشان اخده منك عموما انا متشكر اوي صحيح انتي بتعملي ايه في وقت زي ده برة البيت
همس بحزن انا اصلا مليش بيت او ليا بس هو
مبقاش بتاعي
حس ياسين ان في حاجة غريبة في همس وان وراها قصة فمحبش يضغط عليها
ياسين بهدوء طب يلا تعالي معايا
همس پخوف اجي معاك